Yesaya 8:9 - BAIBLO ALOO NGMAMI KLƆUKLƆU Ɔ

⁹ Nyɛ je ma amɛ, nyɛɛ ye gbeye, nɛ nyɛ bua nyɛ he nya! Nyɛ nihi nɛ nyɛ ngɛ tsitsaa hu, nyɛɛ bu tue. Nyɛɛ mia kɛ ha ta, se kɛ̃ ɔ, nyɛɛ ye gbeye! Ee, nyɛɛ mia, se kɛ̃ ɔ, nyɛɛ ye gbeye!

Yesaya 8:9 ပူးပေါင်းရင်းမြစ်များ

Abɛ Womi 11:21

Anɔkuale sane ji kaa yayami peelɔ ɔ, ja a gbla e tue kokooko. Se nihi nɛ peeɔ nɔ́ nɛ da a, mɛɛ lɛɛ a maa ye a he.

Matsɛmɛ I, 20:11

Israel matsɛ, Ahab he nɔ ke, “Nyɛ ya de Matsɛ Benhadad ke, ta bulɔ kpakpa a, ta nyagbe e fĩaa ngɛ, se pi ta sisije.”

Yesaya 54:15

Ke nɔ ko ba tua mo ɔ, pi imi nɛ i tsɔ lɛ; nɔ tsuaa nɔ nɛ ma ba tua mo ɔ, jamɛ a nɔ ɔ be mo nyɛe.

Yesaya 37:36

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli 185,000 ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Yesaya 28:13

Lɔ ɔ he je nɛ Yawɛ nitsɛ maa tsɔɔ nyɛ ní nyaa kikɛ nɛ ɔ nɛ: ngmami okadi kakaaka, zã kakaaka, kɛ munyu tso ɔ hu kakaaka; kɛkɛ ɔ, nane tsuaa nane nɛ nyɛ maa hia a, nyɛ ma tɛ nɔ́ nɛ nyɛ maa nɔ si. A maa plaa nyɛ; nyɛ maa du klama, nɛ a maa nuu nyɛ kɛ ho.

Yeremia 42:11

Nyɛ ko ye Babilonia matsɛ ɔ gbeye hu. I kɛ nyɛ ngɛ, nɛ ma je nyɛ kɛ je e dɛ mi.

Yeremia 51:20

Yawɛ ke, “Babilonia, ye hamle ji mo; o ngɛ kaa ye ta hwumi ní. I ngɔ mo kɛ kpata je mahi, kɛ matsɛ yemihi a hɛ mi.

Ezekiel 38:7

De lɛ ke e pee e tabo ɔ, kɛ nɔ́ tsuaa nɔ́ klaalo.

Yoshua 11:5

Matsɛmɛ nɛ ɔmɛ tsuo bua a tabo ɔmɛ a nya ngɛ he kake, nɛ a gba ta ngɔ wo Israel he ngɛ Merom pa a nya.

Yeremia 46:3

“Egipt asafoatsɛmɛ ɔmɛ kpa ngmlaa ke, ‘Nyɛ dla nyɛ he kɛ nyɛ tsɛi ɔmɛ, nɛ nyɛɛ hia ta!

Yeremia 46:4

Nyɛɛ mia nyɛ okpɔngɔ ɔmɛ, nɛ nyɛɛ hi a nɔ! Nyɛ bu nyɛ dade pɛɛ ɔmɛ, nɛ nyɛ ya da nyɛ blɔ hehi! Nyɛɛ duɔ nyɛ akplɔ ɔmɛ a nya. Nyɛ kpla nyɛ ta hwumi ní ɔmɛ!’ ”

Ezekiel 38:8

Jeha komɛ a se ɔ, ma ha e ma ya tua nihi ngɛ Israel yo ɔmɛ a nɔ. A kɛ ta kpata zugba nɛ ɔ hɛ mi be ko, nɛ a si lejɛ ɔ ngɔ fɔ si gu jeha babauu, se jehanɛ lɛɛ a bua nihi a nya ngɛ lejɛ ɔ ngɛ tue mi jɔmi mi.