Yesaya 9:1 - BAIBLO ALOO NGMAMI KLƆUKLƆU Ɔ

¹ He ko he ko be nɛ a maa gu kɛ je haomi nɛ ɔ mi. Zebulun kɛ Naftali wɛtso ɔmɛ a zugba nɛ be ko mi a pue e hɛ mi si ɔ, hwɔɔ se ɔ, a maa wo e hɛ mi nyami ngɛ zugba nɛ ɔmɛ tsuo a nɔ: kɛ je Mediterenia wo ɔ beleku je kɛ yaa su Yordan pa a se, kɛ yaa su Galilea nitsɛ, he nɛ nibwɔhi hii ɔ.

Yesaya 9:1 ပူးပေါင်းရင်းမြစ်များ

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Yesaya 8:22

aloo a ma kɔkɔ a yi si kɛ hyɛ zugba mi gaa, se a be nɔ́ ko nɔ́ ko nae kaa ja haomi kɛ diblii kpii nɛ woɔ nɔ he gbeye nɛ a ngɛ mɛ fiee kɛ ngɛ mi woe.

Kronika II, 16:4

Benhadad kplɛɛ Asa munyu ɔ nɔ, nɛ e tsɔ e tatsɛmɛ ɔmɛ nɛ a ya tua Israel ma amɛ. A ngɔ Iyon, Dan, Abel Bet Maaka, kɛ Naftali nito he ma amɛ tsuo.

Kronika I, 5:26

Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:24

lɛɛ imi Yawɛ hu i kɛ nyɛ maa to ní; imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.