Yoel 2:22 - BAIBLO ALOO NGMAMI KLƆUKLƆU Ɔ

²² Nyɛ nga mi lohwehi, nyɛ ko ye gbeye. Nga mumu puɛ ngɛ nga a nɔ ngɛ lohwe lɛmi he ɔmɛ; tso ɔmɛ ngɛ yiblii woe; ngmɔkɔ kɛ wai ba babauu.

Yoel 2:22 ပူးပေါင်းရင်းမြစ်များ

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

La 65:12

Lohwehi babauu ngɛ lohwe lɛmi he ɔmɛ ngɛ nga a nɔ.

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

La 67:6

Zugba a ba ní saminya. Mawu gbaa wɔ, wa Mawu ɔ gbaa wɔ.

1 Korintobi 3:7

Lɔ ɔ he ɔ, nɔ nɛ duɔ tso, kɛ nɔ nɛ pueɔ nɔ nyu ɔ, a he hia we kulaa. Mawu ji nɔ nɛ he hia, ejakaa lɛ nɛ haa nɛ tso ɔ waa.

Hagai 2:16

Jamɛ a be ɔ mi ɔ, ke nyɛ ya blɛfo ngmɔ mi, nɛ nyɛ ngɛ blɔ hyɛe kaa nyɛ ma na susumi nɔ́ nyingmi enyɔ ɔ, susumi nɔ́ nyɔngma pɛ nyɛ naa. Nyɛ hyɛ blɔ kaa nyɛ ma na dã buɛ nyingmi enuɔ ngɛ wai muɔ ɔ mi; se nyingmi enyɔ pɛ nyɛ naa.

Yona 4:11

Nɛ imi lɛɛ e sɛ kaa Nineve sane dɔɔ mi lo? Nineve ɔ, ma ngua, kɛ e mi nimli babauu, maa pee 120,000 kɛ se, nɛ a li kpakpa kɛ yayami a kpɛti slɔɔto. Lohwehi babauu hu ngɛ ma a mi.”

Ezekiel 36:35

A ma de ke zugba nɛ ɔ nɛ fɔ si gu kaa nga kplanaa a, lɔ ɔ lɛ ba pee kaa Eden ngmɔ nɛ ɔ. Ma amɛ nɛ a ku pueɔ si, nɛ a ha a mi níhi, nɛ a pee ma dokuhi ɔ, a kpale fia a gbogbo ɔmɛ ekohu, nɛ nihi ngɛ ma amɛ a mi.

Ezekiel 36:30

Ma ha tso yiblii, kɛ ngmɔ niba ní maa hiɛ babauu, konɛ hwɔ ko ye nyɛ nɛ nyɛ pue nyɛ hɛ mi si ngɛ je ma amɛ a kpɛti hu.

Ezekiel 36:8

Se Israel yo ɔmɛ a nɔ lɛɛ tso ɔmɛ ma gba kɔnihi, nɛ a maa wo yiblii ha nyɛ ekohu. Be nɛ nyɛ maa kpale kɛ ba we ekohu ɔ su ta.

La 36:6

O kpakpa peemi ɔ kle kaa yo nguangua amɛ; o dami sane yemi mi kuɔ kaa wo. Yawɛ, mo lɛ o baa nimli, kɛ lohwehi tsuo a yi.

Mose I, 4:12

Ke o hu ɔ, zugba a be ní bae ha mo hu; o maa bɔ kó, nɛ o maa wo lalaalo ngɛ je ɔ mi.”

La 65:13

Nga a nɔ pee fɛu kɛ tohi babauu, nɛ dɔ ɔmɛ a mi hyi kpɛkpɛɛkpɛ kɛ blɛfo; nɔ́ tsuaa nɔ́ ngɛ lele hwɔe, nɛ a ngɛ lae kɛ bua jɔmi.