Yoel 2:17 - BAIBLO ALOO NGMAMI KLƆUKLƆU Ɔ

¹⁷ Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Yoel 2:17 ပူးပေါင်းရင်းမြစ်များ

Matsɛmɛ I, 6:3

Kue ɔ nɛ ngɛ Yawɛ we ɔ hɛ mi ɔ kami ji nine mi blimi nyingmi eywiɛ, kaa we ɔ blimi ɔ nɔuu; lɛ e blimi ji nine mi blimi nyingmi enyɔ.

Matsɛmɛ I, 9:7

lɛɛ ma je ye ma, Israel kɛ je zugba a nɛ i ha mɛ ɔ nɔ. We nɛ ɔ hu nɛ i pee klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa wo Israel la, nɛ a maa ye e he fɛu.

Kronika II, 7:20

lɛɛ ma je ye ma, Israel kɛ maa je zugba a nɛ i ha mɛ ɔ nɔ. We nɛ ɔ nɛ i pee lɛ klɔuklɔu nɛ a ja mi ngɛ mi ɔ, ma je ye nine ngɛ he. Je ma amɛ tsuo pɛpɛɛpɛ maa ye e he fɛu, nɛ a maa hie lɛ.

Kronika II, 8:12

Enɛ ɔ se ɔ, Salomo sã bɔhi kɛ ha Yawɛ ngɛ bɔ sami la tɛ ɔ nɛ e ma ngɛ Yawɛ we ɔ hɛ mi ɔ nɔ.

Nehemia 9:36

Amlɔ nɛ ɔ, wa zugba nɛ o ngɔ ha wa nɛmɛ ɔmɛ, konɛ a ye e nɔ niba ní kpakpahi ɔ, wa ba pee nyɔguɛhi ngɛ zugba a nɔ.

La 115:2

Mɛni he je je ma amɛ ma bi ke, “Jije a Mawu ɔ ngɛ” ɔ?

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

La 42:11

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

La 74:10

Mawu, kɛ yaa si mɛni be lɛ wa he nyɛli ɔmɛ maa muɔ mo? Anɛ a maa gbe o biɛ ɔ he guɛ kɛ maa ya neneene lo?

La 79:10

Mɛni he je lɛ je ma amɛ ma bi wɔ ke, “Jije nyɛ Mawu ɔ ngɛ?” Je mahi nɛ pue o tsɔli ɔmɛ a muɔ si ɔ, gbla a tue nɛ waa na kɛ wa hɛngmɛ.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

La 89:41

Nihi tsuo nɛ guu lejɛ ɔ, juɔ e níhi; e plɛ pee muɔ nɔ́ ha e he nihi po.

La 89:51

Yawɛ, nɔmlɔ nɛ o pɔ lɛ nu ɔ, hyɛ kaa o he nyɛli ɔmɛ ngɛ lɛ ahlua bɔe! He tsuaa he nɛ e gu, kɛkɛ jɛmi nyɛɛ e se.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Amos 7:5

Kɛkɛ nɛ i fa kue ha Nyɔmtsɛ Yawɛ ke, “Nyɔmtsɛ Yawɛ lee, i kpa mo pɛɛ, ha nɛ la a se nɛ po! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.

Malaki 1:9

Lɔ ɔ he ɔ, nyɛ osɔfohi, nyɛɛ ka kaa nyɛ maa fa kue ha Mawu, konɛ e na wɔ mɔbɔ. Ke nyɛ hɛɛ nike ní kaa kikɛ nɛ ɔ kɛ ba a, anɛ Mawu maa bu nyɛ kue fami ɔ tue lo?

Mose IV, 25:6

Benɛ Mose kɛ Israel ma kpekpemi ɔ bua a he nya, nɛ a wo yana ngɛ kpe he bo tsu ɔ sinya a nya a, Israel bi ɔmɛ a kpɛti nyumu ko ya wo Midian yo ko kɛ ba sɛ e bo tsu mi, ngɛ Mose kɛ ma a tsuo a hɛ mi paa.

Mateo 23:35

Kɛkɛ ɔ, nimli kpakpahi tsuo nɛ a pue a muɔ si ngɛ je nɛ ɔ mi, kɛ maa je Habel nɛ a pue e muɔ si yaka gu ɔ nɔ kɛ yaa su Barakia binyumu Zakaria nɛ nyɛ gbe lɛ ngɛ sɔlemi we ɔ, kɛ bɔ sami la tɛ ɔ a kpɛti ɔ nɔ ɔ a he ɔ, a maa gbla nyɛ tue.

Mateo 27:43

E ngɔ e hɛ ngɔ fɔ Mawu nɔ, nɛ e deɔ ke Mawu Bi ji lɛ. Saminya! Ke Mawu ngɛ e he tsui ɔ, e je lɛ kɛ je tso ɔ nɔ koo!”

Mose V, 28:37

Ma amɛ, he nɛ Yawɛ maa ngɔ nyɛ kɛ ya a, a mi bi ɔmɛ maa ye gbeye ngɛ nyakpɛ nɔ́ nɛ ba nyɛ nɔ nɛ ɔ he; a maa muɔ nyɛ, nɛ a maa ye nyɛ he fɛu.

Mose V, 32:27

Se i be blɔ ngmɛe nɛ a he nyɛli ɔmɛ nɛ a fĩa ke mɛ lɛ a ye ye ma a nɔ, be mi nɛ imi, Yawɛ nitsɛ nɛ i kpata a hɛ mi.’

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”