Yoel 3:2 - BAIBLO ALOO NGMAMI KLƆUKLƆU Ɔ

² Ma bua je ma amɛ tsuo a nya, nɛ i kɛ mɛ maa ba Kojomi kɔ̃ ɔ mi. Ma kojo mɛ ngɛ lejɛ ɔ, ngɛ níhi tsuo nɛ a pee ye ma a he. A gbɛ Israel bi ɔmɛ kɛ fĩa zugba kpahi a nɔ; nɛ a gbá Israel, ye zugba a mi.

Yoel 3:2 ပူးပေါင်းရင်းမြစ်များ

Kronika II, 20:26

Ligbi nɛ ji eywiɛ ɔ, a ya bua a he nya ngɛ Beraka kɔ̃ ɔ mi, nɛ a je Yawɛ yi ngɛ nɔ́ nɛ e tsu ha mɛ ɔ he. Enɛ ɔ he je nɛ a tsɛɛ jamɛ a kɔ̃ ɔ ke “Beraka” a nɛ.

Yesaya 66:16

Nihi tsuo nɛ yeɔ fɔ ngɛ je ɔ mi ɔ, Yawɛ maa ngɔ la kɛ klaate kɛ kpata a hɛ mi. Nɛ nihi babauu ma gbo.

Yesaya 66:18

I le níhi nɛ a ngɛ susue, kɛ níhi nɛ a ngɛ pee. Be ma nɛ ma bua je ma amɛ tsuo, kɛ gbi slɔɔtoslɔɔto ɔmɛ tsuo a nya. Ke a ba a, a ma ba na ye hɛ mi nyami ɔ.

Yeremia 12:14

Yawɛ ke, “Israel huza nɔ bi nɛ a kpata zugba nɛ i ngɔ kɛ ha ye ma Israel ɔ hɛ mi ɔ, i ngɛ nɔ́ ko nɛ ma de ngɛ a he. Ma je jamɛ a yiwutsotsɛmɛ ɔmɛ kɛ je a zugba amɛ a nɔ kaa bɔ nɛ a hiaa tso kɛ e sipoku ɔ, nɛ ma kpɔ̃ Yuda kɛ je a dɛ mi.

Yeremia 25:31

nɛ huhui maa pɛ kɛ ya je ɔ nyagbe he ɔmɛ tɔɔ. Yawɛ kɛ je ma amɛ ná. E maa kojo nɔ tsuaa nɔ, nɛ yiwutsotsɛmɛ lɛɛ e maa gbe mɛ. Yawɛ lɛ de.’ ”

Yeremia 49:1

Bɔ nɛ Yawɛ de ngɛ Amon he ji nɛ ɔ nɛ: “Jije Israel nyumu ɔmɛ ngɛ? Anɛ nɔ ko be nɛ ma fa a zugba a he lo? Mɛni he je mɔ nɛ a ngmɛɛ Gad bi ɔmɛ a zugba a he ngɔ ha Milkom jali ɔmɛ nɛ a ba ngɔ zugba a kɛ pee a nɔ́ ɔ?

Yeremia 50:17

Bɔ nɛ Yawɛ de ji nɛ ɔ nɛ: “Israel bi ngɛ kaa tohi nɛ jatahi fie mɛ, nɛ a gbɛ mɛ ngɔ fĩa. Kekleekle ɔ, Asiria matsɛ ba tua mɛ, nɛ e ye mɛ; lɔ ɔ se ɔ, Babilonia matsɛ, Nebukadnezar ba kpe a wuhi.

Ezekiel 25:8

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Moab bi ɔmɛ de ke Yuda ngɛ kaa je ma kpa amɛ tsuo,

Ezekiel 34:6

Lɔ ɔ he ɔ, ye to ɔmɛ wo lalaalo kɛ ya gu yo ɔmɛ, kɛ yokuhi nɛ ya hiɔwe tsuo a nɔ. A gbɛ mɛ fĩa je ɔ mi he tsuaa he. Nɔ ko nɔ ko be nɛ dii a se, loo e hlaa mɛ.

Ezekiel 35:10

“O de ke e ngɛ mi kaa imi Nyɔmtsɛ Yawɛ, ye mahi ji Yuda, Israel, kɛ a he zugba amɛ lɛɛ, se o níhi ji mɛ tsuo, nɛ o maa ngɔ.

Ezekiel 36:1

Yawɛ de mi ke, “Nɔmlɔ adesa, o kɛ Israel yo ɔmɛ nɛ tu munyu, nɛ o de mɛ ke sɛ gbi nɛ imi

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.

Ezekiel 38:22

Ma ngɔ gbenɔ hiɔ, kɛ muɔ si puemi kɛ gbla Gog tue. Ma ha hiɔmi nɛ nya wa, kɛ gbiɛ ngo ngu maa nɛ wawɛɛ, nɛ la nɛ ngɛ tsoe gegeege maa je hiɔwe ma ba kpata e kɛ e ta a, kɛ je ma amɛ nɛ piɛ e he ɔ tsuo a hɛ mi.

Ezekiel 39:11

Yawɛ ke, “Ke ní nɛ ɔmɛ na ba mi ɔ, ma ha a maa pu Gog ngɛ Israel zugba a mi, ngɛ ‘Blɔ hiali a kɔ̃’ ɔ mi, ngɛ Ngo wo ɔ beleku je. A maa pu Gog kɛ e ta a tsuo ngɛ kɔ̃ ɔ mi, nɛ a maa wo lejɛ ɔ biɛ ke ‘Gog ta buli a kɔ̃.’

Yoel 3:12

“Je ma amɛ, nyɛ he nɛ sɔ, nɛ nyɛɛ ba Kojomi kɔ̃ ɔ mi. Lejɛ ɔ nɛ imi, Yawɛ nitsɛ, ma ba kojo je ma amɛ tsuo nɛ pueɔ si ɔ ngɛ.

Yoel 3:14

A ya bua a he nya babauu, akpeakpe abɔ ngɛ Kojomi kɔ̃ ɔ mi. E be kɛe kulaa nɛ Yawɛ ligbi ɔ ma ba na mɛ ngɛ lejɛ ɔ.

Amos 1:11

Yawɛ ke, “Edom ma mi bi ɔmɛ pee yayamihi nɔtonɔto babauu. A kɛ abofu nɛ nya wa fie a nyɛmimɛ Israel bi ɔmɛ kɛ klaate, nɛ a nɛ mɛ mɔbɔ kulaa.

Mika 4:12

Se je ma nɛ ɔmɛ li Yawɛ yi mi, loo ga nɛ e to. A li tete kaa Yawɛ bua a nya konɛ e gbla a tue kaa bɔ nɛ a gbeeɔ blɛfo ngɛ tso mi ɔ.

Zefania 3:8

Yawɛ ke, “Lɔ ɔ he ɔ, nyɛɛ mlɛ keii kɛ yaa si ligbi ɔ nɛ ma te si nɛ ma po je ma amɛ a nya. I to ye yi mi kaa ma bua je ma amɛ, kɛ nɔ yemi he ɔmɛ a nya, nɛ ma je ye mi mi la nɛ nya wa a kpo kɛ tsɔɔ mɛ. Ejakaa ye mi mi la nɛ ɔ ma kpata je ɔ tsuo hɛ mi.

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 16:16

Jehanɛ ɔ, mumi yayami ɔmɛ ngɔ matsɛmɛ ɔmɛ kɛ ba he ko nɛ a tsɛɛ ngɛ Hebri gbi mi ke Harmagedon ɔ.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Kpojemi 20:8

nɛ e ma ya sisi je ma amɛ nɛ gbɛ fĩa je ɔ mi tsuo ɔ. A tsɛɛ je ma nɛ ɔmɛ ke Gog, kɛ Magog. Satan ma bua mɛ tsuo a nya kɛ ba nɛ a ba hwu ta. A hiɛ babauu kaa wo nya zia.