Yoel 3:19 - BAIBLO ALOO NGMAMI KLƆUKLƆU Ɔ

¹⁹ “Egipt ma plɛ pee nga kplanaa, nɛ Edom hu maa pee ma doku. Ejakaa a ya tua Yuda zugba a, nɛ a gbe ma a mi bi ɔmɛ yaka be mi nɛ a pee we yayami ko.

Yoel 3:19 ပူးပေါင်းရင်းမြစ်များ

Yeremia 51:35

Nyɛ ha nɛ Zion bi ɔmɛ nɛ a de ke, “Yi mi nɛ Babilonia bi ɔmɛ wa wɔ ɔ, a gbla a tue kɛ to nya!” Nyɛ ha nɛ Yerusalem bi ɔmɛ nɛ a de ke, “Haomi nɛ ba wa nɔ ɔ, a gbla Babilonia bi ɔmɛ a tue kɛ to nya!”

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

Zakaria 10:10

Ma kpale mɛ kɛ maa je Egipt, nɛ ma bua a nya kɛ maa je Asiria kɛ ba we, nɛ a ma ba hi mɛ nitsɛmɛ a zugba nɔ; Gilead kɛ ya pue Lebanon zugba amɛ tsuo po be mɛ kpe.

Obadia 1:1

Obadia gbami ɔ ji nɛ ɔ nɛ. Nɔ́ nɛ Nyɔmtsɛ Yawɛ de ngɛ Edom ma a he ji nɛ ɔ nɛ. Wa nu sɛ gbi ko kɛ je Yawɛ ngɔ; e tsɔ bɔfo ko ke e ya de je ma amɛ tsuo ke, “Nyɛɛ te si! Nyɛ ha waa kɛ Edom ya hwu ta!” Mal 1.2-5

Kɔmɔ Yemi 4:21

Nyɛ Edom bi nɛ ngɛ Uz zugba a nɔ, nyɛ nya, nɛ nyɛ bua nɛ jɔ nyɛ he bɔ nɛ nyɛ ma nyɛ. Se mohu nyɛ na nɛ nyɛɛ le kaa nyɛ hu a maa gbla nyɛ tue. Nyɛ maa hɛɛ nyɛ he gu, nɛ nyɛ maa hi nyɛɛe kɛ zo kaa nihi nɛ tɔ dã.

Yeremia 49:17

Bɔ nɛ Yawɛ de ji nɛ ɔ nɛ: “A ma kpata Edom hɛ mi pɛsɛpɛsɛ, bɔ nɛ ke nɔ ko ba be ngɛ lejɛ ɔ nɛ e he mi maa po, nɛ e maa ye gbeye.

Yesaya 11:15

Yawɛ ma kpata Egipt pa kɔni nɛ a tsɛɛ ke Suez ɔ hɛ mi pɛsɛpɛsɛ. E ma ha nɛ ahlabata kɔɔhiɔ maa fia ngɛ lejɛ ɔ, nɛ pa a ma gba maa pee pa tsɔwi kpaago, bɔ nɛ ke nɔ wo tokota po e ma nyɛ kɛ po.

La 137:7

Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Habakuk 2:17

O poo Lebanon hue mi tso ɔmɛ ngɔ pue si; jehanɛ lɛɛ pu mi lohwe ɔmɛ nɛ o kpata a hɛ mi ɔ, maa wo o he gbeye. Bɔ nɛ e maa ba ji nɛ ɔ nɛ, ejakaa o kpata nihi a hɛ mi; o pee yi wu tso níhi kɛ si zugba a, kɛ ma a, kɛ nihi nɛ ngɛ ma amɛ a mi ɔ tsuo.