Yoel 3:10 - BAIBLO ALOO NGMAMI KLƆUKLƆU Ɔ

¹⁰ Nyɛɛ ngɔ nyɛ kpakplaa amɛ kɛ sɔ klaatehi; nɛ nyɛɛ ngɔ nyɛ tso he suami ha amɛ kɛ sɔ akplɔhi. Nɔ nɛ he wɛ po nɛ e de ke, “Ta hwulɔ ji mi.”

Yoel 3:10 ပူးပေါင်းရင်းမြစ်များ

Kronika II, 25:8

Ke o susu kaa ke a ba piɛ o he nɛ o he maa wa a, o sisi o he pɛ. Ejakaa ke nɔ ko maa ye kunimi ngɛ ta mi, loo a maa ye e nɔ ɔ, e je Mawu; Mawu ma ha nɛ o he nyɛli ɔmɛ maa ye o nɔ.”

Yesaya 2:4

Yawɛ maa hyɛ je ma amɛ a kpɛti sanehi a mi ha mɛ. E ma dla nihi babauu a kpɛti. A kɛ a ta hwumi klaate ɔmɛ maa sɔ kpakplaahi, nɛ a kɛ a we akplɔ ɔmɛ maa pee tso he suami hahi. Je ma ko je ma ko be ta hwue kɔkɔɔkɔ; a be a he dlae kɛ ha ta gblegbleegble hu.

Yeremia 51:11

Yawɛ ha nɛ Media matsɛmɛ ɔmɛ a mumi te si, konɛ a ya kpata Babilonia hɛ mi. Bɔ nɛ e to nɛ e maa ye e he lue, nɛ e maa gbla Babilonia tue ngɛ lɛ Yawɛ, e we ɔ nɛ a ble ɔ he ji nɛ ɔ nɛ. Tatsɛmɛ ɔmɛ nɛ nyɛɛ ta a hɛ mi ɔ fa ke, “Nyɛɛ duɔ nyɛ kɛ̃ɛ̃ mi bi ɔmɛ a nya! Nyɛ wo nyɛ tsɛ̃i ɔmɛ a nɔ!

Mika 4:3

E ma dla je ma nguanguahi babauu a kpɛti, ni nɛmɛ nɛ a he kɛ we, kɛ ni nɛmɛ nɛ ngɛ tsitsaa lokoo. A kɛ a klaate ɔmɛ maa sɔ̃ kpakplaahi nɛ akplɔ ɔmɛ hu, a kɛ maa sɔ̃ tso he suami hahi. Je ma amɛ be ta hwue hu gblegbleegble; a be dlae kɛ ha ta hu kɔkɔɔkɔ.

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Luka 13:12

Benɛ Yesu na lɛ ɔ, e tsɛ lɛ, nɛ e de lɛ ke, “Yo, i ngɛ mo dee ke o hiɔ ɔ ngmɛɛ o he!”

Luka 22:36

Yesu de mɛ ke, “Jehanɛ ɔ lɛɛ nɔ nɛ ngɛɛ sika kpɛ ɔ, e ngɔ; nɔ nɛ ngɛ kotoku ɔ, e ngɔ; nɔ nɛ be klaate ɔ, e jua e tade, nɛ e kɛ he eko.