Yesaya 66:22 - BAIBLO ALOO NGMAMI KLƆUKLƆU Ɔ

²² “Bɔ nɛ zugba he, kɛ hiɔwe he nɛ ma pee ɔ maa hi si daa ngɛ ye he wami nya a, ja nyɛ nina, kɛ nyɛ biɛ tsuo maa hi si.

Yesaya 66:22 ပူးပေါင်းရင်းမြစ်များ

Yesaya 65:17

Yawɛ ke, “I ngɛ hiɔwe he, kɛ zugba he bɔe; nɛ a be blema ní ɔmɛ kaie hu; hɛ maa je a nɔ pɛsɛpɛsɛ.

Kpojemi 21:1

Jehanɛ ɔ, i na hiɔwe he, kɛ zugba he, ejakaa kekleekle hiɔwe, kɛ kekleekle zugba a be kɛ ho. Nɛ wo be hu.

2 Petro 3:13

Se wa ngɛ hiɔwe he, kɛ zugba he blɔ hyɛe kaa bɔ nɛ Mawu wo si ɔ. Lejɛ ɔ ji he nɛ a yeɔ dami sane ngɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Yesaya 48:19

Nyɛ ngmɛdu ko hiɛ babauu kaa zia, nɛ i ko hyɛ a nɔ saminya, konɛ a hɛ mi ko kpata gblegbleegble.”

Yesaya 51:16

Imi ji nɔ nɛ pee hiɔwe ploplooplo ɔ, nɛ i ngɔ zugba a sisi tomi ɔmɛ ngɔ ma si. Bɔ nɛ i ngɛ Yerusalem dee ji, ‘Ye ma ji mo! I wo mo mlaa, nɛ i ngɔ ye he wami kɛ ngɛ o he bue.’ ”

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Yesaya 56:5

ye ma a ma kai o biɛ ngɛ ye we ɔ pe binyumuhi, loo biyihi nɛ o ngɛ po. Ma ha mo biɛ kpakpa nɛ a ma kai kɛ maa ya neneene.”

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yesaya 61:9

A nina ma na biɛ saminya ngɛ je ma amɛ a kpɛti. Nihi tsuo nɛ maa na mɛ ɔ ma de ke ma nɛ imi Yawɛ nitsɛ i gbaa ji mɛ.”

Yesaya 65:22

A be wehi poe nɛ ni kpahi ba hi mi, nɛ a be ngmɔ pee nɛ ni kpahi ba ye e mi ní. Bɔ nɛ tso nguahi a se kɛɔ ɔ, ja ye ma mi bi ɔmɛ a se maa kɛ ngɛ je mi. A ma ná mɛ nitsɛmɛ a nine nya ní tsumi mi ní maa ye, nɛ a bua maa jɔ a he saminya.

Yesaya 65:23

A be yaka dengme gboe; a bimɛ be kpatu gbenɔ gboe; ejakaa nihi nɛ imi Yawɛ i gbaa mɛ a nina ji mɛ; a ngmɛdu maa hi si daa.

Zefania 3:20

Be ma! Ma ngɔ nihi nɛ gbɛ fĩa a kɛ maa ba we ekohu. Ma ha nɛ nyɛ ma he biɛ ngɛ je ɔ mi tsuo; je ma amɛ ma je nyɛ yi, nɛ nyɛ ma na ní babauu ekohu.” Yawɛ lɛ de.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Yeremia 33:20

“I kɛ piani kɛ nyɔ so somi, nɛ enɛ ɔ he je ɔ, piani kɛ nyɔ baa ngɛ a be mi pɛpɛɛpɛ daa ligbi. Jamɛ a somi ɔ, nɔ ko nɔ ko be nyɛe maa po mi.

Yeremia 33:21

I kɛ ye tsɔlɔ David so somi kaa e nina maa ye matsɛ daa. Jehanɛ se hu, i kɛ osɔfohi nɛ je Levi wɛtso ɔ mi ɔ hu so kaa a ma sɔmɔ mi daa be tsuaa be. Kikɛmɛ a somi nɛ ɔmɛ ɔ, nɔ ko nɔ ko be nyɛe maa po a mi.