Yoel 2:13 - BAIBLO ALOO NGMAMI KLƆUKLƆU Ɔ

¹³ Nyɛ ha nɛ e hao nyɛ ngɛ nyɛ tsui mi; se pi kaa nyɛ ma hía nyɛ tadehi ngɛ nyɛ he kɛkɛ.” Nyɛɛ kpale kɛ ba Yawɛ, nyɛ Mawu ɔ ngɔ, ejakaa e mi mi jɔ, nɛ e naa mɔbɔ; e toɔ e tsui si; e yeɔ e siwo nɔ; e mi mi fu we mla, se mohu e kɛ nɔ́ paa.

Yoel 2:13 ပူးပေါင်းရင်းမြစ်များ

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Matsɛmɛ II, 22:11

Benɛ Matsɛ Yosia nu mlaa womi ɔ mi munyuhi nɛ a ngɛ kanee ɔ, e kɛ aywilɛho hía e tade ɔmɛ,

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Matsɛmɛ II, 5:7

Benɛ Israel matsɛ ɔ kane womi ɔ, e hao wawɛɛ nɛ e hia e tade ɔ nɛ e de ke, “Anɛ Mawu ji mi? Anɛ i ngɛ gbenɔ kɛ wami nɔ he wami loko nyumu nɛ ɔ maa tsɔ nɔ kɛ ba ye ngɔ nɛ ma tsa e he womi nɔ hiɔ yaya a ha lɛ lo? E fɔɔ si paa kaa munyu kɛkɛ lɛ e ngɛ hlae ngɛ ye he!”

Matsɛmɛ II, 6:30

Benɛ matsɛ ɔ nu nɔ́ nɛ yo ɔ de ɔ, e hao nɛ e hía e tade ɔmɛ. Nɛ benɛ e ngɛ nyɛɛe ngɛ gbogbo ɔ nɔ ɔ, ma a na lɛ; nɛ a yɔse kaa e bu kpekpe ngɛ e tade ɔmɛ a sisi.

Kronika II, 6:27

Yawɛ lee, moo bu mɛ tue ngɛ hiɔwe, nɛ o ngɔ o tsɔli ɔmɛ, nɛ ji Israel ma a a he yayami ɔmɛ ngɔ pa mɛ. Tsɔɔ mɛ nɛ a pee nɔ́ nɛ da. Lɔ ɔ se ɔ, Yawɛ lee, ha nɛ hiɔmi nɛ nɛ ngɛ o zugba a nɛ o ngɔ ha o ma a kaa a weto ní kɛ yaa neneene ɔ nɔ.

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

Hiob 1:20

Kɛkɛ nɛ Hiob te da si, nɛ e kɛ aywilɛho hía tade ɔmɛ ngɛ e he, nɛ e sã e yi nɔ. E kpla si, nɛ e ngɔ e hɛ mi ngɔ bu si, nɛ e ja Mawu.

La 103:8

Yawɛ naa mɔbɔ; e mi mi hi. E muklii mi fu we mla, se e mɔbɔ nami ɔ mohu hiɛ babauu.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

La 34:18

Nihi nɛ a kɔni mi jɔ̃, kɛ nihi nɛ a be hɛ nɔ kami ɔ, Yawɛ hii a kasa nya, konɛ e wo mɛ he wami.

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 58:5

Anɛ hwɔ hami kaa kikɛ nɛ ɔ i ngɛ hlae lo? Anɛ nɔ nitsɛ e he pimi kaa kikɛ nɛ ɔ i suɔ lo? Ke nɔ ko ma e yi si kudɔɔ kaa ngɔwu, nɛ e ngmɛ kpekpe ngɛ la zu mi nɛ e hwɔ nɔ ɔ, enɛ ɔ nyɛ tsɛɔ hwɔ hami ɔ? Enɛ ɔ maa sa ye hɛ mi lo?

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

Yeremia 41:5

nyumuhi nyingmi kpaanyɔ komɛ je Shekem, Shilo, kɛ Samaria kɛ ba. Nɛ a ma a, a sɛ a kpɛnihi, nɛ a hía a he tadehi, nɛ a je blɔ nɛ a plaa mɛ nitsɛmɛ a he. A hɛɛ niye ní bɔ, kɛ tsopa kɛ e he via ngɛ a dɛ mi kɛ ma Yawɛ we ɔ.

Yeremia 42:10

‘Ke nyɛ maa hi zugba nɛ ɔ nɔ ɔ, lɛɛ ma gbaa nyɛ, nɛ i be nyɛ hɛ mi kpatae; ma to nyɛ si, nɛ i be nyɛ hiae hu. E dɔ mi babauu kaa i gbla nyɛ tue kaa kikɛ nɛ ɔ.

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Hosea 14:1

Israel ma, nyɛɛ kpale kɛ ba Yawɛ, nyɛ Mawu ɔ ngɔ. Nyɛ yayami ɔmɛ ha nɛ nyɛ pee kaa ni komɛ nɛ tɛ nɔ́ nɛ a nɔɔ si.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Efesobi 2:4

Se Mawu lɛɛ e mɔbɔ nami ɔ hiɛ babauu; jã kɛ̃ nɛ suɔmi nɛ e ngɛ kɛ ha wɔ ɔ hu kle.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.