Yesaya 7:9 - BAIBLO ALOO NGMAMI KLƆUKLƆU Ɔ

⁹ Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

Yesaya 7:9 ပူးပေါင်းရင်းမြစ်များ

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Romabi 11:20

Saminya! Hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si ɔ nɛ. O yi ko fu, se mohu o hɛ nɛ hi o he nɔ.

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

1 Yohane 5:10

Lɔ ɔ he ɔ, nɔ tsuaa nɔ nɛ heɔ Mawu Bi ɔ yeɔ ɔ ngɔɔ odase nɛ ɔ kɛ toɔ lɛ nitsɛ e tsui mi, nɛ e hii he susue. Se nɔ nɛ he we Mawu yi ɔ ha nɛ Mawu plɛ lakpatsɛ; ejakaa nɔ́ nɛ Mawu de ngɛ e Bi ɔ he ɔ, nɔ ɔ he we yi.

Ni Tsumi 27:25

Lɔ ɔ he ɔ, tsaatsɛmɛ, nyɛ na tsui ejakaa i heɔ Mawu yeɔ, nɛ i le kaa bɔ nɛ e de mi ɔ, jã nɛ e maa ba mi.

Ni Tsumi 27:11

Se munyu nɛ kudɔɔtsɛ ɔ, kɛ lɛtsɛ ɔ tu ɔ mohu ya asafoatsɛ ɔ yi mi pe ga nɛ Paulo wo mɛ ɔ.

Matsɛmɛ II, 15:27

Yuda matsɛ, Uzia yi nɔ jeha nɛ ji nyingmi enuɔ kɛ enyɔ ɔ mi ɔ, Remalia binyumu Peka bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyingmi enyɔ.

Yesaya 5:24

Lɔ ɔ he ɔ, Israel hɛ mi ma ba kpata pɛsɛpɛsɛ kaa bɔ nɛ la sãã hu kɛ nga gbigbli ɔ. Nɔ́ nɛ ɔ maa ba a nɔ, ejakaa a kua Yawɛ Tabohiatsɛ ɔ mlaa amɛ. A yi Israel Mawu klɔuklɔu ɔ mlaa amɛ a nɔ.

Yesaya 7:4

De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.

Yesaya 7:10

Yawɛ kɛ sɛ gbi kpa mane Ahaz ke,

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Yesaya 9:9

Israel bi tsuo nɛ ngɛ Samaria ma a mi ɔ, a ti nɔ tsuaa nɔ ma na maa le kaa lɛ nɛ e tsu nɔ́ nɛ ɔ nɛ. Amlɔ nɛ ɔ lɛɛ, a ngɛ a he nɔ woe; a ngɛ pupuupu pee. A ngɛ dee ke,

Yeremia 43:2

Benɛ i gbe nya a, Hoshaya bi Azaria, Karea bi Yohanan, kɛ nyumuhi he nɔ woli kpa amɛ tsuo de mi ke, “Lakpa munyu o ngɛ tue nɛ ɔ nɛ. Yawɛ, wa Mawu ɔ tsɔ we mo ke o ba de wɔ ke wa ko ya hi Egipt.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!

Yesaya 28:1

Musu tloo Efraim nina, Israel nɔ yemi ɔ. E hɛ mi nyami ɔ ngɛ tae kaa mɔmɔ jlasi nɛ ma nimeli dã tɔli ngɔ fi a yi. A wo a yi mi nu je via saminya lɛɛ, se hyɛ mɛ nɛ a tɔ dã kpɔtɔɔ kɛ pueɔ si.