Yoel 2:2 - BAIBLO ALOO NGMAMI KLƆUKLƆU Ɔ

² Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Yoel 2:2 ပူးပေါင်းရင်းမြစ်များ

La 10:6

E deɔ ngɛ e yi mi ke, “Nɔ́ ko nɔ́ ko be mi pee; haomi ko be ye nɔ bae gblegbleegble.”

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

Mose II, 10:14

Baalɛ ɔmɛ pue Egipt zugba a nɔ tsuo pɛpɛɛpɛ bɔ nɛ eko bɛ hyɛ, loo e maa ba.

Mose II, 10:6

O we ɔmɛ a mi, o tsɔli ɔmɛ tsuo pɛpɛɛpɛ, kɛ Egipt bi ɔmɛ a we ɔmɛ a mi ma hyi tɔ kɛ baalɛhi bɔ nɛ nyɛ tsɛmɛ kɛ nyɛ nɛmɛ nɛ eko gblee kɛ je be nɛ a bɔ ade kɛ ba si mwɔnɛ ɔ.’ ” Kɛkɛ nɛ e plɛ e he nɛ e je.

Mose II, 20:21

Se ma a daa si ngɛ se lokoo, nɛ Mose pɛ nɛ e hɛ lɛ kɛ su diblii kpii ɔ he ngɛ he nɛ Mawu ngɛ ɔ.

Yesaya 5:30

Jamɛ a ligbi ɔ, a ma hwɔ hoo kɛ wo Israel kaa wo nɛ gli. Ke nɔ ko hyɛ zugba a nɔ ɔ, e maa na kaa e nɔ wo diblii. E pee gbeye kɛ aywilɛho. E nɔ wo diblii kpii; la ko be.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 13:6

Be saii se ɔ, Yawɛ de mi ke ma kpale kɛ ya Yufrate pa a nya, nɛ ma ya ngɔ bɔjuɛ ɔ kɛ ba.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Ezekiel 32:7

Benɛ ma kpata o hɛ mi ɔ, ma tsi hiɔwe hɛ mi; dodoe ɔmɛ maa laa. Pu maa laa e hɛ mi ngɛ bɔku ɔmɛ a se; nɛ nyɔhiɔ be kpɛe hu.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Ezekiel 38:9

E kɛ e tabo ɔ, kɛ je mahi babauu ma ba tua lejɛ ɔ kaa ahumi; a maa ha zugba a nɔ kaa bɔku.”

Daniel 12:1

Bɔfo ɔ nɛ wo kploba tade ɔ de ke, “Jamɛ a be ɔ mi ɔ, Mikael maa ba. Lɛ ji ganɔ ngua a nɛ buu o ma a he ɔ nɛ. Jehanɛ, haomi nɛ a nɛ eko hyɛ kɛ je be nɛ je ma amɛ bɔ ade ɔ maa ba. Ke jamɛ a be ɔ su ɔ, o ma mi bi ɔmɛ tsuo nɛ a ngma a biɛ kɛ wo Mawu womi ɔ mi ɔ, a ma he a yi wami.

Daniel 9:12

Bɔ nɛ o de to ke o maa pee wɔ, kɛ wa he nyɛli ɔmɛ ɔ, ja lɛ o pee wɔ nɛ ɔ nɛ. Haomi nɛ o kɛ ba Yerusalem ɔ, jamɛ a haomi ɔ eko bɛ ma kpa ko nɔ hyɛ ngɛ je ɔ mi.

Yoel 1:6

Baalɛ babauu ba tua zugba a; a ngɛ kaa ta buli pɛ; a he wa, nɛ a he hiɛ; a lungu nya ba kaa jata ku lungu, nɛ a so hu ngɛ kaa jata yo so.

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Yoel 2:5

A maa tuu ngɛ yo ɔmɛ a nɔ, nɛ a nane si maa hi pɛe kaa ta zugba lɛhi; nɛ ke a ngɛ ní kpee ɔ, e maa pɛ kaa nga nɛ ngɛ sãe. A maa to slɛnɛɛ kaa tabo ngua ko nɛ gba ta kɛ ma.

Yoel 3:4

“Tiro, Sidon, kɛ Filistia zugba a tsuo, mɛni nyɛ ngɛ hlae kaa nyɛ maa pee mi nɛ ɔ? Nyɛ ngɛ hlae nɛ nyɛɛ ye nyɛ he lue lo? Ke ja ji sane ɔ, lɛɛ ma ha nyɛ nitsɛmɛ nyɛ yayami ɔ ma kpa bu nyɛ nɔ esɔ.

Amos 4:13

Mawu lɛ puɛ yo ɔmɛ. Lɛ nɛ e pee kɔɔhiɔ, nɛ e haa nɛ nɔmlɔ adesa leɔ e yi mi tomi; Mawu haa nɛ piani peeɔ nyɔ mi. Lɛ nɛ e yeɔ je ɔ tsuo nɔ. E biɛ ji Yawɛ Tabohiatsɛ!

Zefania 1:7

Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.

Zakaria 14:6

Jamɛ a be ɔ, fĩɛ nɛ nya wa

Mateo 24:21

Ejakaa jamɛ a be ɔ, haomi nguaa maa ba nɛ a nɛ eko hyɛ kɛ je be nɛ a bɔ je ɔ kɛ ba si mwɔnɛ ligbi nɛ ɔ. Lɔ ɔ se hu, nɔ́ ko kaa ja be bae gblegbleegble.

Marko 13:19

Jamɛ a be ɔ mi ɔ, he hiami nɛ a nɛ́ e nɔ eko hyɛ kɛ je benɛ Mawu bɔ ade kɛ ba su mwɔnɛ ɔ maa ba, nɛ jehanɛ hu, nɔ́ ko kaa jã be bae hu.

Mose V, 32:7

“Nyɛ susu blema lokoo ɔ he; nyɛ bi nyɛ nɛmɛ, kɛ nimeli ɔmɛ nɛ a gba nyɛ blema sane.

Hebribi 12:18

Pi Sinai yo ɔ nɛ a be nyɛe maa ta he ɔ he nɛ nyɛ ba. Be ko benɛ Israel bi ɔmɛ ya lejɛ ɔ, diblii, kɛ bɔku wo kpii, kɔɔhiɔ hia huu, nɛ la ngɛ tsoe plamplam ngɛ yo ɔ nɔ.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Kpojemi 9:2

Dodoe ɔ bli muɔ voo ɔ nya, nɛ la su ku kpii je mi kaa flɔɔnɔɔ nguaa mi la su ku; la su ku nɛ je muɔ ɔ mi ɔ ha nɛ pu, kɛ kɔɔhiɔ pee yumuu.