Yoel 3:11 - BAIBLO ALOO NGMAMI KLƆUKLƆU Ɔ

¹¹ Nyɛ je ma amɛ tsuo nɛ nyɛ pueɔ si ɔ, nyɛɛ ba mlamlaamla nɛ nyɛ ba bua nyɛ he nya ngɛ kɔ̃ ɔ mi.’ ” Yawɛ lee, ha nɛ o tabo ɔ nɛ ba ba tua mɛ.

Yoel 3:11 ပူးပေါင်းရင်းမြစ်များ

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

Yesaya 10:34

Yawɛ maa poo mɛ pue si kaa bɔ nɛ a kɛ gbiɛ poo tsohi ngɛ hue mi ɔ; a maa nɔɔ si haa bum kaa bɔ nɛ Lebanon tso kpakpahi nɔɔ si ɔ!

Yesaya 13:3

Yawɛ tsɛ e ta buli katsɛmɛ ɔmɛ, kɛ e ni klɔuklɔu ɔmɛ, konɛ a gbla ni nɛmɛ nɛ ngɛ a he nɔ woe kɛ ngɛ e mi mi la woe ɔ a tue.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yoel 3:2

Ma bua je ma amɛ tsuo a nya, nɛ i kɛ mɛ maa ba Kojomi kɔ̃ ɔ mi. Ma kojo mɛ ngɛ lejɛ ɔ, ngɛ níhi tsuo nɛ a pee ye ma a he. A gbɛ Israel bi ɔmɛ kɛ fĩa zugba kpahi a nɔ; nɛ a gbá Israel, ye zugba a mi.

Mika 4:12

Se je ma nɛ ɔmɛ li Yawɛ yi mi, loo ga nɛ e to. A li tete kaa Yawɛ bua a nya konɛ e gbla a tue kaa bɔ nɛ a gbeeɔ blɛfo ngɛ tso mi ɔ.

Zefania 3:8

Yawɛ ke, “Lɔ ɔ he ɔ, nyɛɛ mlɛ keii kɛ yaa si ligbi ɔ nɛ ma te si nɛ ma po je ma amɛ a nya. I to ye yi mi kaa ma bua je ma amɛ, kɛ nɔ yemi he ɔmɛ a nya, nɛ ma je ye mi mi la nɛ nya wa a kpo kɛ tsɔɔ mɛ. Ejakaa ye mi mi la nɛ ɔ ma kpata je ɔ tsuo hɛ mi.

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.