Yesaya 8:4 - BAIBLO ALOO NGMAMI KLƆUKLƆU Ɔ

⁴ Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Yesaya 8:4 ပူးပေါင်းရင်းမြစ်များ

Romabi 9:11

Se bɔ nɛ pee nɛ yi mi nɛ Mawu to kɛ hla nɔ kake ɔ nɛ ba mi ɔ, be nɛ a na we nɛ a fɔ mɛ tete, pohu a na we nɛ a pee nɔ́ kpakpa ko, loo nɔ́ yaya ko ɔ,

Yona 4:11

Nɛ imi lɛɛ e sɛ kaa Nineve sane dɔɔ mi lo? Nineve ɔ, ma ngua, kɛ e mi nimli babauu, maa pee 120,000 kɛ se, nɛ a li kpakpa kɛ yayami a kpɛti slɔɔto. Lohwehi babauu hu ngɛ ma a mi.”

Matsɛmɛ II, 17:3

E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.

Matsɛmɛ II, 16:9

Asiria matsɛ ɔ bu lɛ tue, nɛ e hia kɛ ya tua Damasko. E ngɔ ma a, nɛ e gbe Matsɛ Rezin; se ma a mi bi ɔmɛ lɛɛ e nuu mɛ nyɔguɛ kɛ ho Kir ya.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Mose V, 1:39

“Jehanɛ Yawɛ de wɔ tsuo ke, ‘Nyɛ bimɛ tsɔwi ɔmɛ nɛ na we nɛ a le slɔɔto nɛ ngɛ kpakpa kɛ yayami a kpɛti lolo, nɛ́ nyɛ de ngɛ a he ke he nyɛli ma ba nuu mɛ ɔ, mɛ ma ngɔ zugba a kɛ ha nɛ a hi nɔ.

Yesaya 17:3

Israel be lɛ nitsɛ e he nyɛe ma fa hu, nɛ Damasko nɔ yemi ɔ se maa po. Siria bi nɛ a yi ma na wami ɔ, zo maa gbe mɛ kaa Israel bi ɔmɛ nɔuu. Imi, Yawɛ Tabohiatsɛ lɛ i de.”

Yesaya 8:5

Yawɛ kɛ mi tu munyu ekohu.

Yesaya 17:1

Bɔ nɛ Yawɛ de ji nɛ ɔ nɛ: “Damasko be ma nitsɛ pee hu; e ma ba pee ma doku kulaa.

Amos 1:3

Yawɛ ke, “Siria ma ngua Damasko bi ɔmɛ pee yayamihi nɔtonɔto babauu; a wa Gilead bi ɔmɛ yi mi, nɛ a pee mɛ nisɛ ní a ní. Enɛ ɔ he je ɔ, ja i gbla a tue kokooko.

Yesaya 28:4

Bɔ nɛ ke nɔ ko na ngmɔkɔ nɛ fu loko e fumi be su, nɛ e tsɔɔ nɛ e yeɔ tsuatsuaatsua a, ja ma nimeli nɛ ɔmɛ a hɛ mi nyami ɔ maa laa si kake too.

Amos 1:5

Gbogbo nɛ a fia kɛ bɔle Damasko ma a, agbohi nɛ a je ngɛ mi ɔ, ma ywia mɛ. Ma gbe nihi nɛ ngɛ Aven kɔ̃ ɔ mi, kɛ Beteden ma nɔ yelɔ ɔ. A maa nuu Siria bi ɔmɛ nyɔguɛ kɛ ya Kir zugba a nɔ.” Yawɛ lɛ de.