Yesaya 65:9 - BAIBLO ALOO NGMAMI KLƆUKLƆU Ɔ

⁹ Ma ha Yakob nina babauu. Ma ha Yuda bi ɔmɛ ma ba hi yo ɔmɛ a nɔ; lejɛ ɔ tsuo maa pee ye sɔmɔli nɛ i hla nɛ ɔ a nɔ́.

Yesaya 65:9 ပူးပေါင်းရင်းမြစ်များ

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Romabi 11:28

Ngɛ sane kpakpa a blɔ fa mi ɔ, nyɛ he ɔ, Yuda bi ɔmɛ peeɔ Mawu he nyɛli. Se akɛnɛ e hla a nɛmɛ ɔmɛ momo he je ɔ, Mawu suɔ mɛ.

Mateo 24:22

Se Mawu po ligbi ɔmɛ a nɔ kpiti momo; kaa e pee we jã jinɛ adesa ko adesa ko yi be wami nae. Mawu bimɛ ɔmɛ nɛ e hla a a he je ɔ, a maa po jamɛ a ligbi ɔmɛ a nɔ kpiti.

Zefania 3:20

Be ma! Ma ngɔ nihi nɛ gbɛ fĩa a kɛ maa ba we ekohu. Ma ha nɛ nyɛ ma he biɛ ngɛ je ɔ mi tsuo; je ma amɛ ma je nyɛ yi, nɛ nyɛ ma na ní babauu ekohu.” Yawɛ lɛ de.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

Yesaya 65:22

A be wehi poe nɛ ni kpahi ba hi mi, nɛ a be ngmɔ pee nɛ ni kpahi ba ye e mi ní. Bɔ nɛ tso nguahi a se kɛɔ ɔ, ja ye ma mi bi ɔmɛ a se maa kɛ ngɛ je mi. A ma ná mɛ nitsɛmɛ a nine nya ní tsumi mi ní maa ye, nɛ a bua maa jɔ a he saminya.

Yesaya 65:15

Nyɛ biɛ maa pee nɔ nɛ a kɛ gbiɛɔ ha ye ma nɛ i hla a; ejakaa imi Nyɔmtsɛ Yawɛ nitsɛ, ma kpata nyɛ hɛ mi; se ni nɛmɛ nɛ jaa mi ɔ lɛɛ ma wo mɛ biɛ he.

Yesaya 45:19

I tu we munyu ngɛ laami mi; ye yi mi tomi fɔɔ si paa. I de we Israel ma a ke a ya hla mi ngɛ nga pã. Imi ji Yawɛ, anɔkuale pɛ i tuɔ; nɔ́ nɛ da a, lɔ ɔ pɛ i deɔ.”

Yesaya 32:18

Haomi ko haomi ko be ye ma a nya gbae, nɛ tue mi jɔmi kɛ he jɔmi maa hi a we ɔmɛ a mi.

Yesaya 30:19

Nyɛ Yerusalem bi, nyɛ be ya foe hu! Yawɛ ɔ, mɔbɔ nalɔ ji lɛ; ke nyɛ fa kue ha lɛ ɔ, e ma he nɔ.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

Yesaya 57:13

Benɛ nyɛ ngɛ ngmlaa kpae kɛ ngɛ balɔ tsɛe ɔ, nyɛ ha nɛ nyɛ amaga babauu ɔmɛ nɛ a je ngmlaa ha nyɛ koo! Kɔɔhiɔ kɛkɛ po maa bɛɛ mɛ tsuo kɛ ho; mumi nɛ a woɔ si kake pɛ ma fli mɛ kɛ ho. Se ni nɛmɛ nɛ ngɔɔ a hɛ ngɔ fɔɔ ye nɔ ɔ, a maa hi zugba a nɔ, nɛ a ma ja mi ngɛ ye yo klɔuklɔu ɔ nɔ.”

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.