Yesaya 7:4 - BAIBLO ALOO NGMAMI KLƆUKLƆU Ɔ

⁴ De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.

Yesaya 7:4 ပူးပေါင်းရင်းမြစ်များ

Yesaya 35:4

Nyɛ de nɔ tsuaa nɔ nɛ e tsui ngɛ poe ɔ ke, “Wlua mo, koo ye gbeye! Hyɛ, o Mawu ɔ ma nɛ e ba kpɔ mo! E ma nɛ e ba gbla o he nyɛli ɔmɛ a tue.”

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.

Yesaya 30:15

Nyɔmtsɛ Yawɛ, Israel Mawu klɔuklɔu ɔ ngɛ ma a dee ke, “Nyɛɛ kpale kɛ ba, nɛ nyɛɛ ngɔ nyɛ hɛ ngɔ fɔ ye nɔ kpoo. Ja jã loko nyɛ he maa wa, nɛ nyɛ ma na wami.” Se nyɛ kplɛɛ we kaa nyɛ maa pee ja!

Mose V, 20:3

‘Nyɛɛ bu tue, Israel bi! Mwɔnɛ ɔ, nyɛ su ta nya. Nyɛ ko ye nyɛ he nyɛli ɔmɛ gbeye, nyɛ kã nɛ ko ta, nɛ nyɛ ko nu sawale.

Mateo 24:6

Nyɛ maa nu tahi a he, kɛ akeake hu nɛ ngɛ pɛe ngɛ tahi a he. Se nyɛ tsui ko po. Ja ní nɛ ɔmɛ tsuo ba mi; se kɛ̃, lɔ ɔ tsɔɔ we kaa nyagbe ɔ su ta.

Zakaria 3:2

Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Yesaya 30:7

Egipt be nɔ́ kpakpa ko nyɛe maa pee. Lɔ ɔ he ɔ, i wo lɛ se mi biɛ ke, ‘Nyaka nɛ tee, se e he be gbeye.’ ”

Yesaya 10:24

Lɔ ɔ he ɔ, bɔ nɛ Nyɔmtsɛ Yawɛ Tabohiatsɛ ɔ ngɛ e ma nɛ ngɛ Zion ɔ dee ji nɛ ɔ nɛ: “Nyɛ ko ye Asiria bi ɔmɛ gbeye; ke kaa a ngɛ nyɛ yi mi wae kaa bɔ nɛ Egipt bi ɔmɛ pee be ko ɔ po, nyɛ ko ye mɛ gbeye.

Yesaya 8:4

Loko bi nɛ ɔ maa le ‘Maa’ loo ‘Tsaatsɛ’ demi ɔ, Asiria matsɛ ɔ ma ba muɔ Damasko sika tsuo, kɛ Samaria ta yibu ní tsuo kɛ ho.”

Yesaya 7:8

Mɛni he je? Ejakaa Siria he wɛ pi Damasko nɛ ji e matsɛ ma a, nɛ Damasko he wɛ pi Rezin. Israel lɛɛ hiɛmɛ nɛ ɔ jeha nyingmi ekpa kɛ enuɔ ɔ, a ma kpata e hɛ mi butuu, bɔ nɛ e be nyɛe maa da si kaa ma hu.

Samuel I, 17:32

David de Saul ke, “Nɔ ko nɔ ko kó ye tsui ngɛ Filisti no nɛ ɔ he; i yaa nɛ i kɛ lɛ ya kpe.”

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 7:1

Ta ba te si benɛ Uzia bibi Ahaz, Yotam bi ɔ ngɛ matsɛ yee ngɛ Yuda a. Lɔ ɔ ji kaa Siria matsɛ, Rezin kɛ Remalia bi Peka, Israel matsɛ ɔ, ba tua Yerusalem; se a nyɛ we nɛ a ngɔ ma a.

Yesaya 7:9

Israel he wɛ pi Samaria nɛ ji e matsɛ ma a, nɛ Samaria hu he wɛ pi Matsɛ Peka. “Ke nyɛ he we yi ɔ, nyɛ yi be wami nae.”

Yesaya 37:6

e ngɔ Yawɛ sɛ gbi nɛ ɔ mane lɛ ke, “Munyuhi nɛ nyɛ nu nɛ Asiria matsɛ tsɔli ɔmɛ ba tu kɛ pue ye hɛ mi si ɔ, nyɛ ko ye gbeye ngɛ he.

Matsɛmɛ II, 15:27

Yuda matsɛ, Uzia yi nɔ jeha nɛ ji nyingmi enuɔ kɛ enyɔ ɔ mi ɔ, Remalia binyumu Peka bɔni tsɛ yemi ngɛ Israel ma a nɔ. E hi Samaria kɛ ye matsɛ jeha nyingmi enyɔ.

Yesaya 8:6

E ke, “Akɛnɛ ma nɛ ɔ sume Shiloa pa a nɛ mi nyu ɔ bee dii ɔ, se Matsɛ Rezin kɛ Matsɛ Peka mohu he a he ngɛ doe ngɛ ɔ,

Habakuk 2:3

Ngmaa kɛ to; ejakaa be nɛ a ma tsu nɔ́ nɛ ɔ sui lolo. Se kɛ̃ ɔ, be ɔ ma, nɛ e be kɛe, nɛ nɔ́ nɛ ma je ngɔ tsɔɔ mo ɔ maa ba mi kokooko. E maa pee kaa nɔ́ nɛ e ma blɛuu tsɔ, se kɛ̃ ɔ, hyɛ́ blɔ. Ejakaa e maa ba mi kokooko, nɛ e be kɛe.