Yesaya 7:3 - BAIBLO ALOO NGMAMI KLƆUKLƆU Ɔ

³ Yawɛ de Yesaya ke, “Yaa nɛ o kɛ Matsɛ Ahaz ya kpe; ngɔɔ o bi Shear Yashub ngɔ piɛ o he kɛ ya. O maa na lɛ ngɛ gbɛjegbɛ ɔ nɔ ngɛ bo loli a ní tsumi he ɔ, he nɛ nyu dɔ nɛ gblaa nyu kɛ jee pa a nɛ ngɛ yiti je ɔ nya ya ta ngɛ ɔ.

Yesaya 7:3 ပူးပေါင်းရင်းမြစ်များ

Yesaya 36:2

Lɔ ɔ se ɔ, e fa e we asafoatsɛ nɔkɔtɔma kɛ e ta buli babauu kɛ je Lakish ke a ya Yerusalem nɛ a ya de Matsɛ Hezekia ke e ha yi. Asafoatsɛ ɔ kɛ e ta a ba da si ngɛ yiti je taku ɔ nyu dɔ ɔ he, ngɛ gbɛjegbɛ ɔ nɔ kɛ yaa ní a he fɔli ɔmɛ a ní tsumi he ɔ.

Matsɛmɛ II, 18:17

Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.

Romabi 9:27

Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Yeremia 22:1

Yawɛ de mi ke ma ya Yuda matsɛ we ɔ, nɛ ma ya de Yuda matsɛ ɔ nɛ hii si ngɛ David sɛ ɔ nɔ ɔ, e tsɔli ɔmɛ, kɛ ma a nɛ guu agbo nɛ ɔmɛ a mi ɔ ke, “Bɔ nɛ lɛ, Yawɛ ɔ de ji nɛ ɔ nɛ:

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 10:21

Israel ma a mi nihi bɔbɔyoo pɛ maa kpale kɛ ba a Mawu kpetekpleenyɛ ɔ ngɔ ekohu.

Matsɛmɛ II, 20:20

Hezekia he sane kpahi, kã nɛ e pee, kɛ taku nɛ e tsua, kɛ e he nyu dɔ nɛ e gba nɛ e kɛ tsɛ nyu kɛ ba ma a mi ɔ, a ngma ngɛ Yuda Matsɛmɛ ɔmɛ a Yi nɔ Sanehi womi ɔ mi.

Mose II, 7:15

Moo bu tue! Hwɔɔ mɔtu ɔ, Farao ɔ maa ya Nilo pa a nya. Yaa nɛ o kɛ lɛ ya kpe ngɛ lejɛ ɔ. Nɛ ke o yaa a, moo hɛɛ o tso ɔ nɛ plɛ pee sinɔ ɔ ngɛ o dɛ mi,

Nehemia 3:16

Azbuk binyumu Nehemia, Betzur zugba a kasa fa nɔ yelɔ ɔ fia gbogbo nɛ tsa nɔ ɔ kɛ je David yɔkɔ ɔmɛ a hanɔ kɛ ya na taku ɔ, kɛ ta buli ɔmɛ a hi he ɔ.

Matsɛmɛ II, 16:1

Israel matsɛ Peka, Remalia binyumu ɔ yi nɔ jeha nɛ ji nyɔngma kɛ kpaago ɔ mi ɔ, Yuda matsɛ, Yotam binyumu Ahaz ba bɔni tsɛ yemi ngɛ Yuda ma a nɔ.

Yesaya 22:11

nɛ nyɛ pee nyu nɔ́ agbo ko ngɛ ma a mi, konɛ nyu nɛ jee taku momo ɔ mi ɔ nɛ sɛ mi. Nyɛ pee ní nɛ ɔmɛ, se Mawu ɔ nɛ to ní nɛ ɔmɛ tsuo a blɔ nya blema lokoo ɔ lɛɛ nyɛ hla we e se blɔ.