Yesaya 66:15 - BAIBLO ALOO NGMAMI KLƆUKLƆU Ɔ

¹⁵ Yawɛ maa nyɛɛ la mi kɛ ba. E maa hi ta zugba lɛ nɛ ngɛ kaa lasiogblee mi kɛ ba, nɛ e ma ba kpata e he nyɛli ɔmɛ a hɛ mi.

Yesaya 66:15 ပူးပေါင်းရင်းမြစ်များ

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

La 97:3

La jeɔ ngɛ e hɛ mi, nɛ e sãã e he nyɛli nɛ bɔle lɛ ɔ.

La 68:17

Nyɔmtsɛ ɔ kple si kɛ je Sinai yo ɔ nɔ kɛ ba e he klɔuklɔu ɔ. E kɛ e ta zugba lɛ babauu nitsɛ lɛ ba.

La 21:9

Ke o je o he kpo ɔ, a hɛ mi ma kpata kaa nɔ́ nɛ flɔɔnɔɔ kɛ e mi la mi a ngɛ. Mo Yawɛ, o mi mi ma fu mɛ. O maa mii mɛ, nɛ la hu maa sã mɛ.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

Yeremia 4:3

Yawɛ de Yuda ma a, kɛ Yerusalem bi ɔmɛ ke, “Nyɛɛ fa hu ngɛ nyɛ tsui ngmɔ ɔmɛ nɛ hɛ ɔ a mi; nyɛ ko du ní ngɔ wo miohi a mi.

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

Amos 7:4

Nɔ́ kpa ko nɛ Nyɔmtsɛ Yawɛ je ngɔ tsɔɔ mi ngɛ nina mi ji nɛ ɔ nɛ: Nyɔmtsɛ Yawɛ tsɔɔ mi bɔ nɛ e ngɔ la kɛ gbla e ma a tue. La a sã muɔ voo ɔ nɛ ngɛ zugba a sisi ɔ, nɛ e bɔni zugba a hu sami.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

Mose V, 28:20

“Ke nyɛ kua Yawɛ, nɛ nyɛ ya pee yayami ɔ, lɔ ɔ lɛɛ e kɛ gbiɛmi nɛ ɔmɛ maa ba nyɛ nɔ: nyɛ ma didaa; nyɛ maa pee basaa, nɛ nyɛ maa bɔ ahlua ngɛ nɔ́ tsuaa nɔ́ nɛ nyɛ ma tsu mi. E ma tsa nɔ ja kɛ yaa si nyɛ hɛ mi ma kpata tlukaa.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Yesaya 10:17

Mawu nɛ ji la kɛ ha Israel ɔ ma mle. Mawu klɔuklɔu ha Israel ɔ ma mle kɛ la, nɛ ligbi kake too mi ɔ, e maa sã nɔ́ tsuaa nɔ́; e maa sã mio ɔmɛ, kɛ mio tso ɔmɛ tsuo.

Yesaya 26:11

Yawɛ, o to kaa o maa gbla he nyɛli ɔmɛ a tue, se a li tete. Ha nɛ zo nɛ gbe mɛ, nɛ a na nɔ́. Gbla a tue kaa bɔ nɛ o to ha mɛ ɔ. Ha nɛ a na kaa o suɔ o ma a sane saminya.

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.

Yesaya 51:20

O bimɛ ɔmɛ gbɔjɔ, nɛ a hɛli kɛ pueɔ si ngɛ gbɛjegbɛ ɔ nɔ kaa bayelɔ nɛ du klama. Yawɛ, o Mawu ɔ gbla o tue wawɛɛ nitsɛ.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Yeremia 46:15

Kɛ ba lɛ kɛɛ loko Apis, nyɛ mawu kpetekpleenyɛ ɔ tu fo kɛ je nyɛ he ɔ? Ee, Yawɛ lɛ fia lɛ nɔ́ kɛ fɔ si!’

Ezekiel 5:15

“Ke ye mi mi fu, nɛ ye hɛ dɔ, nɛ i gbla nyɛ tue kikɛ ɔ, je ma amɛ nɛ bɔle nyɛ ɔ tsuo maa ye gbeye; a maa hie nyɛ, nɛ a maa ye nyɛ he fɛu.

Ezekiel 38:17

Nyɔmtsɛ Yawɛ ke blema lokoo nɛ i ha ye tsɔli, Israel gbali ɔmɛ gba jehahi babauu ke be ma nɛ ma ha nɔ ko ma ba ye ye ma Israel nɔ ɔ, anɛ mo o he i de ngɛ lo?”

Hosea 8:7

Ejakaa ke a du kɔɔhiɔ ɔ, a ma kpa lasiogblee! Blɛfo ngmɔ nɛ wui ní ɔ, a be mamu nae kɛ je mi. Ke e wo yiblii po nibwɔhi ma ba ye lɛ tsuo.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Habakuk 3:8

Yawɛ, anɛ pa amɛ lɛ a wo o mi mi la a lo? Aloo wo ɔ lɛ ha o hɛ dɔ, benɛ o hi bɔku ɔmɛ a nɔ kɛ nyɛɛ kaa ta zugba lɛ kɛ ya ye kunimi ɔ?

La 18:9

E ha nɛ hiɔwe nya ba si, nɛ e kple si; nɛ diblii kpii ngɛ e nane sisi.

Yesaya 30:30

Nɔ tsuaa nɔ maa na e he wami kpetekpleenyɛ ɔ nɛ ngɛ ní tsue, kɛ bɔ nɛ e mi mi fu wawɛɛ ɔ; la nɛ puɛɔ ní maa tso plamplam, nɛ ahumi maa fia; hiɔmi maa nɛ, nɛ gbiɛ ngo ngu ma pue si.

Daniel 7:10

La ngɛ tsoe gegeege ngɛ e hɛ mi kaa pa nɛ hia kɛ bee. Nihi akpeakpehi ngɛ lejɛ ɔ ngɛ lɛ sɔmɔe, nɛ akpe nyɔngma totoe akpe nyɔngma daa si ngɛ e hɛ mi. Kojoli ɔmɛ ba hi si, nɛ a bli womi ɔmɛ a nya.

Zakaria 6:1

I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.