Yesaya 7:20 - BAIBLO ALOO NGMAMI KLƆUKLƆU Ɔ

²⁰ “Jamɛ a be ɔ, Nyɔmtsɛ ɔ ma ya ba asoyi ngɛ Yufrate pa a se kɛ ba. E kɛ ma ba sɛ nyɛ yi bwɔmi, kɛ nyɛ nane he bwɔmi, nɛ a maa sɛ nyɛ kpɛni hulɔ. Asiria matsɛ ɔ ji asoyi ɔ nɛ.

Yesaya 7:20 ပူးပေါင်းရင်းမြစ်များ

Yesaya 8:7

imi Nyɔmtsɛ ɔ nitsɛ, ma ngɔ Asiria matsɛ ɔ, kɛ e ta a tsuo kɛ ba tua Yuda. Ta a ma ba tua mɛ kaa bɔ nɛ Yufrate pa a hyiɔ ywiaa nga nɛ e haa zugba a nɔ ɔ.

Ezekiel 29:18

“Nɔmlɔ adesa, Nebukadnezar, Babilonia matsɛ ɔ ya tua Tiro. E ha e ta buli tsu ní kpakpataa ngɛ ta nɛ e kɛ Tiro ngɛ hwue ɔ he: a tloo tlomi nɛ jiɔ; nɔ tsuaa nɔ yi mi kpa, nɛ e konɔ kpɔ. Se matsɛ ɔ kɛ e tabo ɔ na we se ko kɛ ji dengme nɛ a gbo ɔ mi.

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Ezekiel 29:20

I ngɔ Egipt zugba a kɛ ha lɛ kaa e hiɔwo; ejakaa imi lɛ e tabo ɔ tsu ní ɔ kɛ ha. Imi, Nyɔmtsɛ Yawɛ lɛ i de.

Yesaya 11:15

Yawɛ ma kpata Egipt pa kɔni nɛ a tsɛɛ ke Suez ɔ hɛ mi pɛsɛpɛsɛ. E ma ha nɛ ahlabata kɔɔhiɔ maa fia ngɛ lejɛ ɔ, nɛ pa a ma gba maa pee pa tsɔwi kpaago, bɔ nɛ ke nɔ wo tokota po e ma nyɛ kɛ po.

Yesaya 1:5

Mɛni he je nyɛ ngɛ atuã tsɔe kɛ mwɔɔ ɔ? Nyɛ ngɛ hlae nɛ a gbla nyɛ tue fuu lo? Israel, o yi tsuo pee pa, nɛ o tsui gbɔjɔ.

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yesaya 9:13

Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

Yesaya 36:1

Yuda matsɛ, Hezekia yi nɔ jeha nyɔngma kɛ eywiɛne ɔ, Asiria matsɛ, Senakerib ba tua Yuda mahi nɛ a fia gbogbo ngɔ wo a he ɔ, nɛ e ngɔ ma amɛ.