Yesaya 8:8 - BAIBLO ALOO NGMAMI KLƆUKLƆU Ɔ

⁸ He nyɛli ɔmɛ ma ba gu Yuda zugba a nɔ kaa pa nɛ hyi ywia nga kɛ su nɔ konɔ tɔɔ, nɛ e ha nɔ́ tsuaa nɔ́ nɔ.” Mawu kɛ wɔ ngɛ! E bli e pɛlihi a mi kɛ ngɛ zugba a he bue.

Yesaya 8:8 ပူးပေါင်းရင်းမြစ်များ

Matsɛmɛ II, 17:3

E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.

Kronika II, 12:4

Shishak ngɔ mahi nɛ a fia gbogbo ngɔ wo a he ngɛ Yuda a, nɛ e ba su Yerusalem tɔɔ.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 30:28

Ke e wo mumi ɔ, e ngɛ kaa pa nɛ hia lalaala kɛ bee nɛ hyiɔ kɛ ya taa nɔ kuɛ si tɔɔ, konɛ e sa je ma amɛ a mi nɛ e gbla a tue. Kɛkɛ ɔ, yi mi yaya nɛ a to ɔ tsuo maa pee yaka.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yesaya 7:17

“Yawɛ ma ha haomi be ko ma ba na mo, kɛ o ma mi bi ɔmɛ, kɛ matsɛ weku ɔ tsuo. Kɛ je be nɛ Israel kɛ Yuda mi gba nɛ ɔ, be yaya kaa enɛ ɔ eko bɛ hyɛ. Asiria matsɛ ɔ ji haomi nɛ Yawɛ maa ngɔ kɛ ba a nɛ.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yeremia 47:2

Yawɛ ke, “Hyɛ! Nyu babauu je omleyi je kɛ ma kaa pa nɛ hia lalaala. Nyu nɛ ɔ ma ba ha zugba a nɔ tsuo; e maa ha mahi, nimli, kɛ nɔ́ tsuaa nɔ́ nɔ. Ngmlaa maa je nyumuhi po a nya, nɛ nɔ tsuaa nɔ maa wo yana ngɛ zugba a nɔ.

Yeremia 48:40

Bɔ nɛ Yawɛ de to ji nɛ ɔ nɛ. E ke, “Je ma ko ma ba tua Moab tlukaa kaa kɔle nɛ gbɛ e pɛlihi a mi kɛ ma.

Yeremia 51:42

Wo ɔ te si kɛ wo Babilon, nɛ wo oslɔke ɔmɛ nɛ ngɛ pɛe ɔ ha e nɔ.

Ezekiel 17:3

nɛ o de mɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Kɔle agbo ko hi si. E ngɛ pɛli agbohi, kɛ tsɛli pinopino nɛ hɛɛ asasa su. Ligbi ko ɔ, kɔle ɔ te kɛ ba Lebanon yo ɔmɛ a nɔ, nɛ e ba ma seda tso ko yi mi. E kplɔ tso ɔ he kɔnihi nɛ e je ɔ yi mi mlɔmlɔɔmlɔ ɔ.

Ezekiel 26:19

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha o ní maa pee mɔbɔ kaa ma doku nɛ nɔ ko nɔ ko be mi. O ma mu kɛ ya wo ɔ sisi tɔɔ.

Daniel 11:10

“Siria matsɛ ɔ bimɛ ma dla kɛ ha ta, nɛ a ma bua tabohi babauu a nya. A maa hia kɛ ya tua a he nyɛli ɔmɛ a mɔ ɔ kaa pa nɛ hia kɛ bee.

Mika 1:9

Samaria ma mi bi ɔmɛ a he pa a be tsa ba; Yuda hu miɔ nɛ e maa sɛ jamɛ a haomi ɔ nɔuu mi. Lɔ ɔ ji kaa hɛ mi kpatami su ye ma, Yerusalem agbo ɔ nya.”

Mika 5:5

E kɛ tue mi jɔmi maa ba. Ke Asiria bi ɔmɛ ba wa zugba a nɔ nɛ a ba tua wa mɔ ɔmɛ ɔ, wa ma ha wa katsɛmɛ kpanaa amɛ nɛ nyɛɛɔ wa hɛ mi ɔ maa ya nɛ a kɛ mɛ ma ya hwu ta.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”