Yesaya 8:6 - BAIBLO ALOO NGMAMI KLƆUKLƆU Ɔ

⁶ E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Yesaya 8:6 ပူးပေါင်းရင်းမြစ်များ

Yohane 9:7

Yesu de lɛ ke, “Yaa Siloam pa a mi nɛ o ya fɔ o he.” (Siloam sisi ji a tsɔ lɛ.) Kɛkɛ nɛ nyumu ɔ pue nɔ kɛ ho, nɛ e ya fɔ e he; nɛ benɛ e kpale kɛ ma a, e bɔni nɔ́ hyɛmi.

Nehemia 3:15

Kolhoze binyumu Shalum, Mizpa zugba a nɔ yelɔ ɔ dla Nyu Vu Agbo ɔ. E fia ekohu, nɛ e tsi e yi mi ɔ. E ma sinya amɛ, nɛ e wo a nya dadehi kɛ a se lami níhi. Gbogbo ɔ nɛ tsa matsɛ abɔɔ ɔ nɔ ngɛ Shela Taku ɔ he ɔ, lɛ kɛ̃ nɛ e fia jamɛ a gbogbo ɔ kɛ ya su kpoku ɔmɛ nɛ a kɛ kpleɔ si kɛ jee David ma a mi ɔ a he.

Yeremia 18:14

Lebanon tɛ sa yo ɔmɛ ɔ, anɛ snoo ta a nɔ hyɛ lo? Nyu jɔjɔɛ ɔ nɛ jeɔ yo ɔmɛ a mi babaaba pueɔ si ɔ, anɛ e se po hyɛ lo?

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Yesaya 7:6

A to a yi mi kaa a ma ba tua Yuda, nɛ a maa wo ni ɔmɛ a he gbeye, bɔ nɛ pee nɛ a kɛ mɛ nɛ pee kake. Kɛkɛ ɔ, a maa wo Tabeel bi ɔ matsɛ.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Matsɛmɛ I, 7:16

Jehanɛ, e pee akɔblee kpɔ enyɔ kɛ ma titima amɛ a yi mi; kake hiɔwe yami ji nine mi blimi nyɔngma.

Luka 13:4

Ni nyɔngma kɛ kpaanyɔ ɔmɛ nɛ mɔ ɔ ku pue a nɔ ngɛ Siloam nɛ a gbo ɔ, mɛ nɛɛ? Anɛ nyɛ susu kaa lɔ ɔ tsɔɔ kaa mɛ kɛkɛ ji yayami peeli pe nihi tsuo nɛ ngɛ Yerusalem ɔ lo?

La 46:4

Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

Yesaya 1:20

Se ke nyɛ kpale we, nɛ nyɛ tsɔ atuã a, lɛɛ nyɛ ma gbo ngɛ klaate nya. Imi, Yawɛ, lɛ i de.”

Yesaya 7:9

Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

Yesaya 8:5

Yawɛ kɛ mi tu munyu ekohu.

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

Yesaya 30:12

Se bɔ nɛ Israel Mawu klɔuklɔu ɔ ngɛ dee ji nɛ ɔ nɛ: “Nyɛ bui nɔ́ nɛ i ngɛ nyɛ dee ɔ, nɛ nyɛ ngɔ nyɛ hɛ ngɔ fɔ basabasa peemi, kɛ sisimi nɔ.

Yesaya 7:4

De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.