Yoel 3:5 - BAIBLO ALOO NGMAMI KLƆUKLƆU Ɔ

⁵ Nyɛ muɔ ye sika tsu, ye sika hiɔ, kɛ ye juetli kpakpa amɛ kɛ ya wo nyɛ jami he ɔmɛ.

Yoel 3:5 ပူးပေါင်းရင်းမြစ်များ

Matsɛmɛ II, 12:18

Nike ní klɔuklɔuhi tsuo nɛ Yehoshafat, Yehoram, kɛ Ahazia, nɛ ji Yuda matsɛmɛ nɛ nyɛɛ Yoash hɛ mi ɔ gbaa nɔ kɛ ha Yawɛ ɔ, Matsɛ Yoash ngɔ. E kɛ lɛ nitsɛ e ní klɔuklɔu ɔmɛ, kɛ sika tsuo nɛ a na ngɛ Yawɛ we ɔ, kɛ matsɛ we ɔ nito he ɔmɛ piɛ he, nɛ e tsɔ nɛ a ngɔ ya ha Siria matsɛ, Hazael. Kɛkɛ nɛ Hazael kpale e se kɛ je Yerusalem.

Matsɛmɛ II, 16:8

Ahaz ya ngɔ sika hiɔ, kɛ sika tsu ngɛ Yawɛ we ɔ, kɛ matsɛ we nito he ɔmɛ; nɛ e tsɔ nɛ a kɛ ya ke Asiria matsɛ ɔ.

Matsɛmɛ II, 24:13

nɛ e muɔ junehi tsuo nɛ ngɛ Yawɛ we ɔ, kɛ matsɛ we ɔ kɛ ho Babilon ya. Nɛ kaa bɔ nɛ Yawɛ de to momo ɔ, sika tsu kãhi nɛ Israel matsɛ, Salomo pee nɛ a kɛ tsu ní ngɛ Yawɛ we ɔ, Nebukadnezar ywia mɛ dukuduku.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yeremia 23:7

Yawɛ ke, “Be ma nɛ nihi be kita kae ngɛ ye biɛ mi hu kaa Mawu hɛ kalɔ ɔ nɛ jé Israel bi ɔmɛ kɛ je Egipt zugba a nɔ ɔ.

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Yeremia 51:11

Yawɛ ha nɛ Media matsɛmɛ ɔmɛ a mumi te si, konɛ a ya kpata Babilonia hɛ mi. Bɔ nɛ e to nɛ e maa ye e he lue, nɛ e maa gbla Babilonia tue ngɛ lɛ Yawɛ, e we ɔ nɛ a ble ɔ he ji nɛ ɔ nɛ. Tatsɛmɛ ɔmɛ nɛ nyɛɛ ta a hɛ mi ɔ fa ke, “Nyɛɛ duɔ nyɛ kɛ̃ɛ̃ mi bi ɔmɛ a nya! Nyɛ wo nyɛ tsɛ̃i ɔmɛ a nɔ!

Ezekiel 37:12

Lɔ ɔ he ɔ, gbaa kɛ tsɔɔ ye ma Israel, nɛ o de mɛ ke imi Nyɔmtsɛ Yawɛ nitsɛ ma bli a yɔkɔ ɔmɛ a nya. Ma je mɛ kpo, nɛ ma ha a ma ba hi mɛ nitsɛmɛ a zugba nɔ ekohu.

Daniel 11:38

Nɔ́ nɛ e maa pee mohu ji, e maa wo mawu nɛ buu mɔhi a he ɔ hɛ mi nyami. E maa ke mawu ko nɛ e nɛmɛ ja we hyɛ ɔ sika tsu, sika hiɔ, june, kɛ nike ní kpahi nɛ a he jua wa.

Obadia 1:17

“Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.