Yesaya 8:21 - BAIBLO ALOO NGMAMI KLƆUKLƆU Ɔ

²¹ Ni komɛ maa wo lalaalo ngɛ zugba a nɔ; hwɔ maa ye mɛ, nɛ a ní maa pee mɔbɔ. Mi mi fumi, kɛ hwɔ nɛ ngɛ mɛ yee he je ɔ, a maa gbiɛ a matsɛ ɔ, kɛ a mawu ɔmɛ. A ma wo a yi nɔ kɛ hyɛ hiɔwe,

Yesaya 8:21 ပူးပေါင်းရင်းမြစ်များ

Yesaya 9:20

O maa na nɛ nihi ngɛ ní gblɔe hiɔ kɛ muɔ, nɛ a ngɛ yee tsuatsuaatsua, se a tɔɛ gblee. Mɛ nitsɛmɛ a bimɛ po, a ngɛ yee!

Abɛ Womi 19:3

Ke nɔ ko ya biɛ nɛ haomi ba e nɔ ɔ, kɛkɛ e ngɔ abofu ɔ ya kple Yawɛ mohu nɔ.

Yeremia 52:6

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa, nɛ ma mi bi ɔmɛ na we ní nɛ a ye ɔ,

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Hiob 2:9

Jehanɛ, e yo ɔ de lɛ ke, “Tse o ngɛ anɔkuale ɔ yee kɛ mwɔɔ! Gbiɛ Mawu, nɛ o gbo!”

Hiob 2:5

Moo lɛɛ moo ye e nɔmlɔ tso ɔ awi kaa e be mo gbiɛe ngɛ o hɛ mi lo!”

Hiob 1:11

Moo lɛɛ mo he ní ɔmɛ ngɛ e dɛ kaa e be mo gbiɛe ngɛ o hɛ mi lo!”

Matsɛmɛ II, 25:3

Nyɔhiɔ nɛ ji eywiɛ ɔ we ligbi nɛ ji nɛɛ ɔ, benɛ hwɔ ɔ nya ba wa nɛ ma mi bi ɔmɛ na we ní nɛ a ye ɔ,

Mose II, 22:28

“Ko jɛ Mawu; nɛ koo gbiɛ o matsɛ.

Matsɛmɛ II, 6:33

Benɛ e kɛ mɛ ngɛ munyu tue, nɛ e nya na we nɛ e nɔ si ɔ, matsɛ ɔ ba hia kpo; nɛ e de ke, “Haomi nɛ ɔ, Yawɛ ngɔ e je! Lɛɛ mɛni he i pa ngɛ Yawɛ mlɛe ma pee mɔ?”

Samuel I, 8:18

Jamɛ a be ɔ, nyɛ maa wo yana ngɛ matsɛ ɔ nɛ nyɛ nitsɛmɛ nyɛ hla a e ní peepee he, se Yawɛ be nyɛ nya mi poe.”

Hiob 18:12

Hwɔ maa ye lɛ hluu kɛ yaa si e he wami maa ta. Amanehlu maa tsɛ̃ lɛ kɛ fɔ si bum!

Yesaya 9:21

Manase bi, kɛ Efraim bi maa hwu ta, nɛ lɔ ɔ se ɔ, a ma bua kɛ wo Yuda he. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 14:30

Yawɛ ma ha ohiatsɛmɛ a bimɛ ɔmɛ niye ní, nɛ e ma ha nɛ nɔ́ nali maa hi si ngɛ tue mi jɔmi mi. Se nyɛ Filisti bi ɔmɛ lɛɛ e ma ha hwɔ nɛ nya wa maa ye nyɛ; hwɔ nɛ ɔ maa gbe nyɛ tsuo pɛpɛɛpɛ nɛ e be nɔ kake ngmelu po piɛe.

Yesaya 51:19

Haomi enyɔ nɛ ɔmɛ ba o nɔ; ta ba kpata o zugba a hɛ mi, nɛ hwɔ nɛ nya wa ngɛ ni ɔmɛ yee. Mɛnɔ maa jɔɔ o bua?

Yesaya 59:9

Bɔ nɛ ma a ngɛ dee ji nɛ ɔ nɛ: “Jehanɛ lɛɛ wa na le nɔ́ he je nɛ Mawu je we wɔ kɛ ji nihi nɛ ngɛ wɔ yi mi wae ɔ a dɛ mi. Wa hyɛɛ blɔ kaa wa ma na la kɛ nyɛɛ, se wa ná we; diblii kpii mi mohu wa nyɛɛɔ;

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.