Yoel 1:12 - BAIBLO ALOO NGMAMI KLƆUKLƆU Ɔ

¹² Wai tso ɔmɛ, ngmɔkɔ tso ɔmɛ, kɛ tã amɛ ylɔ; nɛ tso kpa amɛ tsuo gbli, nɛ a gbo. Ma a bua jɔmi ɔ se po.

Yoel 1:12 ပူးပေါင်းရင်းမြစ်များ

La 4:7

Se imi lɛɛ o ha mi bua jɔmi babauu. Ke nimli nɛ ɔmɛ a blɛfo kɛ wai ba saminya po, a na we bua jɔmi kaa imi.

La 92:12

Dali ma plɔke kaa tã; a maa wa kaa seda tso ngɛ Lebanon.

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Lahi 4:13

Abɔɔ nɛ ɔ mi ɔ, tso slɔɔtohi nɛ bɔɔ kaa tso nɛ yiblii ngɔɔ saminya a ngɛ lejɛ ɔ, nɛ a woɔ yiblii kpakpahi. Tsohi nɛ pɔ he ngɛ lejɛ ɔ ji hena, nardo,

Yesaya 16:10

Jehanɛ lɛɛ nɔ ko nɔ ko bua jɔɛ e he ngɛ ngmɔhi nɛ baa ní saminya a a nɔ hu. Nɔ ko nɔ ko kpa we ngmlaa; nɔ ko nɔ ko la we ngɛ wai ngmɔ ɔmɛ a nɔ, nɛ nɔ ko nɔ ko ngɛ̃ wai kɛ ji wai yiblii mi hu. Lele hwɔmi ngɛ ngmɔ ɔmɛ a nɔ ɔ tsuo se po.

Yesaya 24:11

Nihi ngɛ ngmlaa kpae ngɛ gbɛjegbɛ ɔmɛ a nɔ; ejakaa wai ta. Bua jɔmi ta kulaa; bua jɔmi laa kaa nɔ ko nɛ a je lɛ we.

Yesaya 24:7

Wai he be hu; ejakaa wai tso ɔmɛ gbli. Nihi tsuo nɛ a bua jɔ be ko ɔ, jehanɛ lɛɛ a ngɛ kɔmɔ yee.

Yesaya 9:3

Yawɛ, o ha nɛ ma a bɔ, nɛ o ha mɛ bua jɔmi babauu. A ngɛ nyae ngɛ o hɛ mi kaa nihi nɛ ngɛ ngmɔ ní kpae, loo nihi nɛ ngɛ ta yibu ní dlae ha a he.

Yeremia 48:3

Horonaim bi ɔmɛ jé ngmlaa, ejakaa a ngɛ níhi a hɛ mi kpatae basabasa ngɛ lejɛ ɔ.

Yeremia 48:33

Bua jɔmi, kɛ nyami se po ngɛ Moab zugba kpakpa nɛ baa ní ɔ nɔ. I ha nɛ wai se po ngɛ wai ngami he ɔmɛ. Nihi nɛ peeɔ wai, nɛ ke a ngɛ wai ɔ pee nɛ a hii lele hwɔe kɛ hii he toe ɔ, jamɛatsɛmɛ ɔmɛ a ti nɔ ko nɔ ko be hu.

Yoel 1:10

Ngmɔ ɔmɛ a hɛ mi kpata; zugba a pee mɔbɔmɔbɔ kaa nɔ́ nɛ kɔmɔ e ngɛ yee; ejakaa blɛfo ɔ hɛ mi kpata; wai tso ɔmɛ gbli, nɛ oliv tso ɔmɛ ylɔ.

Yoel 1:16

Pi wa niba ní nɛ wa ngɛ hyɛe nɛ hɛ mi ngɛ kpatae nɛ ɔ? Bua jɔmi, kɛ nyami se po ngɛ wa Mawu ɔ we ɔ.

Yona 4:7

Se benɛ je ke e naa a, Mawu ha gɔgɔ ko ye tso ɔ, nɛ e ngla.

Hagai 2:19

E ngɛ mi kaa blɛfo be gba mi, nɛ wai tso ɔmɛ, ngmɔkɔ tso ɔmɛ, tsohi nɛ a yiblii ngɔɔ, kɛ oliv tso ɔmɛ wui yiblii lolo lɛɛ, se kɛ je mwɔnɛ ɔ ligbi nɛ ɔ kɛ yaa a, ma gbaa nyɛ.”

Malaki 3:11

I be hae nɛ lohwe tsɔwitsɔwihi nɛ kpata nyɛ ngmɔ niba ní ɔmɛ a hɛ mi; nyɛ wai tso ɔmɛ hu maa wo wai yiblii kplanyakplanyaa ngɛ ngmɔ ɔmɛ a nɔ.

Mose IV, 13:23

Benɛ a su Eskol kɔ̃ ɔ mi ɔ, a po wai tso kɔni kake kɛ e nɔ wai yiblii sau kake ngɛ lejɛ ɔ, nɛ a kpɛti ni enyɔ wo lɛ tso nɛ a kpla ngɛ a konɔ. A kɛ tso yiblii ko kaa akutu kɛ ngmɔkɔ hu ba.