Yesaya 66:1 - BAIBLO ALOO NGMAMI KLƆUKLƆU Ɔ

¹ Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Yesaya 66:1 ပူးပေါင်းရင်းမြစ်များ

Ni Tsumi 17:24

Mawu, nɔ nɛ bɔ je ɔ, kɛ e mi níhi tsuo ɔ, lɛ ji hiɔwe kɛ zugba Nyɔmtsɛ; nɛ e hí sɔlemi tsu nɛ a kɛ nine pee mi.

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

La 132:7

Wa de ke, “Nyɛ ha waa ya Yawɛ we ɔ nɛ wa ya kpla si ngɛ e matsɛ sɛ ɔ hɛ mi!”

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Kronika II, 6:18

“Se anɛ mo Mawu, o kɛ nɔmlɔ adesa ma nyɛ maa hi zugba nɛ ɔ nɔ niinɛ lo? Mo, nɛ hiɔwe kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

Kronika I, 28:2

Kɛkɛ nɛ David ba da si ngɛ ma a hɛ mi, nɛ e de ke, “Ye nyɛmimɛ, kɛ ye ma, nyɛɛ bu mi tue! Jinɛ i to nɛ ma po we nitsɛ nɛ a to somi daka a, he nɛ Yawɛ, wa Mawu ɔ hii ɔ ngɛ mi. Nɔ́ tsuaa nɔ́ nɛ he maa hia kɛ ha we nɛ ɔ pomi ɔ, i bua nya.

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

Mateo 24:2

Se Yesu de mɛ ke, “Tse nyɛ ngɛ ní nɛ ɔmɛ tsuo hyɛe? Niinɛ, i ngɛ nyɛ dee ke, a maa ku tsu nɛ ɔmɛ tsuo pue si nɛ a be tɛ kake po sie ngɛ eko nɔ.”

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Mateo 12:6

I ngɛ nyɛ dee ke, nɔ́ ko ngɛ hiɛ ɔ nɛ pe sɔlemi we ɔ.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Kronika II, 2:5

We nɛ ma po nɛ ɔ maa kle agbo; ejakaa wa Mawu ɔ kle pe mawu ɔmɛ tsuo.

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.