Yesaya 7:15 - BAIBLO ALOO NGMAMI KLƆUKLƆU Ɔ

¹⁵ Loko e hɛ ma fã nɛ e maa le kpakpa kɛ yayami a kpɛti slɔɔto ɔ, ma a mi bi ɔmɛ ma ná na nyɔ nyu maa nu, nɛ a ma na hwo maa ye ekohu.

Yesaya 7:15 ပူးပေါင်းရင်းမြစ်များ

Yesaya 7:22

e ma ná nyɔ nyu fuu nɛ maa su e hiami ní tsuo nya. Niinɛ, nihi bɔɔ nɛ a yi ma na wami, nɛ maa piɛ ngɛ zugba a nɔ ɔ ma ná na nyɔ nyu maa nu, kɛ hwo nɛ a maa ye.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Mateo 3:4

Yohane ɔ, afukpɔngɔ he womi a kɛ lo e tade; lohwe he womi kpa fi e mlɛ mi, nɛ e niye ní ji baalɛ kɛ nga nɔ hwo.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

La 51:5

Kɛ je be nɛ a fɔ mi ɔ, yayami peelɔ ji mi. Loko ye nyɛ ngɔ mi hɔ po, yayami ngɛ ye he.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Luka 2:52

Yesu ba wa ngɛ nɔmlɔ tso mi, nɛ e le ní kɛ ya nɔ. Nɛ Mawu kɛ nimli adesahi tsuo ná e he bua jɔmi.

Luka 2:40

Jokuɛ ɔ ba wa ngɛ nɔmlɔ tso mi; e le ní hulɔ, nɛ Mawu gbaa lɛ babauu.

Mose I, 18:8

Abraham ngɔ nyami, kɛ na nyɔ nyu kɛ piɛ niye ní nɛ e kɛ na bi ɔ pee ɔ he, nɛ e kɛ ya ma nyumu ɔmɛ a hɛ mi ngɛ tso ɔ sisi; nɛ e da si ngɛ a kasa nya ngɛ lejɛ ɔ, nɛ a ye.

Mose V, 1:39

“Jehanɛ Yawɛ de wɔ tsuo ke, ‘Nyɛ bimɛ tsɔwi ɔmɛ nɛ na we nɛ a le slɔɔto nɛ ngɛ kpakpa kɛ yayami a kpɛti lolo, nɛ́ nyɛ de ngɛ a he ke he nyɛli ma ba nuu mɛ ɔ, mɛ ma ngɔ zugba a kɛ ha nɛ a hi nɔ.