Yoel 3:15 - BAIBLO ALOO NGMAMI KLƆUKLƆU Ɔ

¹⁵ Pu kɛ nyɔhiɔ maa wo diblii, nɛ dodoe ɔmɛ be kpɛe hu.

Yoel 3:15 ပူးပေါင်းရင်းမြစ်များ

Fiɛlɔ 12:2

Jamɛ a be ɔ, pu, nyɔhiɔ, kɛ dodoehi maa pee sulii ngɛ o hɛngmɛ mi. Daa nɛ ɔ, bɔku ɔmɛ maa pee kaa nɔ́ nɛ hiɔmi yaa nɛ.

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Ezekiel 32:7

Benɛ ma kpata o hɛ mi ɔ, ma tsi hiɔwe hɛ mi; dodoe ɔmɛ maa laa. Pu maa laa e hɛ mi ngɛ bɔku ɔmɛ a se; nɛ nyɔhiɔ be kpɛe hu.

Yoel 2:10

Ke a ma kikɛ nɛ ɔ, zugba ma mimiɛ, nɛ hiɔwe ma si; pu kɛ nyɔhiɔ maa wo diblii, nɛ dodoe be kpɛe hu.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Marko 13:24

“He hiami nɛ ɔ se ɔ, pu maa tsɔ diblii, nɛ nyɔhiɔ hu be kpɛe.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.