Yesaya 7:14 - BAIBLO ALOO NGMAMI KLƆUKLƆU Ɔ

¹⁴ Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yesaya 7:14 ပူးပေါင်းရင်းမြစ်များ

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Luka 1:31

Hyɛ, o ma na mi, nɛ o ma fɔ binyumu, nɛ o maa wo lɛ biɛ ke Yesu.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Yesaya 8:8

He nyɛli ɔmɛ ma ba gu Yuda zugba a nɔ kaa pa nɛ hyi ywia nga kɛ su nɔ konɔ tɔɔ, nɛ e ha nɔ́ tsuaa nɔ́ nɔ.” Mawu kɛ wɔ ngɛ! E bli e pɛlihi a mi kɛ ngɛ zugba a he bue.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.

Samuel I, 1:20

Hana ngɔ hɔ, nɛ e fɔ binyumu, nɛ e wo lɛ biɛ ke Samuel; nɛ e de ke, “I wo lɛ kikɛmɛ a biɛ nɛ ɔ, ejakaa i bi Yawɛ nɛ e kɛ lɛ ha mi.”

Samuel I, 4:21

E wo jokuɛ nyumuyo ɔ biɛ ke Ikabod ngɛ Mawu somi daka a nɛ a kpɔ ɔ, kɛ e ngatsɛ ɔ, kɛ e huno ɔ nɛ a gbo ɔ he. Ikabod sisi ji, “Israel hɛ mi nyami ɔ je.”

Mose I, 30:8

Rahel wo lɛ biɛ ke Naftali, nɛ e de ke, “I kɛ wa wenyɛ ɔ hwu ta nɛ nya wa, nɛ i ye e nɔ.”

Mose I, 29:32

Lea ba na mi nɛ e fɔ binyumu. E wo lɛ biɛ ke Ruben, nɛ e de ke, “Yawɛ na ye we amanehlu ɔ; jehanɛ lɛɛ ye huno ɔ maa suɔ mi.”

Mose I, 30:6

Rahel wo lɛ biɛ ke Dan, nɛ e de ke, “Mawu wo mi nguɔ. E nu ye kue fami ɔ, nɛ e ha mi binyumu.”

Mose I, 4:25

Adam kɛ e yo ɔ na bɔmi ekohu nɛ e fɔ binyumu, nɛ Hawa wo lɛ biɛ ke Set. Hawa de ke, “I wo lɛ kikɛmɛ a biɛ nɛ ɔ, ejakaa Mawu ha mi binyumu kɛ to Habel nɛ Kain gbe lɛ ɔ nane mi.”

Mose I, 16:11

Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

Luka 2:12

Nɔ́ nɛ nyɛɛ kɛ maa le kaa ye sane ɔ ngɛ mi ji nyɛ maa na bimwɔyo nɛ a kɛ bo blaa lɛ, nɛ hwɔɔ si ngɛ lohwehi a niye ní daka mi.”

Yesaya 38:7

Yesaya he nɔ ke, “Yawɛ ma ha mo okadi nɛ ɔ kɛ tsɔɔ kaa si nɛ e wo mo ɔ, e maa ye nɔ.

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yeremia 44:29

Imi Yawɛ, ma to nyɛ okadi kaa ma gbla nyɛ tue ngɛ hiɛmɛ nɛ ɔ; nɛ lɔ ɔ nyɛɛ kɛ maa na kaa si ko nɛ i wo kaa ma kpata nyɛ hɛ mi ɔ maa ba mi niinɛ.

Manyadali 6:36

Kɛkɛ nɛ Gideon de Mawu ke, “Ke o ma he Israel yi wami niinɛ kɛ gu ye nɔ ɔ,

Matsɛmɛ I, 13:3

Gbalɔ ɔ ya nɔ nɛ e de ke, “Bɔ sami la tɛ nɛ ɔ mi ma gba enyɔ, nɛ e mi la zu ɔ ma kpa pue si. Nɛ enɛ ɔ maa pee okadi nɛ o kɛ maa na kaa Yawɛ lɛ tu munyu kɛ gu ye nɔ.”

La 46:8

Nyɛɛ hyɛ níhi nɛ Yawɛ tsu, bɔ nɛ e kpata níhi a hɛ mi ngɛ zugba a nɔ.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Luka 20:44

Ke David tsɛɔ Kristo ɔ ke, ‘Nyɔmtsɛ’ ɔ, kɛ peeɔ kɛɛ nɛ Kristo ɔ ba peeɔ David nina mɔ?”