Yoel 2:20 - BAIBLO ALOO NGMAMI KLƆUKLƆU Ɔ

²⁰ Ma je baalɛ tabo nɛ je omleyi je ba tua nyɛ ɔ kɛ je nyɛ he kɛ ho lokoo ya. Ma fie fa kɛ ho zugba kplanaa a nɔ ya. A hɛ kpɛ ta a ma ya pue Ngo wo ɔ mi, nɛ a se ta a ma ya pue Mediterenia wo ɔ mi. A gbogboe ɔmɛ maa je fu kanikani. Ejakaa a pee nyɛ níhi nɛ nya wa.

Yoel 2:20 ပူးပေါင်းရင်းမြစ်များ

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Yesaya 34:3

A be ni nɛmɛ nɛ nɔ ɔ pue; a ma sake a gbogboe ɔmɛ kɛ pue he kɛ a he fu gbɛ̃ɛ̃; nɛ yo ɔmɛ a nɔ maa pee tsutsuutsu kɛ a muɔ ɔ sɔuu.

Mose V, 11:24

Zugba a he nɛ nyɛ maa nyɛɛ kɛ gu ɔ tsuo maa pee nyɛ nɔ́. Nyɛ huzu maa je nga kplanaa a nɔ ngɛ leneyi je kɛ yaa su Lebanon yo ɔmɛ a nɔ ngɛ omleyi je; jehanɛ e maa je Yufrate a pa nya ngɛ beleku je kɛ yaa su Mediterenia wo ɔ nya ngɛ bonyoku je.

Ezekiel 47:18

“Beleku je huzu ɔ je Hauran kɛ Damasko a kpɛti, kɛ Gilead kɛ Israel zugba a hu a kpɛti ngɛ Yordan pa a he kɛ ya su Tamar tɔɔ ngɛ Ngo wo ɔ nya.

Mose II, 10:19

Yawɛ tsake beleku kɔɔhiɔ ɔ kɛ pee bonyoku kɔɔhiɔ nɛ nya wa, nɛ kɔɔhiɔ ɔ muɔ baalɛ ɔmɛ kɛ ya pue Wo Tsu ɔ mi; e píɛ kake ngmelu ngɛ Egipt zugba a nɔ.

Matsɛmɛ II, 8:13

Hazael bi lɛ ke, “Imi o tsɔlɔ nɛ i ngɛ kaa gbe kɛkɛ ɔ, mɛnɔ ji mi nɛ ma tsu nɔ́ nguaa kaa kikɛ nɛ ɔ?” Elisha he nɔ ke, “Yawɛ lɛ je tsɔɔ mi kaa mo lɛ o ma ba ye tsɛ ngɛ Siria ma a nɔ.”

Mose II, 8:14

Nɛ a bua a nya glekugleku ngɔ pue si, nɛ zugba a nɔ je fu.

La 126:3

Niinɛ, Yawɛ tsu nyakpɛ níhi ha wɔ, lɔ ɔ he nɛ wa bua jɔ wa he nɛ wa ngɛ nyae ɔ nɛ!

Malaki 3:11

I be hae nɛ lohwe tsɔwitsɔwihi nɛ kpata nyɛ ngmɔ niba ní ɔmɛ a hɛ mi; nyɛ wai tso ɔmɛ hu maa wo wai yiblii kplanyakplanyaa ngɛ ngmɔ ɔmɛ a nɔ.