Yesaya 8:18 - BAIBLO ALOO NGMAMI KLƆUKLƆU Ɔ

¹⁸ Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

Yesaya 8:18 ပူးပေါင်းရင်းမြစ်များ

Luka 2:34

Simeon gbaa mɛ, nɛ e de bimwɔyo ɔ nyɛ Maria ke, “Mawu hla jokuɛ nɛ ɔ kɛ ha nihi babauu a hɛ mi kpatami, kɛ nihi babauu hu a yi wami hemi ngɛ Israel. E maa pee okadi ko nɛ je Mawu ngɔ, nɛ́ nimli babauu maa tu munyu kɛ si;

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.

La 71:7

Mo ji ye wesa he nɛ he wa; enɛ ɔ he je ɔ, i ba pee nɔ hyɛmi nɔ́ kɛ ha nihi babauu.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

La 22:30

Yi nɔhi nɛ maa ba hwɔɔ se ɔ ma sɔmɔ lɛ. Nihi maa sɛɛ Nyɔmtsɛ ɔ he ní kɛ ha hwɔɔ se bimɛ.

La 9:11

Nyɛ la kɛ je Yawɛ yi; Yawɛ nɛ ngɛ Zion ɔ, nyɛ je e yi. Nyɛɛ sɛɛ níhi nɛ e pee ɔ kɛ ha je ma amɛ tsuo.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 7:16

Jamɛ a be ɔ be sue tete po nɛ matsɛmɛ enyɔ ɔmɛ nɛ ngɛ nyɛ he gbeye woe ɔ a zugba amɛ a nɔ maa je gu.

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Kronika I, 23:25

David de ke, “Yawɛ, Israel Mawu ɔ ha e ma a tue mi jɔmi, nɛ lɛ nitsɛ e maa hi Yerusalem daa.

Hebribi 10:33

Be komɛ ɔ, a jɛɔ nyɛ, nɛ a peeɔ nyɛ nisɛ ní ngɛ ma hɛ mi; nɛ be komɛ hu, a buu nyɛ kɛ piɛɔ nihi nɛ a ngɛ mɛ yi mi wae ɔ a he.

Yesaya 7:3

Yawɛ de Yesaya ke, “Yaa nɛ o kɛ Matsɛ Ahaz ya kpe; ngɔɔ o bi Shear Yashub ngɔ piɛ o he kɛ ya. O maa na lɛ ngɛ gbɛjegbɛ ɔ nɔ ngɛ bo loli a ní tsumi he ɔ, he nɛ nyu dɔ nɛ gblaa nyu kɛ jee pa a nɛ ngɛ yiti je ɔ nya ya ta ngɛ ɔ.

Ezekiel 14:8

Ye hɛ maa dɔ kɛ wo jamɛ a nɔ ɔ wawɛɛ; ma ngɔ lɛ kɛ pee okadi gbeyegbeye, kɛ abɛ nɛ a maa bu. Ma kpata e hɛ mi kɛ je je ma amɛ a mi, konɛ nyɛɛ le kaa imi ji Yawɛ.

Yesaya 8:3

Pee se ɔ, i kɛ ye yo, gbalɔyo ɔ na bɔmi. E ngɔ hɔ nɛ e fɔ binyumu. Kɛkɛ nɛ Yawɛ de mi ke, “Wo lɛ biɛ ke, ‘Puɛ ní esɔ, haa ní kɛ fo.’

Mose I, 33:5

Benɛ Esau na yi ɔmɛ kɛ jokuɛwi ɔmɛ ɔ, e bi ke, “Mɛnɔmɛ o kɛ nyɛɛ ɔ?” Yakob he nɔ ke, “Bimɛ nɛ Mawu kɛ dloo imi, o tsɔlɔ ɔ ji nɛ ɔmɛ nɛ.”

Mose V, 28:46

Haomi ɔmɛ maa pee okadi, kɛ kɔkɔ bɔmi nɛ je Mawu ngɔ ha nyɛɛ kɛ nyɛ nina kɛ maa ya neneene.

Yesaya 20:3

Benɛ a ngɔ Ashdod ma a, Yawɛ de ke, “Ye tsɔlɔ Yesaya hɛɛ e he gu, nɛ e nyɛɛ e nane gu jeha etɛ. Nɔ́ nɛ maa ba Egipt kɛ Sudan a nɔ ɔ he okadi ji nɛ ɔ nɛ.

Yeremia 44:29

Imi Yawɛ, ma to nyɛ okadi kaa ma gbla nyɛ tue ngɛ hiɛmɛ nɛ ɔ; nɛ lɔ ɔ nyɛɛ kɛ maa na kaa si ko nɛ i wo kaa ma kpata nyɛ hɛ mi ɔ maa ba mi niinɛ.

Ezekiel 4:3

Ngɔɔ dade pɛtɛɛ ko nɛ o kɛ pee dade gbogbo ngɛ o kɛ ma a nyɛ kpɛti. Lɔ ɔ se ɔ, plɛ o hɛ mi kɛ kpee ma a. A sa ma a yi! Mo ji nɔ nɛ sa ma a yi ɔ nɛ. Enɛ ɔ maa pee okadi kɛ ha Israel ma a.

Ezekiel 12:6

A hɛ mi nɔuu ɔ, benɛ du bu ɔ, ngɔɔ o tlomi ɔ ngɔ fɔ o konɔ kɛ je kpo. Ngɔɔ nɔ́ kɛ ha o hɛ mi, konɛ o ko na zugba, he nɛ o ngɛ nyɛɛe kɛ yaa a. Nɔ́ nɛ o maa pee nɛ ɔ maa pee okadi kɛ ha Israel ma a.”

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

Luka 2:18

Nihi tsuo nɛ nu amaniɛ ɔ nɛ to hyɛli ɔmɛ bɔ ɔ, a hɛ mi pee mɛ yaa.