Yoel 1:14 - BAIBLO ALOO NGMAMI KLƆUKLƆU Ɔ

¹⁴ Nyɛɛ wo mlaa nɛ ma a tsuo nɛ ha hwɔ; nɛ a ba bua a he nya. Nyɛ bua Yuda ma nimeli ɔmɛ, kɛ ma a tsuo a nya ngɛ Yawɛ, nyɛ Mawu ɔ we ɔ nɛ nyɛɛ fa kue ha lɛ.

Yoel 1:14 ပူးပေါင်းရင်းမြစ်များ

Matsɛmɛ II, 10:20

Jehanɛ, Yehu fa ke a fiɛ nɛ a kɛ kpee ma a kɛ ba ye nyami ligbi pɔtɛɛ ko kɛ wo Baal hɛ mi nyami; nɛ a pee ja.

Kronika II, 20:13

Yuda nyumu ɔmɛ tsuo daa si ngɛ lejɛ ɔ ngɛ Yawɛ we ɔ, kɛ a yi ɔmɛ, kɛ a bimɛ ɔmɛ.

Nehemia 8:18

Kɛ je kekleekle ligbi ɔ nɔ kɛ ya si be nɛ a gbe nyami be ɔ nya a, a kaneɔ Mawu mlaa a fa ko daa ligbi. A ye Gbasisihimi nyami be nɛ ɔ ligbi kpaago, nɛ ligbi kpaanyɔne ɔ, a pee nyagbe kpe kaa bɔ nɛ mlaa a tsɔɔ ɔ.

Ester 4:16

“Yaa bua Yuda bi ɔmɛ tsuo nɛ ngɛ Susa ma a mi ɔ a nya, nɛ nyɛɛ ha hwɔ ha mi. Nyɛ ko ye ní, nɛ nyɛ ko nu nyu hulɔ nyɔ kɛ pia ligbi etɛ. Imi nitsɛ, kɛ ye mawa amɛ hu wa maa pee ja. Lɔ ɔ se ɔ, ma ya matsɛ ɔ ngɔ. E ngɛ mi kaa mlaa a nya a, i be jamɛ a he blɔ ɔ lɛɛ, se ke e hia kaa ma gbo ngɛ enɛ ɔ mi ɔ, ma gbo.”

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 36:9

Yuda matsɛ, Yehoyakim, Yosia bi ɔ yi nɔ jeha nɛ ji enuɔ ɔ we nyɔhiɔ nɛɛne ɔ mi ɔ, Yerusalem ma mi bi ɔmɛ tsuo, kɛ nihi nɛ je Yuda ma amɛ tsuo a mi kɛ ba Yerusalem ɔ ha hwɔ ngɛ Yawɛ hɛ mi.

Yoel 1:2

Nyɛ ma nimeli, nyɛɛ bu tue; nyɛ Yuda ma a tsuo, nyɛ ta tue. Anɛ nɔ́ ko kaa kikɛ nɛ ɔ ba hyɛ ngɛ nyɛ yi nɔ, aloo ngɛ nyɛ nɛmɛ a yi nɔ lo?

Mose III, 23:36

Daa ligbi ɔ, nyɛɛ sã niye ní bɔ nɛ a kɛ la sãã. Nyɛɛ pee enɛ ɔ ligbi kpaago. Ligbi nɛ ji kpaanyɔ ɔ, nyɛ bua nyɛ he nya ekohu nɛ nyɛ ja Mawu, nɛ nyɛɛ ngɔ niye ní bɔ nɛ a kɛ la sãã kɛ ba ha Yawɛ. E ji jami ligbi; nyɛ ko tsu ní tsumi kpakpataa ko jamɛ a ligbi ɔ.

Yona 3:5

Nineve bi ɔmɛ he Mawu sɛ gbi ɔ ye, nɛ a ha hwɔ. Nɔ tsuaa nɔ bu kpekpe ya bo, kɛ je nɔmlɔ ngua nɔ kɛ ya si nɔmlɔ wayo nɔ, nɛ a kɛ tsɔɔ kaa a tsake a tsui.

Yona 3:8

Nɔ tsuaa nɔ nɛ bu kpekpe ya bo, konɛ a na he piami ngɛ nimli kɛ lohwehi tsuo a hɛ mi; nɛ nɔ tsuaa nɔ nɛ sɔle wawɛɛ kɛ tsɛ Mawu; nɔ tsuaa nɔ nɛ kpale kɛ je e blɔ yayami ɔmɛ a nɔ, kɛ e yi mi wami ní ɔmɛ a se,

Zefania 2:1

Nyɛ ma nɛ zo be nyɛ hɛ mi, nyɛ bua nyɛ he nya nɛ nyɛɛ pee juɛmi,