Yoel 3:8 - BAIBLO ALOO NGMAMI KLƆUKLƆU Ɔ

⁸ Ma ha a maa jua nyɛ binyumu ɔmɛ, kɛ nyɛ biyi ɔmɛ kɛ ha Yuda bi ɔmɛ; nɛ mɛ hu a ma ya jua mɛ kɛ ha Sabea bi ɔmɛ ngɛ ma se tsitsaa. Imi, Yawɛ lɛ i de.

Yoel 3:8 ပူးပေါင်းရင်းမြစ်များ

Hiob 1:15

Tlukaa a, Sabea bi ɔmɛ ba yu a nɔ, nɛ a muɔ lohwe ɔmɛ tsuo kɛ ho. A gbe o tsɔli ɔmɛ tsuo; imi nɔ kake too lɛ i je mi, nɛ i ba konɛ ma ba bɔ mo amaniɛ.”

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Yesaya 60:14

Nihi nɛ wa mo yi mi ɔ a bimɛ ɔmɛ maa ba, nɛ a ma ba kpla si ha mo. Nihi nɛ gbe o he guɛ be ko ɔ, mɛ hu a ma ba kpla si ngɛ o nane nya. Nɛ a ma tsɛ mo ke, ‘Yawɛ ma,’ ‘Zion, Israel Mawu klɔuklɔu ɔ ma.’

Yeremia 30:16

Se jehanɛ lɛɛ, nihi tsuo nɛ kpataa nyɛ hɛ mi ɔ, a ma kpata mɛ hu a hɛ mi. A maa nuu nyɛ he nyɛli ɔmɛ tsuo pɛpɛɛpɛ kɛ ho ma se ya. Nihi tsuo nɛ waa nyɛ yi mi ɔ, a maa wa mɛ hu yi mi. Ni nɛmɛ nɛ haa nyɛ níhi ɔ, a maa ha mɛ hu a níhi.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Ezekiel 23:42

Kɛkɛ ɔ, hoo peemi, kɛ nyami he a nuɔ ngɛ lejɛ ɔ. A ya ngɔɔ dã tɔli kɛ jeɔ nga a nɔ kɛ ba piɛɔ nihi babauu nɛ ngɛ lejɛ ɔ momo ɔ a he. A ngɔɔ nine si gahi kɛ woɔ yi ɔmɛ a nine si, nɛ a ngɔɔ jlasi saminyawiiwi kɛ fiɔ a yi.

Ezekiel 38:13

Sheba bi, Dedan bi, kɛ jua yeli nɛ je Spania ma ba bi ke, ‘O ma nɛ o ba fia wɔ ojo lo? Anɛ o bua o tabo ɔ nya kɛ ba nɛ o ba ha ní pani nya, nɛ o muɔ wa lohwehi, wa sika tsu, wa sika hiɔ, kɛ wa weto ní tsuo kɛ ho lo?’ ”

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Manyadali 4:2

Lɔ ɔ he ɔ, Yawɛ ngɔ mɛ kɛ wo Kanaan matsɛ, Yabin nɛ ye matsɛ ngɛ Hazor ma a mi ɔ dɛ mi. E tatsɛ ji Sisera, nɛ lɛɛ e hi Haroshet ngɛ ma je li ɔmɛ a zugba a nɔ.

Manyadali 4:9

Debora he nɔ ke, “I kɛ mo maa ya tsɔ. Se mohu blɔ nɛ o ngɛ hiae nɛ ɔ, hɛ mi nyami nɛ maa ba a be o nɔ́ pee; ejakaa Yawɛ maa ngɔ Sisera kɛ wo yo dɛ mi.” Kɛkɛ nɛ Debora te si nɛ e kɛ Barak je kɛ ho Kedesh ya.