Yoel 2:11 - BAIBLO ALOO NGMAMI KLƆUKLƆU Ɔ

¹¹ Yawɛ maa wo gbi kɛ fa e tabo ɔ he. E ta buli ɔmɛ a he hiɛ babauu; nihi nɛ buɔ Yawɛ tue ɔ, a li a yibɔ. Yawɛ ligbi ɔ maa pee gbeye. Mɛnɔ ma nyɛ nya maa da?

Yoel 2:11 ပူးပေါင်းရင်းမြစ်များ

La 18:14

Ee, e tsɛ̃ e kɛ̃ɛ̃ mi bi ɔmɛ, nɛ e he nyɛli ɔmɛ gbɛ fĩa. E ha nɛ oslabai gba, nɛ a pee basaa.

La 46:6

Je ma amɛ a mi mi fuɔ, nɛ a peeɔ hoo; se ke Mawu wo gbi ɔ, zugba a he jɔɔ.

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Yesaya 13:4

Nyɛɛ bu tue, a ngɛ hoo pee ngɛ yo ɔmɛ a nɔ; nihi babauu lɛ a ngɛ hoo pee nɛ ɔ nɛ. Niinɛ, je mahi, kɛ nɔ yemihi ngɛ a he nya buae. Yawɛ Tabohiatsɛ ɔ ngɛ e tabo ɔmɛ miae kɛ ha ta.

Yesaya 42:13

Yawɛ hia kpo kaa ta bulɔ; e hia kpo kaa ta bulɔ nɛ hɛ dɔ. E ngɛ ngmlaa kpae. E ngɛ ose hee kɛ ngɛ e he nyɛli ɔmɛ woe kaa e kɛ mɛ maa to ní.

Yesaya 7:18

“Ke jamɛ a be ɔ su ɔ, Yawɛ ma kpa bɛ kɛ tsɛ Egipt kɛ Asiria bi ɔmɛ. Egipt bi ɔmɛ ma bu kɛ je pa amɛ a nya kɛ ba babauu kaa anunuhi, nɛ Asiria bi ɔmɛ hu maa je a zugba a nɔ ja nɔuu kaa hwo bihi.

Yeremia 25:30

“Lɔ ɔ he ɔ, Yeremia, nɔ́ tsuaa nɔ́ nɛ i de mo ɔ, gbaa kɛ tsɔɔ nimli nɛ ɔmɛ. De mɛ ke, ‘Yawɛ ma huã kɛ je hiɔwe lokoo. E ma wo gbi kɛ je e hi he klɔuklɔu ɔ. E maa huã, nɛ e ma he ose wawɛɛ kɛ wo e ma a kaa bɔ nɛ wai ngali kpaa huhui ɔ. Nihi tsuo nɛ ngɛ zugba a nɔ maa nu nɔ́ nɛ ɔ,

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Ezekiel 22:14

Ke i kɛ mo ná a, anɛ o ma nyɛ maa to tsui si, nɛ o maa pee kã kɛ ya si nyagbe lo? Imi, Yawɛ lɛ i de, nɛ ma pee hulɔ.

Yoel 1:15

Yawɛ ligbi ɔ su ta; ligbi nɛ Ope ɔ ma kpata wa hɛ mi ɔ su. E maa pee gbeye jamɛ a ligbi ɔ!

Yoel 1:6

Baalɛ babauu ba tua zugba a; a ngɛ kaa ta buli pɛ; a he wa, nɛ a he hiɛ; a lungu nya ba kaa jata ku lungu, nɛ a so hu ngɛ kaa jata yo so.

Yoel 2:1

Nyɛ kpa titimati ngɛ Zion, ngɛ Mawu yo klɔuklɔu ɔ nɔ. Nyɛ Yuda zugba a nɔ bi tsuo, nyɛɛ ye gbeye, nɛ nyɛ he nɛ do blibliibli! Ejakaa Yawɛ ligbi ɔ su ta.

Yoel 2:2

Jamɛ a ligbi ɔ, je mi ma yu tuu; nɛ je mi tsuo pee mɔbɔmɔbɔ. Baalɛ maa ha yo ɔmɛ a nɔ tuu kaa ta buli nɛ a he ngɛ gbeye. Enɛ ɔ eko bɛ hyɛ, nɛ eko hu be bae ja gblegbleegble.

Yoel 2:25

Ní nɛ baalɛ ɔmɛ ba ha nɛ a ye jeha babauu ɔ, ma ha nyɛ ekohu. Imi nitsɛ nɛ i je baalɛ slɔɔtoslɔɔtohi a ta nguaa nɛ ɔ kɛ wo nyɛ ɔ nɛ.

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Yoel 3:14

A ya bua a he nya babauu, akpeakpe abɔ ngɛ Kojomi kɔ̃ ɔ mi. E be kɛe kulaa nɛ Yawɛ ligbi ɔ ma ba na mɛ ngɛ lejɛ ɔ.

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Amos 1:2

Amos de ke, “Yawɛ tu munyu ngɛ Zion yo ɔ nɔ kaa jata nɛ ngɛ huãe, nɛ e miɔ nɛ e ma tsɔtslɔɔ lohwe ko mi. Yawɛ wo gbi ngɛ Yerusalem kaa hiɔwe nɛ ngɛ sie. Ba amɛ ngla ngɛ lohwehi a ní yemi he ɔmɛ, nɛ nga nɛ ngɛ Karmel yo ɔ nɔ ɔ gbli.”

Amos 5:18

Nyɛ nihi tsuo nɛ nyɛ ngɛ Yawɛ tue gblami ligbi ɔ blɔ hyɛe, nɛ e peeɔ nyɛ kaa be ɔ su ta, musu tloo nyɛ! Jamɛ a ligbi ɔ, haomi ji nɔ́ nɛ maa ba nyɛ nɔ kaa bɔ nɛ ahumi haa nɛ diblii woɔ piani katakata a, se pi manye.

Amos 5:20

Ligbi ɔ nɛ Yawɛ maa gbla Israel tue ɔ, bɔ nɛ níhi ma ya ba pɛpɛɛpɛ ji nɛ ɔ nɛ. Diblii nɛ́ maa wo jamɛ a ligbi ɔ, e mi ma ti bɔ nɛ nɔ ko nɔ ko be nyɛe maa hyɛ nɔ́ saminya.

Obadia 1:15

“Be ɔ su ta nɛ imi Yawɛ, ma kojo je ma amɛ tsuo. Edom, nɔ́ nɛ o pee ɔ, a kɛ maa pee mo. O ní peemi ní ɔmɛ maa kpale ba bu o yi mi.” Mawu lɛ de.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Malaki 3:2

Se, ligbi ɔ nɛ e maa ba a, mɛnɔ lɛ ma nyɛ maa da si? Ligbi ɔ nɛ e ma ba hia si ɔ, mɛnɔ yi ma na wami? E maa ba kaa jale nɛ nya wa, aloo la nɛ a kɛ tsuɔ dade he.

Mose IV, 24:23

Kɛkɛ nɛ gba gbi nɛ ɔ hu ba Balaam nya, nɛ e de ke, “Akuanyɛ! Mɛnɔ maa hi hɛ ngmengmle benɛ Mawu ngɛ enɛ ɔ pee ɔ?

1 Tesalonikabi 4:16

Ejakaa Nyɔmtsɛ ɔ nitsɛ ma kple si kɛ je hiɔwe kɛ ba kɛ ose nɛ nya wa. Bɔfo nɔkɔtɔma a maa wo gbi, nɛ Mawu titimati ɔ maa pɛ. Nihi nɛ he Yesu ye loko a gbo ɔ maa te si kekle.

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”

Kpojemi 6:17

Ejakaa ligbi nɛ ngɛ gbeyegbeye nɛ a maa gbla wa tue ɔ, ligbi ɔ su. Nɛ mɛnɔ ma nyɛ nya maa da?”