Yesaya 8:16 - BAIBLO ALOO NGMAMI KLƆUKLƆU Ɔ

¹⁶ Sɛ gbihi nɛ Mawu ngɔ ha mi ɔ, nyɛ, ye kaseli ɔmɛ, nyɛɛ hyɛ a nɔ saminya, konɛ a hi si daa.

Yesaya 8:16 ပူးပေါင်းရင်းမြစ်များ

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Hebribi 3:5

Mose ye anɔkuale ngɛ Mawu we ɔ kulaa nɔ kaa sɔmɔlɔ, nɛ e ye odase ngɛ níhi nɛ a ma de hwɔɔ se ɔ a he.

Marko 4:34

Abɛhi a mi pɛ e kɛ mɛ tuɔ munyu ngɛ, se ke e piɛ e kɛ e kaseli ɔmɛ pɛ ɔ, e tsɔɔ mɛ abɛ ɔmɛ tsuo a sisi.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 10:4

Benɛ hiɔwe si si kpaago ɔ, jinɛ i miɔ nɛ ma ngma nɔ́ nɛ a de ɔ. Se i nu nɛ gbi ko je hiɔwe de ke, “Nɔ́ nɛ hiɔwe simi kpaago ɔ de ɔ, kɛ to o yi mi; koo ngma!”

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

Marko 10:10

Benɛ a kpale kɛ ba we mi ɔ, Yesu kaseli ɔmɛ bi lɛ munyu ngɛ sane nɛ ɔ he ekohu.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Mose V, 4:45

Benɛ Israel bi ɔmɛ je Egipt, nɛ a ba su kɔ̃ ɔ nɛ ngɛ Yordan pa a beleku je ngɛ Betpeor hanɔ ɔ, nɛ e ha mɛ mlaa nɛ ɔmɛ ɔ nɛ. Sa a, Amor bi ɔmɛ a matsɛ, Sihon nɛ je Heshbon ɔ nɛ ye zugba nɛ ɔ nɔ. Se Mose kɛ Israel bi ɔmɛ ba ye e nɔ, benɛ a je Egipt kɛ ma a.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.