Yesaya 66:11 - BAIBLO ALOO NGMAMI KLƆUKLƆU Ɔ

¹¹ E ní nɛ e na a, nyɛ maa ye eko, nɛ nyɛ bua maa jɔ kaa bimwɔyo ngɛ e nyɛ nyɔ nya!

Yesaya 66:11 ပူးပေါင်းရင်းမြစ်များ

Yesaya 60:16

Je mahi, kɛ matsɛmɛ maa lɛ mo kaa bɔ nɛ binyɛ haa e bi nyɔ ɔ. O maa le jehanɛ kaa imi Yawɛ nɛ i ha o yi na wami. O maa le kaa imi, Israel Mawu kpetekpleenyɛ ɔ nɛ i ha o ye o he.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Yesaya 60:5

Ke e ba mi ja a, o bua maa jɔ; o maa muɔ jɛɛ, nɛ o ma nya saminya; ejakaa je ma amɛ maa ngɔ a juetli, kɛ sika nɛ a na ngɛ wo se ɔ tsuo kɛ ba o ngɔ.

La 36:8

O lɛɔ wɔ kɛ o we ɔ ní kpakpahi. O haa wɔ nyu kɛ jeɔ o pa nɛ ngɛ akɔnɔ ɔ mi lɛ wa nuɔ.

1 Petro 2:2

Nyɛɛ pee nyɛ ní kaa bimwɔwi, nihi nɛ a fɔ mɛ ehe. Nyɛ ha nɛ mumi mi nyɔ nyu nɛ mi tsɔ ɔ nɛ jlo nyɛ. Nyɛ hla nɛ nyɛɛ nu, nɛ nyɛɛ wa, konɛ a he nyɛ yi wami.

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Yesaya 60:1

Yerusalem, tee si nɛ o tso kaa pu; Yawɛ hɛ mi nyami ɔ ngɛ kpɛe ngɛ o nɔ.

Yesaya 60:2

Diblii maa ha zugba a tsuo nɔ, je ma amɛ maa hi diblii kpii mi, se moo lɛɛ Yawɛ ma je e he kpo ha mo; e hɛ mi nyami ɔ ma pue o nɔ.

Yesaya 62:2

Yerusalem, je ma amɛ maa na kaa o ye kunimi, nɛ matsɛmɛ ɔmɛ tsuo maa na o hɛ mi nyami ɔ. A maa wo mo biɛ he. Biɛ nɛ Yawɛ nitsɛ maa wo mo ɔ, lɔ ɔ a kɛ ma tsɛ mo.