Yoel 2:7 - BAIBLO ALOO NGMAMI KLƆUKLƆU Ɔ

⁷ Bɔ nɛ katsɛmɛ tuaa a he nyɛli, loo ta buli kuɔ gbogbo ɔ, ja baalɛ nɛ ɔmɛ maa pee a ní. Nɔ tsuaa nɔ maa ya e hɛ kpɛ tɛɛ; a ti ekoeko be e blɔ nɔ jee,

Yoel 2:7 ပူးပေါင်းရင်းမြစ်များ

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Samuel II, 5:8

Jamɛ a ligbi ɔ, David de e we bi ɔmɛ ke, “Nɔ tsuaa nɔ nɛ maa suɔ nɛ e gbe Yebus bi ɔmɛ ɔ, nɔ ɔ nɛ e su nyu dɔ ɔ he, nɛ e ya tua jamɛ a akpaketsɛmɛ ɔmɛ, kɛ hɛ yuyuili ɔmɛ. Nyɛ li bɔ nɛ i sume mɛ ha po!” Enɛ ɔ he je nɛ a deɔ ke, “E sɛ kaa hɛ yuyuili kɛ akpaketsɛmɛ baa Yawɛ we ɔ” nɛ.

Hiob 16:14

E he sɔɔ kɛ ba tuaa mi nɔtonɔto, nɛ e plaa mi kaa tatsɛ nɛ hɛ dɔ.

La 19:5

Ke pu gba hleii saminyayoo kɛ ma kikɛ nɛ ɔ, e ngɛ kaa ayɛflo huno nɛ je kpo ngɛ tsu mi kɛ ma, aloo fo tulɔ kpanaa nɛ yaa tu fo kɛ bua jɔmi.

Abɛ Womi 30:27

Baalɛhi; a be matsɛ, se kɛ̃ ɔ, a nyɛɛɔ ngɛ kuuhi a mi pɛpɛɛpɛ.

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yoel 2:8

nɛ nɔ ko be e nyɛmi hlami poe hulɔ. A maa gblee níhi a mi kɛ be slɔkee, nɛ nɔ́ ko nɔ́ ko be mɛ blɔ tsie.

Yoel 2:9

A maa tuu kɛ sɛ ma a mi; a maa ma fo ngɛ gbogbo ɔmɛ a nɔ, nɛ a maa kuɔ kɛ gu saflɛhi a mi, kɛ sɛ wehi a mi kaa juli.