Yesaya 9:4 - BAIBLO ALOO NGMAMI KLƆUKLƆU Ɔ

⁴ Ejakaa lohwe kuɛpã tso nɛ jiɔ kaa tlomi ngɛ a nɔ, kɛ to tsɔ̃mi tso nɛ a kɛ fiaa a konɔ kɛ wa mɛ yi mi ɔ, o ku a mi kaa bɔ nɛ blema a o pee Midian bi ɔmɛ ɔ.

Yesaya 9:4 ပူးပေါင်းရင်းမြစ်များ

Mose I, 27:40

O klaate nɛ o kɛ ma he o yi wami. O ma sɔmɔ o nyɛminyumu ɔ. Se ke o na blɔ ɔ, O ma tsɔ e hɛ mi atuã, Nɛ o maa ye o he.”

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

La 81:6

“I je nyɛ tlomi ɔmɛ kɛ je nyɛ nɔ; i ha nɛ nyɛ ngmɛɛ nyɛ kusii ɔmɛ a he.

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

Yesaya 16:4

Nyɛɛ baa wa yi, nyɛ ha waa hi nyɛ ngɔ, nɛ nyɛ ko ngɔ wɔ kɛ wo nihi nɛ ngɛ hlae nɛ a kpata wa hɛ mi ɔ a dɛ mi.” Yi mi wami, kɛ hɛ mi kpatami se maa po, nɛ ni nɛmɛ nɛ a ngɛ zugba a hɛ mi kpatae ɔ be si hie hu.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yesaya 49:26

Ma ha nihi nɛ ngɛ mo haoe ɔ maa ye mɛ nitsɛmɛ a he lo awi; mɛ nitsɛmɛ a muɔ maa de mɛ kaa wai. Kɛkɛ ɔ, nimli adesahi tsuo maa le kaa imi ji Yawɛ. Imi ji nɔ nɛ heɔ o yi wami, nɛ haa nɛ o yeɔ o he. A ma na le kaa imi ji Israel Mawu kpetekpleenyɛ ɔ nɛ.”

Yesaya 51:13

Anɛ Yawɛ, nɔ nɛ bɔ mo, nɛ e pee hiɔwe ploplooplo, nɛ e ngɔ zugba a sisi tomi ɔmɛ ngɔ ma si ɔ, o hɛ je e nɔ lo? Nihi nɛ ngɛ mo yi mi wae, nɛ a pee klaalo kaa a ma kpata o hɛ mi ɔ, mɛni he je o ngɛ mɛ mohu gbeye yee ɔ? A be nyɛe maa pee mo nɔ ko hu.

Yesaya 52:2

Yerusalem nɛ a pee mo nyɔguɛ, tee si nɛ o huanya bunyuku ɔ ngɔ pue si, nɛ o hi o matsɛ sɛ ɔ nɔ! Zion biyo nɛ a nu mo nɛ a bɔ mo pã, je pã a ngɛ o kuɛ!

Yesaya 54:14

Dami sane yemi, kɛ kpakpa peemi ma ha o ma a he maa wa. Nɔ ko nɔ ko be mo yi mi wae, nɛ nɔ ko nɔ ko be o he gbeye woe.

Yesaya 9:5

Ta buli nɛ ma wɔ tuami ɔ, a tokota amɛ, kɛ a tade ɔmɛ nɛ muɔ sɛ mi ɔ, a kɛ la maa sã lɛ tsuo, kaa lɛ́ ngɛ la mi.

Yeremia 30:8

Yawɛ Tabohiatsɛ ɔ ke, “Jamɛ a ligbi ɔ, ma ku kuɛpã tsohi nɛ ngɛ a kuɛ ɔ, nɛ ma tsɔ kɔsɔkɔsɔ ɔmɛ. Nɛ a be ni kpahi sɔmɔe hu.

Yeremia 48:17

“Nyɛ nihi tsuo nɛ nyɛ bɔle Moab, nyɛ ni nɛmɛ tsuo nɛ nyɛ nu bɔ nɛ e biɛ pɛɛ be ko ɔ, nyɛɛ ye lɛ kɔmɔ. Nyɛ de ke, ‘E nɔ yemi kpetekpleenyɛ ɔ se po; e hɛ mi nyami, kɛ e he wami ɔ ta.’

Mose III, 26:13

Imi ji Yawɛ, nyɛ Mawu nɛ je nyɛ kɛ je Egipt zugba a nɔ, konɛ nyɛ ko pee nyɔguɛhi hu ɔ nɛ. I je nyɛ kɛ je yi mi wami sisi, nɛ i ha nyɛ ye nyɛ he.”

Nahum 1:13

Ma ha nɛ Asiria nɔ yemi ɔ se maa po, nɛ ma kplɔ kɔsɔkɔsɔ ɔmɛ ngɛ nyɛ he.”