Yoel 2:3 - BAIBLO ALOO NGMAMI KLƆUKLƆU Ɔ

³ A maa ye nɔ́ tsuaa nɔ́ pɛsɛpɛsɛ kaa bɔ nɛ la sãã nɔ́ ɔ. Ngɛ a hɛ kpɛ ɔ, zugba a maa hi kaa Eden ngmɔ ɔ mi pɛ; a se je ɔ maa pee zugba kplanaa. A be nɔ́ ko nɔ́ ko piɛe.

Yoel 2:3 ပူးပေါင်းရင်းမြစ်များ

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose I, 2:8

Yawɛ Mawu pee ngmɔ ko ngɛ Eden, ngɛ beleku je, nɛ lejɛ ɔ e ngɔ nɔmlɔ nɛ e puɛ ɔ ngɔ to.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

La 97:3

La jeɔ ngɛ e hɛ mi, nɛ e sãã e he nyɛli nɛ bɔle lɛ ɔ.

Mose II, 10:15

A ha zugba a nɔ tsuo, nɛ lɔ ɔ ha zugba a nɔ yu tuu. A ye tsohi tsuo ngɛ zugba a nɔ, kɛ tso yibliihi nɛ gbiɛ ngo ngu ɔ si ɔ; nɛ nɔ mumu ko kulaa píɛ ngɛ Egipt zugba a tsuo nɔ.

Mose II, 10:5

A maa ha zugba a tsuo nɔ, nɛ nɔ ko nɔ ko be zugba zu ɔ nae. A maa ye nɔ́ tsuaa nɔ́ nɛ piɛ ha nyɛ ngɛ gbiɛ ngo ngu ɔ se; tso tsuaa tso nɛ puɛ po a maa ye.

Yesaya 14:17

Nɔ nɛ kpata mahi a hɛ mi, nɛ e ha je ɔ he tsuaa he plɛ pee nga kplanaa nɔ ɔ, pi lɛ ji nɛ ɔ lo?’

Yesaya 15:6

Nimrim pa a mii ta, nɛ nga nɛ ngɛ pa a nya a gbli; nɔ́ mumu ko kulaa be lejɛ ɔ hu.

Yesaya 33:4

A níhi plɛɔ peeɔ ta yibu ní nɛ a haa gidigidi kaa baalɛhi peeɔ a ní.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Yesaya 9:18

Ma a yi wu tso ní peemi ɔ nya wa kaa la nɛ ngɛ mio tso hue, kɛ miohi sãe. E ngɛ tsoe kaa hue nɛ ngɛ sãe, nɛ la su ku ngɛ jee titiiti kɛ yaa hiɔwe.

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Yeremia 5:17

A maa ye nyɛ ngmɔ niba ní ɔmɛ, kɛ nyɛ niye ní ɔmɛ tsuatsuaatsua; a maa gbe nyɛ binyumu ɔmɛ, kɛ nyɛ biyi ɔmɛ. A ma tsɔtslɔɔ nyɛ to ɔmɛ, kɛ nyɛ na amɛ, nɛ a ma kpata nyɛ wai, kɛ nyɛ ngmɔkɔ ɔmɛ a hɛ mi. Nyɛ mahi nɛ a fia gbogbo ngɔ wo a he, nɛ nyɛ ngɔ nyɛ hɛ kɛ fɔ a nɔ ɔ, he nyɛli ɔmɛ a tabo ɔmɛ ma kpata jamɛ a ma amɛ a hɛ mi.

Ezekiel 36:35

A ma de ke zugba nɛ ɔ nɛ fɔ si gu kaa nga kplanaa a, lɔ ɔ lɛ ba pee kaa Eden ngmɔ nɛ ɔ. Ma amɛ nɛ a ku pueɔ si, nɛ a ha a mi níhi, nɛ a pee ma dokuhi ɔ, a kpale fia a gbogbo ɔmɛ ekohu, nɛ nihi ngɛ ma amɛ a mi.

Amos 7:4

Nɔ́ kpa ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ: Nyɔmtsɛ Yawɛ tsɔɔ mi bɔ nɛ e ngɔ la kɛ gbla e ma a tue. La a sã muɔ voo ɔ nɛ ngɛ zugba a sisi ɔ, nɛ e bɔni zugba a hu sami.

Habakuk 1:6

Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.

Zakaria 7:14

I gbɛ mɛ ngɔ fĩa je mahi nɛ a li nɔ kaa nɔ́ nɛ lasiogblee lɛ muɔ mɛ; nɛ a si zugba a ngɔ fɔ si, nɛ nɔ ko bi ngɛ lejɛ ɔ. Nɛ zugba kpakpa nɛ ɔ ba pee ma doku.”