Yoel 3:7 - BAIBLO ALOO NGMAMI KLƆUKLƆU Ɔ

⁷ Jehanɛ lɛɛ ma kpaka mɛ kɛ je he tsuaa he nɛ nyɛ jua mɛ kɛ ho ɔ kɛ ba ekohu. Bɔ nɛ nyɛ pee mɛ ɔ, ja ma pee nyɛ ɔ nɛ.

Yoel 3:7 ပူးပေါင်းရင်းမြစ်များ

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Yesaya 66:6

Nyɛɛ bu tue! Bubuubui ngɛ pɛe ngɛ ma a mi! Bubuubui ngɛ pɛe ngɛ Yawɛ we ɔ. Ngmlaa nɛ ngɛ pɛe ɔ tsɔɔ kaa Yawɛ ngɛ e he nyɛli ɔmɛ a tue gblae.

Yeremia 23:8

Mohu ɔ, a kɛ ye biɛ ma ka kita kaa Mawu hɛ kalɔ nɛ jé Israel nina a kɛ je ma se zugbahi a nɔ, omleyi je zugba a, kɛ hehi tsuo nɛ i fie mɛ kɛ ho ɔ kɛ ba. Nɛ a ma ba hi mɛ nitsɛmɛ a zugba a nɔ.”

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 30:16

Se jehanɛ lɛɛ, nihi tsuo nɛ kpataa nyɛ hɛ mi ɔ, a ma kpata mɛ hu a hɛ mi. A maa nuu nyɛ he nyɛli ɔmɛ tsuo pɛpɛɛpɛ kɛ ho ma se ya. Nihi tsuo nɛ waa nyɛ yi mi ɔ, a maa wa mɛ hu yi mi. Ni nɛmɛ nɛ haa nyɛ níhi ɔ, a maa ha mɛ hu a níhi.

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

Ezekiel 38:8

Jeha komɛ a se ɔ, ma ha e ma ya tua nihi ngɛ Israel yo ɔmɛ a nɔ. A kɛ ta kpata zugba nɛ ɔ hɛ mi be ko, nɛ a si lejɛ ɔ ngɔ fɔ si gu jeha babauu, se jehanɛ lɛɛ a bua nihi a nya ngɛ lejɛ ɔ ngɛ tue mi jɔmi mi.

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Zakaria 9:13

Yuda maa pee kaa ta bulɔ kɛ̃ɛ̃, nɛ Israel maa pee kaa kɛ̃ɛ̃ mi bi. Zion bi maa pee kaa ye dɛ mi klaate nɛ i kɛ ma jé ta kɛ wo Hela bi.

Mateo 7:2

Bɔ nɛ nyɛ kojoɔ nihi ɔ, jã Mawu hu maa kojo nyɛ. Susumi nɔ́ nɛ nyɛɛ kɛ susuu ha nihi ɔ, lɔ ɔ nɔuu a kɛ ma susu ha nyɛ.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Manyadali 1:7

Adonibezek de ke, “I po matsɛmɛ nyingmi kpaago a nine gɔlekuhi, kɛ a nane gɔlekuhi nɛ i ha a kukuɔ ní ngɛ ye okplɔɔ sisi hyɛ; nɔ́ nɛ i pee be ko ɔ, lɔ ɔ he hiɔ pɛ Mawu wo mi nɛ ɔ nɛ.” A ngɔ lɛ kɛ ho Yerusalem ya, nɛ e ya gbo ngɛ lejɛ ɔ.

Samuel I, 15:33

Se Samuel de lɛ ke, “Kaa bɔ nɛ o klaate ɔ ha binyɛmɛ kpatu plɛ pee nihi nɛ be bimɛ ɔ, ja nɔuu o nyɛ hu ma plɛ pee yosa ngɛ yihi a kpɛti.” Nɛ Samuel poo Agag mi kpɔ nya kpɔ nya ngɛ Yawɛ bɔ sami la tɛ ɔ hɛ mi ngɛ Gilgal.