Yesaya 9:13 - BAIBLO ALOO NGMAMI KLƆUKLƆU Ɔ

¹³ Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

Yesaya 9:13 ပူးပေါင်းရင်းမြစ်များ

Hosea 7:10

Israel ma a yeɔ fɔ kaa a wo a he nɔ kɛ si Mawu, se enɛ ɔ tsuo mi ɔ, a hla we Yawɛ, a Mawu ɔ se blɔ nɛ a kpale kɛ ba e ngɔ.

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Hosea 7:16

A je ye se, nɛ mawu nɛ be he wami ko he wami ko ɔ, lɔ ɔ se a ngɛ nyɛɛe. A ngɛ kaa kɛ̃ɛ̃ nɛ kpɛ̃. A ma kpata a ma nimeli ɔmɛ a hɛ mi, ejakaa a tuɔ munyu puu; nɛ Egipt bi kɛ nɔ́ nɛ ɔ maa ye a he fɛu.”

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Yeremia 29:11

Yi mi nɛ i to ngɛ nyɛ he ɔ, imi nɔ kake too pɛ lɛ i le; i to nɛ ma ha nɛ nyɛ he mi nɛ jɔ nyɛ, se pi kaa ma hao nyɛ. Ní kpakpahi nɛ nyɛ ngɛ blɔ hyɛe ɔ, i to nɛ ma ha nyɛ.

Yesaya 57:17

Ye mi mi fu mɛ, nɛ i gbla a tue, nɛ i kua mɛ; ejakaa a peeɔ yayami, nɛ a hɛ kɔ̃ɔ̃; se kɛ̃ ɔ, a wa tue, nɛ a ya nɔ pee níhi nɛ mɛ nitsɛmɛ a suɔ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Hiob 36:13

Nihi nɛ li Mawu ɔ, mɛɛ lɛɛ a woɔ a mi mi la kɛ yaa nɔ. Ke a gbla a tue po, a fa we kue kɛ tsɛ balɔ.

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Mose V, 4:29

Nyɛ ma hla Yawɛ, nyɛ Mawu ɔ ngɛ lejɛ ɔ. Ke nyɛ hla lɛ kɛ nyɛ tsui tsuo ɔ, nyɛ maa na lɛ.

Yeremia 15:7

I ngɔ nɔ́ mi sami nɔ́ kɛ sa nyɛ mi ngɛ ma amɛ tsuo a mi ngɛ zugba a nɔ. I kpata nyɛ, ye ma a hɛ mi; i gbe nyɛ bimɛ ɔmɛ, ejakaa nyɛ kpa we nyɛ ní yayami ɔmɛ peemi.

Ezekiel 22:24

E ke, “Nɔmlɔ adesa, de Israel bi ɔmɛ ke, ligbi ɔ nɛ ye mi mi ma fu ɔ, nyɛ maa pee kaa zugba nɛ a hu we, nɛ́ hiɔmi hu nɛ́ ngɛ nɔ.

Daniel 9:13

Tue gblami ɔmɛ nɛ a wo a nɔ ta ngɛ Mose mlaa womi ɔ mi ɔ, lɛ tsuo ba wa nɔ. Se Yawɛ, wa Mawu, wa bɔɛ mɔde kaa wa maa pee o suɔmi nya ní; wa ngmɛɛ we wa yayami ɔmɛ a he, nɛ o we anɔkuale ɔ hu wa nyɛɛ we se.

Amos 4:6

“Imi lɛ i ha nɛ hwɔ ba nyɛ ma amɛ tsuo a mi ɔ nɛ; se kɛ̃ ɔ, nyɛ kpale we kɛ bɛ ye ngɔ.” Yawɛ lɛ de.

Amos 4:10

“I ha nɛ gbenɔ hiɔ ba sɛ nyɛ kpɛti kaa nɔ́ nɛ i kɛ ba Egipt zugba a nɔ be ko ɔ. I ha nɛ nyɛ nihewi ɔmɛ gbo ngɛ ta mi, nɛ nyɛ he nyɛli ɔmɛ ha nyɛ ta okpɔngɔ ɔmɛ. I ha nɛ nyɛ ni gbogboe ɔmɛ je fu wo nyɛ ngɛ nyɛ sito he ɔ. Se loloolo ɔ, nyɛ kpale we kɛ bɛ ye ngɔ.

Zefania 1:6

Jehanɛ, ma kpata nimli nɛ ɔmɛ hu a hɛ mi: ni nɛmɛ nɛ kpale kɛ je ye se, nɛ a nyɛɛ we ye se hu; ni nɛmɛ nɛ bɛ ye ngɔ, loo a ba bi we mi ga womi.”

Yesaya 7:20

“Jamɛ a be ɔ, Nyɔmtsɛ ɔ ma ya ba asoyi ngɛ Yufrate pa a se kɛ ba. E kɛ ma ba sɛ nyɛ yi bwɔmi, kɛ nyɛ nane he bwɔmi, nɛ a maa sɛ nyɛ kpɛni hulɔ. Asiria matsɛ ɔ ji asoyi ɔ nɛ.

Yesaya 19:15

Nɔ ko nɔ ko be Egipt nɛ ma nyɛ nɔ́ kpakpa ko maa pee ha mɛ, niatsɛ jio, dɛgulɔ jio, nɔ nɛ ngɛ biɛ jio, nɔ gu jio.