Yesaya 7:21 - BAIBLO ALOO NGMAMI KLƆUKLƆU Ɔ

²¹ “Ke jamɛ a be ɔ su ɔ, ke ngmɔ hulɔ ko ngɛ na yo kake, kɛ to enyɔ pɛ ɔ,

Yesaya 7:21 ပူးပေါင်းရင်းမြစ်များ

Yeremia 39:10

Se Nebuzaradan, tatsɛ ɔ si ohiatsɛmɛ komɛ nɛ weto ní be a dɛ ngɛ Yuda zugba a nɔ, nɛ e ha mɛ wai ngmɔhi kɛ zugba.

Yesaya 5:17

Ke be ɔ su ɔ, jijɔhi ma kpe nga ngɛ ma doku ɔmɛ a mi, nɛ to akpakpo bihi hu ma na niye ní ngɛ lejɛ ɔ.

Yesaya 37:30

Jehanɛ, Yesaya de Matsɛ Hezekia ke, “Enɛ ɔ maa pee okadi ha mo; jeha nɛ ɔ mi ɔ, nyɛ maa ye níhi nɛ mɛ nitsɛmɛ a puɛ, níhi nɛ nɔ ko du we. Jeha enyɔne ɔ mi ɔ, nyɛ maa ye níhi nɛ puɛ ngɛ lɔ ɔmɛ a se. Jeha nɛ ji etɛ ɔ mi lɛɛ nyɛ ma du ní, nɛ nyɛ ma kpa ní; nyɛ maa pee wai ngmɔhi nɛ nyɛ maa ye a yiblii.

Yesaya 17:2

Nimli be Siria ma amɛ a mi hie gblegbleegble hu. Lejɛ ɔmɛ maa pee tohi kɛ nahi a ní yemi he; nɛ nɔ ko nɔ ko be lohwe nɛ ɔmɛ fiee.

Yesaya 7:25

Yo ɔmɛ a nɔ hehi nɛ a huɔ sa a lɛɛ nɔ ko nɔ ko be lejɛ ɔ yae, ejakaa hu, kɛ mio maa puɛ ngɛ nɔ. Zugba a maa pee tohi, kɛ nahi a niye he.”

Yesaya 14:30

Yawɛ ma ha ohiatsɛmɛ a bimɛ ɔmɛ niye ní, nɛ e ma ha nɛ nɔ́ nali maa hi si ngɛ tue mi jɔmi mi. Se nyɛ Filisti bi ɔmɛ lɛɛ e ma ha hwɔ nɛ nya wa maa ye nyɛ; hwɔ nɛ ɔ maa gbe nyɛ tsuo pɛpɛɛpɛ nɛ e be nɔ kake ngmelu po piɛe.

Yesaya 27:10

Ma nɛ a fia gbogbo ngɔ wo he ɔ ku kɛ pueɔ si. E plɛ pee ma doku kaa nga kplanaa nɛ nɔ ko nɔ ko be nɔ. Lejɛ ɔ plɛ pee lohwe lɛmi he, he nɛ nahi maa ye ní, nɛ a maa jɔɔ a he ngɛ.

Yesaya 35:1

Nga zugba kpataa nɛ gbli ɔ ma na bua jɔmi; zia zugba a ma nya, nɛ mɔmɔhi maa puɛ ngɛ nɔ.