Yesaya 8:19 - BAIBLO ALOO NGMAMI KLƆUKLƆU Ɔ

¹⁹ Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Yesaya 8:19 ပူးပေါင်းရင်းမြစ်များ

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Kronika II, 33:6

E ngɔ e binyumuhi kɛ sã sami bɔhi ngɛ Hinom kɔ̃ ɔ mi. E kla, e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

La 106:28

Jehanɛ, Mawu ma a ya piɛ je ma amɛ a he nɛ a kɛ mɛ ja Baal nɛ ngɛ Peor ɔ. Bɔhi nɛ a sã ha a ni gbogboe ɔmɛ hu a kɛ mɛ ye.

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Yesaya 29:4

Yerusalem maa pee kaa kpade ko nɛ ngɛ mɔde bɔe kaa e maa tu munyu kɛ je zu mi lokoo; e gbi ɔ maa pee kaa gugwɔ mi gbi.

Yesaya 19:3

Ma ha ga amɛ nɛ Egipt bi ɔmɛ to ɔ maa pee yaka, nɛ a mumu nya maa ta. A ma de amaga amɛ ke a ba piɛ a he; a ma ya bi ní ngɛ ní peeli a ngɔ, nɛ a ma bi ga womi kɛ je klamɔhi, kɛ kpade tsɛli a ngɔ.

Samuel I, 28:8

Kɛkɛ nɛ Saul tsake e he nɛ e wo tade kpa, nɛ gbɔkuɛ ɔ, e kɛ nyumuhi enyɔ pue nɔ kɛ ho yo ɔ ngɔ ya. E de yo ɔ ke, “Moo pee ní ha mi, nɛ nɔ tsuaa nɔ nɛ ma tsɛ e biɛ ɔ, o ha nɛ nɔ ɔ susuma nɛ ba.”

Mose V, 18:11

e ko fi kablɛ, e ko tsɛ kpade, nɛ e ko bi ní hulɔ.

Yeremia 10:10

Se mo Yawɛ, Mawu nitsɛnitsɛ ji mo; mo ji Mawu hɛ kalɔ ɔ nɛ; neneene matsɛ ji mo. Ke o mi mi fu ɔ, zugba mimiɛɔ, nɛ je ma amɛ nyɛ we nya dami.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

Matsɛmɛ II, 1:3

Se Yawɛ bɔfo ɔ de gbalɔ Eliya nɛ je Tishbe ɔ ke e ya nɛ e kɛ Matsɛ Ahazia tsɔli ɔmɛ ya kpe, nɛ e bi mɛ ke, “Mɛni he je nyɛ yaa bi ní ngɛ Ekron mawu Baalzebub ɔ ngɔ ɔ? Anɛ Mawu be Israel lo?

Matsɛmɛ II, 23:24

Jehanɛ se hu, Matsɛ Yosia gu kpade tsɛmi, klaami, amagahi nɛ a kpɛ́, wɔhi, kɛ níhi nɛ a hiee tsuo a jami ngɛ Yerusalem kɛ Yuda ma kpa amɛ a mi. E pee nɔ́ nɛ ɔ, bɔ nɛ pee nɛ mlaa amɛ nɛ a ngma ngɛ womi ɔ nɛ osɔfo Hilkia ya na ngɛ Yawɛ we ɔ, ma a nɛ a ye nɔ.

Samuel I, 28:16

Samuel bi lɛ ke, “Mɛni he je o ba ngɛ mi tsɛe be mi nɛ Yawɛ je o se, nɛ e plɛ pee o he nyɛlɔ ɔ?

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Samuel I, 28:11

Yo ɔ bi lɛ ke, “Mɛnɔ ma tsɛ ha mo?” Nɛ Saul he nɔ ke, “Tsɛ Samuel ha mi.”

1 Tesalonikabi 1:9

Ni ɔmɛ tsuo yeɔ nyɛ he odase kpakpa kaa benɛ wa ba slaa nyɛ ɔ, nyɛ he wɔ atuu. Jehanɛ ɔ hu, nyɛ kpale kɛ je amagahi a se kɛ ba Mawu ngɔ, konɛ nyɛ ba sɔmɔ anɔkuale Mawu hɛ kalɔ ɔ.

Ni Tsumi 16:16

Ligbi ko benɛ wa yaa he nɛ a sɔlee ngɛ ɔ, waa kɛ nyɔguɛ yiheyo ko nɛ klaami mumi ngɛ e mi kpe. E kɛ mumi nɛ ɔ peeɔ sika kɛ haa e nyɔmtsɛmɛ ɔmɛ.

Mose I, 41:24

Blɛfo tso kpaago nɛ wui ní ɔ mii blɛfo tso kpaago kpa amɛ nɛ wo ní ɔ. I de kunya yeli ɔmɛ nlami nɛ ɔmɛ, se a ti nɔ ko nɔ ko nyɛ we nɛ e tsɔɔ mi sisi.”

Yesaya 26:14

O ha a gbo pɛsɛɛ, a be je mi hu; a kpadehi tete be si tee, ejakaa o gbla a tue; o kpata a hɛ mi pɛsɛɛ, nɔ ko nɔ ko kaii we mɛ hu.

Yesaya 30:2

A yaa Egipt nɛ a ya biɔ yemi kɛ buami kɛ jeɔ Egipt matsɛ ɔ dɛ mi, be nɛ imi lɛɛ a bi we mi ga womi.

Yesaya 45:11

Bɔ nɛ Yawɛ, Israel Mawu klɔuklɔu ɔ, kɛ je ɔ bɔlɔ ɔ ngɛ dee ji nɛ ɔ nɛ: “Anɛ nɔ ko ngɛ he blɔ kaa e deɔ nɔ́ ko kɛ siɔ mi lo, nɔ́ nɛ kɔɔ ye bimɛ ɔmɛ a he jio, nɔ́ nɛ kɔɔ ye nine nya ní tsumi he jio?

Yesaya 47:12

Kunya nɛ o ye, kɛ kablɛ nɛ o fi kɛ je o jokuɛwi a si ɔ, pɛtɛ he. Eko piɔ, a ma ha nɛ nihi a mi maa hi ha mo, nɛ o he nyɛli maa ye mo gbeye.

Yesaya 47:13

Nihi nɛ le hiɔwe níhi a mi, nihi nɛ kase dodoe ɔmɛ a he ní, kɛ nihi nɛ pee hiɔwe mi dlami ɔmɛ a he foni, nɛ a deɔ mo níhi nɛ maa ba o nɔ nyɔhiɔ tsuaa nyɔhiɔ mi ɔ, ha nɛ a ba nɛ a ba he o yi wami koo! Se pɔ tɔ mo kɛ a ga womi ɔmɛ!

Yeremia 27:9

Lɔ ɔ he ɔ, nyɛ ko bu nyɛ gbali ɔmɛ, klaali ɔmɛ, kpade tsɛli ɔmɛ, kɛ kunya yeli ɔmɛ tue. Mɛ tsuo a deɔ nyɛ ke nyɛ ko sɔmɔ Babilonia matsɛ ɔ.

Mika 5:12

Ma kpata nyɛ kunya yeli ɔmɛ tsuo a hɛ mi, nɛ a be klaalɔ ko nae ngɛ nyɛ kpɛti hu.

Mose V, 18:10

Mo ko sã o bimɛ ngɛ o bɔ sami la tɛ nɔ; jehanɛ hu, nyɛ ti nɔ ko kó klaa, e ko pee nyakpɛ ní, e ko nu wɔ, e ko tsu kunya,

Samuel I, 28:7

Lɔ ɔ he ɔ, Saul de e tsɔli ɔmɛ ke, “Nyɛ hla yo ko nɛ peeɔ ní ha mi nɛ ma ya e ngɔ ya bi ní.” E tsɔli ɔmɛ de lɛ ke, “Wa kpa mo pɛɛ, yo ní peelɔ ko ngɛ Endor.”