Yesaya 66:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, imi hu ma ha amanehlu nɛ a ngɛ gbeye yee ɔ maa ba a nɔ. Ejakaa i tsɛ mɛ, se nɔ ko nɔ ko he we nɔ; i tu munyu, se a bui tue fɛɛ. Yayami mohu a pee ngɛ ye hɛ mi; nɛ níhi nɛ sɛ ye hɛ mi ɔ, lɔ ɔmɛ mohu a he a nya.”

Yesaya 66:4 ပူးပေါင်းရင်းမြစ်များ

Matsɛmɛ II, 21:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Matsɛmɛ II, 21:6

E ngɔ e binyumu kɛ sã sami bɔ; e kla, nɛ e tsu kunya, nɛ e kɛ kpade tsɛli, kɛ azetsɛmɛ bɔ. E pee yayamihi babauu kɛ si Yawɛ, nɛ e kɛ wo e mi mi la.

La 81:12

Enɛ ɔ he je ɔ, i ngmɛɛ a je mi he ngɔ ha mɛ, konɛ a pee nɔ́ nɛ mɛ nitsɛmɛ a tsui suɔ.

Abɛ Womi 1:24

I hla nyɛ se blɔ, nɛ i tsɛ nyɛ si abɔ ke nyɛɛ ba ye ngɔ. Se nyɛ bui fɛɛ.

Abɛ Womi 10:24

Nɔ́ nɛ yayami peelɔ ngɛ gbeye yee ɔ, lɔ ɔ ji nɔ́ nɛ maa ba e nɔ. Nɔ nɛ peeɔ kpakpa lɛɛ nɔ́ nɛ e ngɛ hlae ɔ, lɔ ɔ a ma ha lɛ.

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yesaya 59:15

Nɔ ko nɔ ko yi anɔkuale hu; nɔ nɛ yuɔ e he kɛ jeɔ yayami he ɔ, a haoɔ lɛ kaa lɛ mohu ji yayami peelɔ.” Yawɛ na nɔ́ nɛ ɔ, nɛ e ngɔɛ e nya kaa a yi dami sane.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yesaya 65:12

nyɛɛ lɛɛ nɔ́ nɛ fɔɔ si ha nyɛ ji klaate. Nyɛ tsuo nyɛ maa nɔ basabasa ngɛ klaate nya; ejakaa benɛ i tsɛ nyɛ ɔ, nyɛ he we nɔ, nɛ benɛ i tu munyu kɛ tsɔɔ nyɛ ɔ, nyɛ bui tue. Yayami mohu nyɛ pee ngɛ ye hɛ mi; níhi nɛ i sume ɔ, lɔ ɔmɛ mohu a se nyɛ ya nyɛɛ.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Yesaya 65:3

Be tsuaa be ɔ, ma nɛ ɔ jeɔ blɔ paa nɛ a woɔ ye mi mi la; a sãã bɔhi ngɛ abɔɔhi a mi; a sãã tsopa kɛ e he via ngɛ tɛhi a nɔ;

Yesaya 65:7

ngɛ mɛ nitsɛmɛ, kɛ a nɛmɛ ɔmɛ a he yayami ɔmɛ tsuo a he. Ejakaa a ya sãã tsopa kɛ e he via ngɛ yo ɔmɛ a nɔ. A tuɔ munyu hu kɛ siɔ mi ngɛ yoku ɔmɛ a nɔ. Enɛ ɔmɛ tsuo a he ɔ, ma gbla a tue sisiisi bɔ nɛ sa.”

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Yeremia 7:13

Nyɛ pee yayami nɛ ɔmɛ tsuo, nɛ i tu munyu kɛ tsɔɔ nyɛ nɔtonɔto, se nyɛ bui tue fɛɛ. Ke i tsɛ nyɛ hu nyɛ he we nɔ.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Ezekiel 11:8

Nyɛ ngɛ klaate gbeye yee; se klaate nɔuu a kɛ ma ba tua nyɛ.

Ezekiel 14:4

“De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: Israel no tsuaa Israel no nɛ ngɔ e hɛ ngɔ fɔ e we amagahi a nɔ kɛ e tsui tsuo, nɛ lɔ ɔ he ɔ, yayami pɛ e peeɔ kɛ tsiɔ lɛ nitsɛ blɔ ɔ, ke e ba bi ní ngɛ gbalɔ ɔ ngɔ ɔ, imi Yawɛ nitsɛ ma ha lɛ heto bɔ nɛ sa e we amaga babauu jami ɔ.

Ezekiel 20:25

“Lɔ ɔ he ɔ, imi hu i ha mɛ blɔ nya tomi yayahi, kɛ mlaahi nɛ ke nɔmlɔ ye nɔ ɔ, e yi be wami nae.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Samuel I, 8:19

Se ma a bui Samuel tue; mohu ɔ, a de ke, “Dɛbi, ja wa ná matsɛ nɛ ye wa nɔ