23 “Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.
moo bu mɛ tue ngɛ hiɔwe. Ngɔɔ matsɛ ɔ, kɛ Israel ma a a he yayami ɔ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ, ha nɛ hiɔmi nɛ nɛ ngɛ o zugba a nɛ o ngɔ kɛ ha o ma a kaa a weto ní kɛ yaa neneene ɔ nɔ.
Ke nyɛ ngɛ nyɛɛe, nɛ nyɛ gba kɛ je blɔ ɔ nɔ kɛ ya hiɔ nɔ, loo muɔ nɔ ɔ, nyɛ maa nu e gbi ngɛ nyɛ se nɛ ngɛ dee ke, “Blɔ ɔ ji nɛ oo! Nyɛɛ nyɛɛ blɔ ɔ nɔ.”
Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.
O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.
Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.
Nyɛ susuu we hyɛ kaa e sa kaa nyɛɛ wo imi Yawɛ, nyɛ Mawu ɔ, ye hɛ mi nyami: imi nɛ i haa nɛ gbo kɛ gbiɛ nyu nɛɛ ha nyɛ ngɛ be nɛ sa mi, nɛ i haa nɛ nyɛ kpaa ní daa jeha a!
Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”
Yawɛ ke, “Benɛ e piɛ nyɔhiɔ etɛ nɛ a ma kpa nyɛ ngmɔ niba ní ɔ, i tsi hiɔmi nya. I ha nɛ hiɔmi nɛ ngɛ ma ko mi, se ma kpa ko mi lɛɛ e nɛ́. Hiɔmi nɛ ngɔ pue ngmɔ ko nɔ, se ngmɔ ko lɛɛ e nɔ gbli.
Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.
Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”
Yawɛ ma ha hiɔmi maa nɛ ngɛ e be mi; e maa gbaa nyɛ ní tsumi tsuo pɛpɛɛpɛ. Mahi babauu ma ba pa ní ngɛ nyɛ dɛ, se nyɛɛ lɛɛ e be nyɛ hiae kaa nyɛ ya pa nɔ́ ko ngɛ ma ko ma ko dɛ.
Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.
Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.