Yesaya 7:13 - BAIBLO ALOO NGMAMI KLƆUKLƆU Ɔ

¹³ Yesaya he nɔ ke, “Matsɛ David nina, jehanɛ bu tue. E ji nɔ́ yayami kaa o maa hao nimli adesahi hluu kɛ yaa si a tsui si tomi maa ta. Anɛ o ngɛ hlae nɛ o hao wa Mawu ɔ hu ja kɛ yaa si e tsui si tomi maa ta lo?

Yesaya 7:13 ပူးပေါင်းရင်းမြစ်များ

Mose I, 30:15

Lea he nɔ ke, “Nɛ o kpɔ ye huno ɔ ngɛ ye dɛ ɔ, lɔ ɔ pi ha mo lolo? Ye bi ɔ suɔmi tso yiblii nɛ ɔ hu o ma kpɔ lo?” Rahel de lɛ ke, “Ha mi o bi ɔ suɔmi tso yiblii ɔ, konɛ Yakob kɛ mo nɛ hwɔ nyɔ nɛ ɔ mi.”

Kronika II, 21:7

Se Yawɛ sume kaa e ma kpata David we ɔ hɛ mi, ejakaa e kɛ David so, nɛ e wo si ke e kɛ e nina maa ye matsɛ kɛ maa ya neneene.

La 45:5

O kɛ̃ɛ̃ mi bi ɔmɛ a nya ba; a guu o he nyɛli ɔmɛ a tsui mi kɛ yeɔ je ma amɛ a nɔ kunimi.

Yesaya 1:14

I sume nyɛ Nyɔhiɔhe nyami be ɔmɛ, kɛ Hejɔɔmi ligbi ɔmɛ; enɛ ɔmɛ peeɔ haomi kɛ pɔtɔ ha mi.

Yesaya 1:24

Lɔ ɔ he ɔ, ta tue ha nɔ́ nɛ Yawɛ Tabohiatsɛ, Israel Mawu, hewamitsɛ ɔ ngɛ dee ɔ: “Ma ye ye he lue ngɛ nyɛ he nyɛli ɔmɛ a nɔ, konɛ nyɛ ko ba gba ye nya hu.

Yesaya 22:22

He wami blɔ nya nɛ Matsɛ David sɛ ɔ hɛɛ ɔ, ma ngɔ kɛ ha lɛ. He wami blɔ nya nɛ ɔ ngɛ kaa safe ko. Ke e bli ɔ, nɔ ko nɔ ko be nɛ ma nga, nɛ ke e nga a, nɔ ko nɔ ko be nɛ ma bli.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.

Yesaya 43:24

O he we tsopa kɛ e he via ha mi, nɛ o ngɔɛ lohwehi a zɔ hu kɛ ba sã we bɔ kɛ sa ye hɛ mi, se mohu, o ngɔ o he yayami kɛ ngɛ mi haoe sɔuu, nɛ pɔ tɔ mi kɛ o tɔmi ɔmɛ.

Yesaya 63:10

Se mɛɛ lɛɛ a tsɔ atuã; a ha nɛ aywilɛho nu mɛ. Yawɛ ba plɛ pee a he nyɛlɔ, nɛ e kɛ mɛ hwu.

Yesaya 7:12

Se Ahaz he nɔ ke, “I be okadi ko bie. I be Yawɛ kae.”

Yesaya 7:2

Benɛ Yuda matsɛ ɔ nu kaa Siria ta a ba sɛ Israel zugba a mi momo ɔ, e kɛ e ma mi bi ɔmɛ tsuo ye gbeye wawɛɛ nitsɛ, nɛ a he do blibliibli kaa tsohi nɛ ngɛ mimiɛe ngɛ kɔɔhiɔ nya.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 6:11

Yawɛ, enɛ ɔmɛ a he je ɔ, ye mi mi fu mɛ wawɛɛ nitsɛ kaa bɔ nɛ mo hu o mi mi fu mɛ ɔ pɛ; jehanɛ lɛɛ i be nyɛe tsui tomi hu.” Kɛkɛ nɛ Yawɛ de mi ke, “Ngɔɔ ye mi mi fumi ɔ kɛ kple jokuɛwi a nɔ ngɛ gbɛjegbɛ ɔ nɔ; ngɔɔ kɛ kple nihewi a nɔ ngɛ a he nya buami he ɔmɛ. A maa nuu nyumuhi kɛ a yihi kɛ je, nɛ nihi nɛ bwɔ kotokoto po be a he yee.

Ezekiel 16:20

“Jehanɛ hu o bimɛ, nyumuhi kɛ yihi nɛ o fɔ ha mi ɔ, o gbe mɛ kɛ sã bɔ kɛ ja amagahi. Anɛ anɔkuale nɛ o yi mi nɛ ɔ pi ha mo,

Ezekiel 16:47

Pi kaa o ya wo o nyɛmiyi ɔmɛ a nane ngɛ yayamihi nɛ a pee ɔ a mi kɛkɛ, se e yi be ko kulaa nɛ o ba puɛ wawɛɛ pe mɛ ngɛ blɔ tsuaa blɔ nɔ ngɛ o je mi bami tsuo mi.”

Ezekiel 34:18

Nyɛ naa niye ní kpakpa nyɛ yeɔ. Anɛ lɔ ɔ pi ha nyɛ lo? Lɛɛ mɛni he je niye ní nɛ piɛ ngɛ nyɛ ní yemi he ɔ, nyɛ kpale ya naa nɔ nyamanyama a? Jehanɛ hu, nyɛ naa nyu nɛ mi tsɔ nɛ nyɛ nuɔ. Anɛ lɔ ɔ nɛ pi ha nyɛ he je nɛ nyɛ ngɔɔ nyɛ nane kɛ gbidiɔ nyu nɛ piɛ ɔ?

Ezekiel 6:9

a maa nuu mɛ nyɔguɛ kɛ ho ma se ya. A ma kai mi ngɛ lejɛ ɔ; nɛ a maa le kaa imi nitsɛ lɛ i gbla a tue, nɛ i pue a hɛ mi si ɔ nɛ. Ejakaa a yi mi anɔkuale kɛ ji a tsui mi; se a kua mi, nɛ a ya ja amagahi mohu. Jehanɛ lɛɛ, mɛ nitsɛmɛ a he mi maa nyɛɛ mɛ ngɛ yayamihi, kɛ ni hiemi níhi tsuo nɛ a pee ɔ a he.

Amos 3:13

Yawɛ Tabohiatsɛ ɔ ke, “Lɔ ɔ he ɔ, nyɛɛ bu tue, konɛ nyɛɛ bɔ Yakob nina a kɔkɔ.

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Mose IV, 16:13

O kpaka wɔ kɛ je zugba nɛ hi, nɛ baa ní nɔ, nɛ́ o ba gbe wɔ ngɛ nga nɛ ɔ nɔ. Anɛ enɛ ɔ pi ha mo, nɛ o pa ngɛ hlae nɛ o ye ganɔ ngɛ wa nɔ?

Mose IV, 16:9

anɛ e pi ha nyɛ kaa Israel Mawu ɔ hla nyɛ kɛ je Israel ma kpekpemi ɔ mi konɛ nyɛɛ ba e ngɔ, nɛ nyɛ ba tsu ní ngɛ Yawɛ kpe he ɔ, nɛ nyɛɛ da ma kpekpemi ɔ nya kaa a sɔmɔli lo?

Luka 1:69

E je kpɔlɔ kpanaa nɛ ji e tsɔlɔ David nina ha wɔ.

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Hebribi 3:10

Lɔ ɔ he ɔ, ye mi mi fu jamɛ a yi nɔ bi ɔmɛ, nɛ i de ke, ‘Daa nɛ ɔ, a dɔ a tsui kɛ je ye he, nɛ a li ye blɔ ɔmɛ.’