Yesaya 9:21 - BAIBLO ALOO NGMAMI KLƆUKLƆU Ɔ

²¹ Manase bi, kɛ Efraim bi maa hwu ta, nɛ lɔ ɔ se ɔ, a ma bua kɛ wo Yuda he. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:21 ပူးပေါင်းရင်းမြစ်များ

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Yesaya 9:12

Siria ngɛ beleku je, nɛ Filistia ngɛ bonyoku je. A pa a nya mi hatoo, konɛ a mii Israel. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Yesaya 11:13

Israel, Efraim nina a kɛ Yuda be nɔ́ he plee hu; nɛ Yuda be Israel nya dooe hu.

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:17

Lɔ ɔ he ɔ, Nyɔmtsɛ ɔ na we nihewi ɔmɛ a he bua jɔmi. Yalɔyi ɔmɛ, kɛ awusa amɛ hu e mɛ nɛ mɔbɔ; ejakaa ni ɔmɛ tsuo li Mawu; a pee a he yiwutsotsɛmɛ, nɛ munyu yaya pɛ a tuɔ. Enɛ ɔ tsuo he ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Matsɛmɛ II, 15:30

Yuda matsɛ, Yotam, Uzia binyumu ɔ yi nɔ jeha nɛ ji nyingmi enyɔ ɔ mi ɔ, Ela binyumu Hoshea so Matsɛ Peka yi nɔ nɛ e fia lɛ nɔ́ nɛ e gbe; nɛ e ye matsɛ ngɛ e se.

Samuel I, 14:20

Kɛkɛ nɛ Saul kɛ e we bi ɔmɛ tsuo bua a he nya kɛ ya sɛ ta a mi; se basabasa a ha Filisti bi ɔmɛ wo klaate nɔ ngɛ mɛ nitsɛmɛ a sibi a nɔ.

Manyadali 7:2

Yawɛ de Gideon ke, “Ta nɛ nyɛɛ o se ɔ, a he hiɛ tsɔ. Ke i ngɔ Midian ngɔ wo a dɛ mi ɔ, Israel bi ɔmɛ ma wo a he nɔ, nɛ a ma de ke mɛ nitsɛmɛ a kɔni si wami lɛ a kɛ he a yi wami.

Yesaya 8:21

Ni komɛ maa wo lalaalo ngɛ zugba a nɔ; hwɔ maa ye mɛ, nɛ a ní maa pee mɔbɔ. Mi mi fumi, kɛ hwɔ nɛ ngɛ mɛ yee he je ɔ, a maa gbiɛ a matsɛ ɔ, kɛ a mawu ɔmɛ. A ma wo a yi nɔ kɛ hyɛ hiɔwe,

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Zakaria 11:14

Jehanɛ, dɛma tso enyɔne ɔ nɛ biɛ ji “Kakepeemi” ɔ, i ku mi kɛ tsɔɔ kaa Yuda kɛ Israel pi nyɛmimɛ hu.