Yesaya 9:3 - BAIBLO ALOO NGMAMI KLƆUKLƆU Ɔ

³ Yawɛ, o ha nɛ ma a bɔ, nɛ o ha mɛ bua jɔmi babauu. A ngɛ nyae ngɛ o hɛ mi kaa nihi nɛ ngɛ ngmɔ ní kpae, loo nihi nɛ ngɛ ta yibu ní dlae ha a he.

Yesaya 9:3 ပူးပေါင်းရင်းမြစ်များ

Nehemia 9:23

O ha nɛ a bimɛ ɔmɛ hu a he hiɛ babauu kaa dodoehi ngɛ hiɔwe; nɛ zugba a nɛ o de a nɛmɛ ɔmɛ ke a ya ngɔ ɔ, o kpaka mɛ kɛ ya lejɛ ɔ.

Hiob 12:23

E haa je mahi he wami, nɛ e kpaleɔ kpataa a hɛ mi. E haa nɛ mahi bɔɔ, nɛ e kpaleɔ gbɛɛ mɛ ngɔ fĩaa.

La 107:38

Yawɛ gbaa e ma a; e ha nɛ a he ba hiɛ babauu nitsɛ; a lohwehi hu e ha we nɛ a nɔ nɛ gbɔ́.

La 119:162

O munyu ɔ ngɔɔ ye nya. Ye bua jɔɔ kaa nɔ ko nɛ e nine ya su ta yibu ní nɛ he jua wa nɔ.

La 4:7

Se imi lɛɛ o ha mi bua jɔmi babauu. Ke nimli nɛ ɔmɛ a blɛfo kɛ wai ba saminya po, a na we bua jɔmi kaa imi.

Yesaya 10:26

Imi Yawɛ Tabohiatsɛ ɔ nitsɛ ma fia mɛ kpa kaa bɔ nɛ i pee Midian bi ɔmɛ ngɛ Oreb tɛ sa a he ɔ. Ma gbla Asiria tue kaa bɔ nɛ i gbla Egipt tue ɔ.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 14:5

Yawɛ ku nɔ yeli yaya amɛ a he wami nya la.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Yesaya 26:15

Yawɛ, mo lɛ o ha wa ma a he hiɛ babauu; o bli wa huzu ɔmɛ a mi kɛ kpe, nɛ enɛ ɔ ha o hɛ mi ba nyami.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 35:2

Niinɛ mɔmɔ babauu maa puɛ ngɛ nɔ, nɛ e kɛ bua jɔmi ma he ose ngɛ mɔmɔ ɔmɛ a he; e maa pee fɛu kaa Lebanon yo ɔmɛ a nɔ; e maa ba ní kaa Karmel kɛ Sharon zugba a. Nɔ tsuaa nɔ maa na Yawɛ hɛ mi nyami, kɛ wa Mawu ɔ we agboje, kɛ e he wami ɔ.

Yesaya 54:1

Yerusalem, jinɛ o ngɛ kaa yosa, se jehanɛ lɛɛ o ma nyɛ ma la nɛ o ma hwɔ lele. Jehanɛ lɛɛ o ma fɔ bimɛ babauu pe yo nɛ e kɛ e huno ngɛ tsu nya daa!

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 61:7

Zo nɛ gbe nyɛ, kɛ nyɛ hɛ mi nɛ pue si ɔ, lɛ tsuo nya maa be. Nyɛ maa hi nyɛ nitsɛmɛ nyɛ zugba nɔ jehanɛ; nyɛ ma na ní babauu nitsɛ pe sa a, nɛ nyɛ bua maa jɔ kɛ maa ya neneene.

Yesaya 65:14

Ye sɔmɔli ɔmɛ ma la, nɛ a bua maa jɔ a he, se nyɛɛ lɛɛ nyɛ ma kpa huhui, nɛ nyɛ maa ye nyɛ tsui wawɛɛ; nyɛ maa ye kɔmɔ, nɛ nyɛ ma fo ya mɔbɔmɔbɔ.

Yesaya 65:18

Nyɛ nya, nɛ nyɛ bua nɛ jɔ kɛ ya neneene ngɛ níhi nɛ i ngɛ bɔe ɔ a he. Ejakaa i ngɛ Yerusalem he bɔe kaa he ko nɛ bua jɔmi sɔuu lɛ a naa ngɛ lejɛ ɔ, nɛ́ ma a mi bi ɔmɛ hu a bua jɔɔ saminya.

Yesaya 66:10

Nyɛ nihi tsuo nɛ nyɛ suɔ Yerusalem ɔ, nyɛ bua nɛ jɔ nyɛ he nɛ nyɛɛ kɛ lɛ nɛ nya. Nyɛ nihi tsuo nɛ nyɛ ye kɔmɔ ha lɛ ɔ, jehanɛ lɛɛ nyɛɛ kɛ lɛ tsuo nyɛ na bua jɔmi!

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Hosea 4:7

“Si abɔ nɛ nyɛ, osɔfo ɔmɛ nyɛ he ngɛ hiɛe ɔ, si abɔ nɛ nyɛ ngɛ yayami babauu pee kɛ ngɛ mi sie. Lɔ ɔ he ɔ, i be nyɛ hɛ mi nyami woe; ma pue nyɛ hɛ mi si mohu.

Mose III, 26:13

Imi ji Yawɛ, nyɛ Mawu nɛ je nyɛ kɛ je Egipt zugba a nɔ, konɛ nyɛ ko pee nyɔguɛhi hu ɔ nɛ. I je nyɛ kɛ je yi mi wami sisi, nɛ i ha nyɛ ye nyɛ he.”

Zakaria 10:8

“Ma kpee ye ma a; nɛ ma bua mɛ tsuo a nya; ejakaa imi nɛ i kpɔ mɛ. Ma he a yi wami, nɛ ma ha a he maa hiɛ babauu kaa bɔ nɛ a he hiɛ sa a.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Luka 11:22

Se ke nɔ nɛ he wa pe lɛ ba tua lɛ, nɛ e ye e nɔ ɔ, e kpɔɔ e ta hwumi níhi tsuo nɛ e ngɔ e hɛ ngɔ fɔ nɔ ɔ ngɛ e dɛ, nɛ e dlaa e ju ní ɔ mi.

Ni Tsumi 8:8

Lɔ ɔ he ɔ, bua jɔmi babauu ba ma a mi.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Manyadali 5:3

Nyɛ matsɛmɛ, nyɛɛ bu tue! Ganɔhi nyɛ ta tue! Ma la; i kɛ gbi ngɔngɔɛ ma je Yawɛ, Israel Mawu ɔ yi.

Manyadali 7:22

Benɛ Gideon we bi ɔmɛ ngɛ titimati lafa etɛ ɔmɛ kpae ɔ, jamɛ a be ɔ mi nɔuu ɔ, Yawɛ ha he nyɛli ɔmɛ hia klaate kɛ wo mɛ nitsɛmɛ a sibi a he. Nɛ ta buli ɔmɛ tsuo tu fo kɛ ho tsitsaa Bet Shita ya ngɛ Zerera kasa nya, kɛ ya su Abel Mehola huzu ɔ nya, ngɛ Tabat kasa nya.

Manyadali 8:12

Midian matsɛmɛ enyɔ ɔmɛ, nɛ ji Zeba kɛ Zalmuna tu fo, se Gideon nyɛɛ a se kɛ ya si e nine su a nɔ. Kɛkɛ nɛ gbeye nu tabo ɔ tsuo.

Samuel I, 30:16

Nɛ e kɛ David ho. Benɛ a su lejɛ ɔ, a na ni ɔmɛ nɛ a pueɔ si babauu ngɛ zugba. Blɔɔ a ngɛ ní yee, a ngɛ ní nue, nɛ a ngɛ doe; ejakaa ta yibu ní nɛ a nine su nɔ ngɛ Filistia kɛ Yuda a, tsa pi fiɛmi.