Yoel 3:12 - BAIBLO ALOO NGMAMI KLƆUKLƆU Ɔ

¹² “Je ma amɛ, nyɛ he nɛ sɔ, nɛ nyɛɛ ba Kojomi kɔ̃ ɔ mi. Lejɛ ɔ nɛ imi, Yawɛ nitsɛ, ma ba kojo je ma amɛ tsuo nɛ pueɔ si ɔ ngɛ.

Yoel 3:12 ပူးပေါင်းရင်းမြစ်များ

Kronika II, 20:26

Ligbi nɛ ji eywiɛ ɔ, a ya bua a he nya ngɛ Beraka kɔ̃ ɔ mi, nɛ a je Yawɛ yi ngɛ nɔ́ nɛ e tsu ha mɛ ɔ he. Enɛ ɔ he je nɛ a tsɛɛ jamɛ a kɔ̃ ɔ ke “Beraka” a nɛ.

La 7:6

Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Yesaya 3:13

Yawɛ pee klaalo kaa e maa jaje e sane ɔ; e pee klaalo kaa e maa kojo e ma a.

Ezekiel 30:3

Ligbi ɔ su ta. Ligbi ɔ nɛ Yawɛ ma tsu nyakpɛ ní ɔ maa pee aywilɛho, kɛ amanehlu be nitsɛ kɛ ha ma amɛ.

Ezekiel 39:11

Yawɛ ke, “Ke ní nɛ ɔmɛ na ba mi ɔ, ma ha a maa pu Gog ngɛ Israel zugba a mi, ngɛ ‘Blɔ hiali a kɔ̃’ ɔ mi, ngɛ Ngo wo ɔ beleku je. A maa pu Gog kɛ e ta a tsuo ngɛ kɔ̃ ɔ mi, nɛ a maa wo lejɛ ɔ biɛ ke ‘Gog ta buli a kɔ̃.’

Yoel 3:14

A ya bua a he nya babauu, akpeakpe abɔ ngɛ Kojomi kɔ̃ ɔ mi. E be kɛe kulaa nɛ Yawɛ ligbi ɔ ma ba na mɛ ngɛ lejɛ ɔ.

Yoel 3:2

Ma bua je ma amɛ tsuo a nya, nɛ i kɛ mɛ maa ba Kojomi kɔ̃ ɔ mi. Ma kojo mɛ ngɛ lejɛ ɔ, ngɛ níhi tsuo nɛ a pee ye ma a he. A gbɛ Israel bi ɔmɛ kɛ fĩa zugba kpahi a nɔ; nɛ a gbá Israel, ye zugba a mi.

Mika 4:3

E ma dla je ma nguanguahi babauu a kpɛti, ni nɛmɛ nɛ a he kɛ we, kɛ ni nɛmɛ nɛ ngɛ tsitsaa lokoo. A kɛ a klaate ɔmɛ maa sɔ̃ kpakplaahi nɛ akplɔ ɔmɛ hu, a kɛ maa sɔ̃ tso he suami hahi. Je ma amɛ be ta hwue hu gblegbleegble; a be dlae kɛ ha ta hu kɔkɔɔkɔ.

Zakaria 14:4

Jamɛ a be ɔ, Yawɛ maa da si ngɛ Oliv yo ɔ nɔ ngɛ Yerusalem beleku je. Kɛkɛ ɔ, kɔ̃ agbo ko ma gba Oliv yo ɔ mi enyɔ kɛ maa je beleku je kɛ yaa si bonyoku je. Yo ɔ kasa fa ma ya je omleyi je, nɛ kasa fa hu ma ya je leneyi je.

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.