Yoel 2:32 - BAIBLO ALOO NGMAMI KLƆUKLƆU Ɔ

³² Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Yoel 2:32 ပူးပေါင်းရင်းမြစ်များ

Mose I, 4:26

Set hu fɔ binyumu nɛ e wo lɛ biɛ ke Enosh. Jamɛ a be ɔ ji be nɛ nimli bɔni Yawɛ biɛ tsɛmi kɛ lɛ jami.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Yesaya 10:22

E ngɛ mi kaa amlɔ nɛ ɔ, Israel ma a mi bi ɔmɛ a he hiɛ babauu kaa wo nya zia lɛɛ, se nihi bɔbɔyoo pɛ nɛ maa kpale kɛ ba. A fa nɛ a kpata ma a hɛ mi, nɛ jã pɛpɛɛpɛ nɛ e sa mɛ.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 11:16

Gbɛjegbɛ ko maa je Asiria kɛ ha Israel ma a mi bi nɛ a ngɛ je mi kɛ mwɔɔ ɔ, konɛ a nyɛɛ nɔ kaa bɔ nɛ a nɛmɛ ɔmɛ nyɛɛ zugba gbigbli nɔ, benɛ a je Egipt zugba a nɔ kɛ ma a.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Yeremia 33:3

“Tsɛ mi, nɛ ma he mo nɔ; ma sɛɛ mo ní nguanguahi a he sane, kɛ nyakpɛ níhi nɛ o li.

Amos 9:8

Imi Nyɔmtsɛ Yawɛ, ye hɛngmɛ ngɛ Israel, ma nɛ peeɔ yayami nɛ ɔ hyɛe. Ma kpata nyɛ hɛ mi pɛsɛpɛsɛ, nɛ ma bɛɛ nyɛ kɛ maa je je ɔ mi. Se kɛ̃ ɔ, i be Yakob nina a tsuo a hɛ mi kpatae. Imi, Yawɛ lɛ i de.

Obadia 1:17

“Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 4:22

Nyɛ Samaria bi, nyɛ li nɔ tutuutu nɛ nyɛ jaa a; se wɔ Yuda bi lɛɛ nɔ nɛ wa jaa a, wa le lɛ; ejakaa wɔ nɛ wa ngɔ yi wami hemi kɛ ba.

Ni Tsumi 15:17

Kɛkɛ ɔ, adesahi nɛ piɛ ɔ tsuo maa ba ye ngɔ; nɛ ma je li ɔmɛ tsuo nɛ i tsɛ ɔ maa ba ma ba pee ye ma.

Ni Tsumi 2:39

Ejakaa si nɛ Mawu wo ɔ, nyɛɛ kɛ nyɛ bimɛ, kɛ nihi abɔ tsuo nɛ ngɛ se lokoo nɛ Nyɔmtsɛ, wa Mawu ɔ ma tsɛ kɛ ba e ngɔ ɔ nyɛ he ngɛ mi.”

Romabi 11:26

Lɔ ɔ he ɔ, a ma he Israel tsuo yi wami kaa bɔ nɛ a ngma a ke, “Yi wami helɔ ɔ maa je Zion kɛ ba; e ma ha Yakob nina a ma kpa musu bɔmi.

Romabi 11:5

Ja nɔuu, amlɔ nɛ ɔ, nihi bɔɔ piɛ nɛ Mawu hla mɛ ngɛ dloomi nya.

Romabi 11:7

Lɛɛ kɛ ji lɛ kɛɛ? Israel nine sui nɔ́ nɛ a ngɛ hlae ɔ nɔ. Nihi nɛ Mawu hla a, mɛɛ lɛɛ a nine su nɔ. Ni nɛmɛ nɛ piɛ ɔ lɛɛ a wa tue.

Romabi 9:24

Wɔ hu ja e tsɛ wɔ, konɛ waa na kaa pi Yuda bi kɛkɛ nɛ e tsɛ, se e tsɛ ma je li ɔmɛ hulɔ.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.