Yesaya 66:5 - BAIBLO ALOO NGMAMI KLƆUKLƆU Ɔ

⁵ Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Yesaya 66:5 ပူးပေါင်းရင်းမြစ်များ

Matsɛmɛ I, 21:29

“O na bɔ nɛ Ahab ba e he si ha mi ɔ? Akɛnɛ e pee nɔ́ nɛ ɔ he je ɔ, i be hae nɛ haomi ɔ nɛ ba e nɔ ngɛ e wami be mi; e binyumu ɔ yi nɔ nɛ ma ngɔ haomi kɛ ba Ahab we ɔ nɔ!”

Matsɛmɛ II, 22:10

Shafan ya nɔ nɛ e de matsɛ ɔ ke, “Osɔfo Hilkia kɛ womi nɛ ɔ ha mi.” Nɛ Shafan kane womi ɔ kɛ ha matsɛ ɔ.

Kronika II, 34:27

nɛ o tsake o tsui, nɛ o ba o he si ngɛ ye hɛ mi. Benɛ o nu bɔ nɛ i to nɛ ma gbla Yerusalem, kɛ Yerusalem ma mi bi ɔmɛ a tue ha a, o hía o he tade ɔmɛ, nɛ o wo ya. I nu o kue fami ɔ.

Ezra 9:4

Nɔ́ nɛ Israel Mawu ɔ de ngɛ yayami nɛ nihi nɛ kpale kɛ je ma se kɛ ba a pee ɔ he ɔ, nihi babauu nu he. A kɛ he domi blibliibli ba bɔle mi kɛ kpe be mi nɛ i pee basaa kɛ hii si ɔ, hluu kɛ ya si gbɔkuɛ nya si bɔ sami be.

La 119:120

O he sawale nu mi, nɛ ye he ngɛ doe blibliibli; ejakaa o kojomi ɔmɛ ngɛ gbeye.

La 38:20

Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

Abɛ Womi 13:13

Nɔ nɛ bui ga womi tue ɔ, lɛ nitsɛ e hɛ mi lɛ ma kpata. Nɔ nɛ yeɔ mlaa gbeye ɔ, e maa ye e he.

Lahi 1:6

Nyɛ ko hyɛ mi maa ngɛ yumi nɛ i yu ɔ he; pu la nɛ pee ye he womi ja. Ye nyɛminyumu ɔmɛ a mi mi fu mi, nɛ a ha i ya tsu ní ngɛ wai ngmɔ ɔmɛ a mi. I na we deka ko kulaa kɛ ha ye nɔmlɔ tso ɔ.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Yesaya 60:15

“A be mo kuae, nɛ a be mo nyɛe hu kaa sa be ko nɛ o pee ma doku nɛ nɔ ko gui lejɛ ɔ. Ma wo o nɔ gojoo, nɛ o he maa pee fɛu. O maa pee he nɛ bua jɔmi maa hi daa.

Yesaya 65:13

Lɔ ɔ he ɔ, imi Nyɔmtsɛ Yawɛ, i ngɛ dee ke, ni nɛmɛ nɛ buɔ mi tue, nɛ a jaa mi ɔ, a ma ná ní babauu maa ye, se nyɛɛ lɛɛ hwɔ maa gbe nyɛ; ye sɔmɔli ɔmɛ ma na nyu maa nu, se nyɛɛ lɛɛ kuma maa gbe nyɛ; ye sɔmɔli ɔmɛ ma nya, se nyɛɛ lɛɛ zo maa gbe nyɛ.

Yesaya 66:2

Ye nine nya níhi ji ni nɛ ɔmɛ tsuo, lɔ ɔ he ɔ, ye níhi ji mɛ tsuo. Nihi nɛ baa a he si, nɛ a naa a he yayami nɛ a tsakeɔ a tsui, nihi nɛ yeɔ mi gbeye, nɛ a buɔ mi tue ɔ, mɛ ji nihi nɛ i suɔ.

Yeremia 36:16

Benɛ a nu munyu ɔmɛ tsuo ɔ, a tsui po. Mɛ tsuo a plɛ hyɛ a sibi a hɛ mi, nɛ a de Baruk ke, “E hia kaa wa ya sɛɛ ní nɛ ɔ ha matsɛ ɔ.”

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Luka 13:17

Benɛ e de enɛ ɔ, zo gbe e he nyɛli ɔmɛ tsuo, nɛ ma a lɛɛ a na bua jɔmi ngɛ nyakpɛ níhi tsuo nɛ e pee ɔ a he.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Yohane 9:34

A he nɔ ke, “Mo nɛ a fɔ mo, nɛ a tsɔse mo ngɛ yayami mi ɔ, o ngɛ hlae nɛ o tsɔɔ wɔ ní?” Kɛkɛ nɛ a fie lɛ kɛ je a jami ɔ mi.

2 Tesalonikabi 1:12

Kɛkɛ ɔ, nyɛ ní peepee he ɔ, nɔ tsuaa nɔ ma je Nyɔmtsɛ Yesu yi. Nɛ e he ɔ, nyɛ hu nyɛ hɛ mi maa ba nyami ngɛ wa Tsɛ Mawu, kɛ Nyɔmtsɛ Yesu Kristo dloomi ɔ nya.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

1 Yohane 3:13

Ye nyɛmimɛ nɛ i suɔ, lɔ ɔ he ɔ, ke je ɔ ngɛ nyɛ nyɛe ɔ, nyɛ hɛ mi ko pee nyɛ yaa.