Yesaya 9:2 - BAIBLO ALOO NGMAMI KLƆUKLƆU Ɔ

² Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.

Yesaya 9:2 ပူးပေါင်းရင်းမြစ်များ

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yesaya 60:19

“Tsa pi pu nɛ maa pee la ha mo piani hu, jehanɛ hu tsa pi nyɔhiɔ nɛ ma ha mo la nyɔ mi. Se mohu imi Yawɛ nitsɛ ma pee o la kɛ maa ya neneene. Ye hɛ mi nyami maa pee kaa la nɛ ma kpɛ ha mo.

La 107:10

Ni komɛ hi si ngɛ diblii, kɛ mɔbɔ si himi mi; a wo mɛ tsu; a kpla mɛ kɔsɔkɔsɔ, nɛ a na nɔ́;

La 23:4

Ke i nyɛɛ diblii kpii mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

La 107:14

E je mɛ kɛ je diblii, kɛ mɔbɔ si himi ɔ mi, nɛ e kplɔ kɔsɔkɔsɔ ɔmɛ ngɛ a he ngɔ pue si.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yesaya 9:1

He ko he ko be nɛ a maa gu kɛ je haomi nɛ ɔ mi. Zebulun kɛ Naftali wɛtso ɔmɛ a zugba nɛ be ko mi a pue e hɛ mi si ɔ, hwɔɔ se ɔ, a maa wo e hɛ mi nyami ngɛ zugba nɛ ɔmɛ tsuo a nɔ: kɛ je Mediterenia wo ɔ beleku je kɛ yaa su Yordan pa a se, kɛ yaa su Galilea nitsɛ, he nɛ nibwɔhi hii ɔ.

Amos 5:8

Mawu lɛ bɔ dodoehi nɛ́ jeɔ gbo kɛ gbiɛ. E haa nɛ nyɔ mi peeɔ piani, nɛ piani peeɔ nyɔ mi. E yɛɔ nyu kɛ jeɔ wo mi, nɛ e plɛɔ kɛ pueɔ zugba. Lɛ ji Yawɛ ɔ nɛ.

Hiob 10:21

Ma hia blɔ be kpiti mi kɛ ya he ko nɛ i be kpalee kɛ ba hu. I yaa ma ko nɔ; lejɛ ɔ wo diblii kpii, nɛ e ngɛ gbeyegbeye.

Manyadali 5:30

“Anɛ pi ní nɛ a ngɛ hae ngɛ gbae lo? Nyumu tsuaa nyumu nɔ́ ji zangmayo kake, loo enyɔ. Sisera lɛɛ e ma na bohi nɛ a ngɔ tsopa kɛ fi; bohi nɛ a lo ní kɛ wo mi. E maa ngɔ bo ɔ kpo enyɔ ba ha mi nɛ ma kɛ ha ye kuɛ mi!”

La 4:8

Ma hwɔ si nɛ ma hwɔ mahe ngɛ tue mi jɔmi mi. Ejakaa mo, Yawɛ pɛ lɛ o haa nɛ ye he mi jɔɔ mi.